Imatiwu 16:4 - IWE ỌNỊNỊ

⁴ Aza edivi ọnịrị ọsẹrẹka nịnị kẹnẹ eē sì apọtẹrẹwa nị. Ẹ yị nyị ụkọrọ apọtẹrẹwa anaa vaa sịị zụ̀ wa, ẹ̀ yị vị apọtẹrẹwa Ijona ana vị ọnịsẹ kẹnẹ.” Dị ọ hụụ ịda ẹnịnị, dị aa na nị.

Imatiwu 16:4 Referans Kwoze

Ijona 1:17

Dị Ẹnẹyịmavara mẹ̀ ka ivovo ọbanyị ọnya aanị ọ mụnẹ Ijona nị. Dị ọ yà ịnị ịnẹ ivovo ọnọọ mẹ ẹkụhị ẹẹta nị.

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Ịmaakị 8:12

Ijeesu ô hi ụhwẹ zẹtẹ, dị ọ ka, “Ho! Sị ẹ vẹ dị anụmẹ ọgọnị maanịị̄ sì ụkọrọ ohyozirenu aanị? Ịzẹyịza, m maa kà nị, mẹ yị vaa mẹ̀ ụkọrọ ohyozirenu ọnyọọnyị zụ̀ wa.”

Imatiwu 15:14

Navọ wa, ka ogweyi ana aa zụ̀ ogweyi oze, ẹ vị nị. Ogweyi àaa zụ̀ ogweyi oze, ẹnị ẹyịva vị anaa hyẹdụ nee ngụ ini orosi.”

Oyinyima 6:3

Di Ẹnẹyịmavara Ohomorihi va ka, “Mẹ yị vaa zẹẹ ka ọza ọ̀ ra ịnị ẹhẹ pooro zịna-zịna, agụvị ka òo si oo yị vi ee su nị. Ịrayị ẹchịhịnọnyị (120) kẹnẹ mị vaa zẹẹ ka ọ̀ ra ẹhẹ vị nị.”

Odeyi 18:6

Ịjị ẹnịnị kwẹẹtẹ tù Ịpọọrụ, dị ẹyaa kụ̀ ọọ ụhụ, dị ọ bànyị awuru hi wa, dị ọ ka, “Wèe kuku vú nịnị, ẹwụ nịnị ọ nyị ohuvọ anị nị! Mẹ yị nyị ụvọ tụ́ ịnị usu awụ nịnị. Hụrẹ ọyaanị na, ịdị Anigiriki, mị kụkụ aa nọ nị.”

Ihoseya 9:12

Ezi ẹnịnị ana hụ, dị ẹ yara vị ọnị vaa jị ọyị yị, dị ọnị ọ tụ́ wa avosusu. Hụrẹ ụmẹ ọnị ọnị va ịrẹma ẹnịnị, vị ọnị odivi-odivi vana vee tù wa.

Ihoseya 4:17

Ehwireemi ọ̀ raà bẹ ụvọ tụ́ ịnị ahẹkẹ ori nịnị. Agụvị avọọ aa ha ẹtẹ tụ ọ.

Odeyi 2:40

Ipita ộ kà ịrẹyị ọrụrụ-ọrụrụ yị wa, dị aa dá ịpẹẹ yị wa ẹtẹẹtẹrẹ, ka ẹ̀ dọ ẹngụ ẹnịnị hụụnị ụya ana aa vẹ ịrẹsụ aza edivi ụmẹ ọnọnị.

Ayịsaya 57:3

Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa.

Ijona 1:1

 nyị ọnọrụ ọnya aanị ana aā hị́ Ijona ana vị ozi Amitayi. Ẹkụhị ọnya aanị dị Ẹnẹyịmavara hị́ ọ,

Imatiwu 16:5

Ézirẹma anị mẹ̀ jịnẹ nọ akẹnẹ irehu, ayị ô hí wa, ẹyị sị ịsọyịrị za.