Imatiwu 16:28 - IWE ỌNỊNỊ

²⁸ Ịzẹyịza m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro, di è re, Ózi ọza onigirima màa vẹ vaa mẹ ịjọva.”

Imatiwu 16:28 Referans Kwoze

Iruuku 9:27

Ịzẹyịza, m maa kà a wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro di è re, Óhomorihi mẹmẹ vaa mẹ ịjọva.”

Ịmaakị 9:1

Ijeesu ộ kà a yị wa ka, “Ịzẹyịza, m maa kà a yị wụ nịnị nị, â nyị aza ẹnyị ana jẹẹ ịzẹnị, ana ahịka e yi vee sú pooro di è re, Óhomorihi mẹmẹ vaa mẹ ohinọyị anịị beri ụkata.”

Ịjọọnụ 8:52

Dị Aniju nịnị tụ́ ọọ ohi, dị ẹ ka, “Ya sị yẹ ka wâ nyị ụhwẹ echu. Abụrahamị ô wusu, ọnịsẹ nịnị ẹnị e re wusu; dị ẹwụ kụkụ va ka ọza ana àa sị ụvọ za ịrẹyị awụ, oyi kuku vee sú paa!

Imatiwu 26:64

Dị Ijeesu ka, “Ẹmịị yọ nị. Dị maa kà a yị wụ nịnị ka hụrẹ ọyaanị na, u vee re ẹmị Ozi ọza onigirima ka mâ yaayịtẹ éyi ụvọrị Ohomorihi Ochẹtẹngụ. Mị vaa vẹ ini eguhi ẹ́bẹẹba.”

Imatiwu 10:23

Ịjị àaa sị ụyaa rị wụ nịnị ịnị ẹkụra ọnya, zwe nọ ịnị ẹkụra ọsa nịnị! Dị ma kà a wụ nịnị, wẹ yị va zụụ ngụ avaba ẹkụra Anisirẹrị ta, dị ẹmị Ozi ọza onigirima ọ̀ vavẹ.

Iruuku 2:26

Ộ vịdị sị zụ̀ ọ ka o yi vee sú pooro di ò re Ikirisiti oni Ohomorihi aa tụ́ụ vẹ ẹhẹ.

Ịmaakị 13:26

Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.

Anihiburu 2:9

Ama yée re Ijeesu, ana ahịka â mẹẹ ka ò weyi huna anggẹẹrị nịnị chee, agụvị ini oze ayamva Ohomorihi, dị ò sú yị avaba aza. Agụvị ụya ọnọọ oni Ijeesu vavọọ rị dị o sú, Ohomorihi ọ́ọ sị ụbanyị ohinọyịị yọ.

Imatiwu 24:3

Ijeesu ộ nọ ịrẹsụ Ataba Orivi, dị ọ na yaayịtẹ ịzọọ nị. Dị ezirẹma anị tangwa ká a vẹ dị ẹ ka, “Kà ẹ yị ụmẹ ọnị ịsa ẹnẹnị vaa sịị mẹ. Sị ẹ vị apọtẹrẹwa ana vaa sị zụ̀ ka waa vaa vaavẹ, ọnịrị ka ẹhẹ raa vaa ta?”

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

Imatiwu 24:42

Agụvị avọọ wee zí nịnị, agụvị ka wẹ yị yẹ ụmẹ ana Ananyị yị aa sịị vẹ.

Iruuku 18:8

Dị ma kà a wụ nịnị ka o vee jintuu mẹ̀ ịsa ana vọrọọ yị wa. Mị ka ee, ịhị ẹmị Ozi ọza onigirima ọ̀ọ vavẹ, méé kuku vee tù ka aza ẹ sị sị ayị tụra mị ịnị ẹhẹ?”

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Imatiwu 16:13

Ijeesu ộ nọ ọgụrị ẹkụra Ịsẹsarịya-Ihwiripi. Dị ọ họ̀ ezirẹma anị ka, “Ẹnị aza sị ọọ hị́ ka ẹmị Ozi ọza onigirima ọ́ọ vị?”

Imatiwu 24:34

Ịzẹyịza m maa kà a wụ nịnị nị, aza ene hi ẹhẹ booro aanị, ẹ yị vaa taa hụụnị ẹhẹ, dị avaba ịsa ẹnẹnị ẹ̀ mẹ.

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Ịjọọnụ 8:51

Ịzẹyịza m maa kà a wụ nịnị nị, ọza ana àa sị ụvọ za ịrẹyị amị, o yi kuku vee sú paa.”

Ịjọọnụ 21:22

Dị Ijeesu tụ́ ọ ohi, dị ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ? Ẹwàa dụ mị ịrẹma!”

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

1 Anịkọrịntị 15:23

Ịsa ẹnẹnị vị ana vaa mẹẹ tù ẹngụ tù ẹngụ: Ijeesu Ohinọyị oni Ohomorihi nyị ka ọ̀ dọ yị há, ọ vịdị vaa haa hụụnị isu nị; ịnị ụmẹ ọnị ọ̀ọ vaa sị vaa vẹ ịnị ẹhẹ ọnọnị, avaba aza ana vị áanị ẹnị rẹ vaa ha hụụnị isu.

Ijemiisi 5:7

Ẹwụ nịnị ẹyịnyara amị, nyị isuuru nịnị pooro dị Ananyị yị ọ̀ vavẹ. Wê re ọgẹrẹva nịnị, ẹnịnị mẹẹ̄ nyị isuuruu jẹẹ pooro ka ịsa ozoza ịnị aarẹ ẹnịnị ẹ̀ mẹ, hụrị ụmẹ oni orihi ịpaapa ọ̀ọ sị zụ̀ ne tù ụmẹ oni orihi ọdịrẹma vaa sịị zụ̀, dị ẹ̀ vaa mẹ̀ ịsa ịnị aarẹ ẹnịnị.

2Ipita 1:16

Ẹ yị vị ịtọpa aza kẹnẹ ị sị rị ụvọ aa zị, ị maa kà a wụ nịnị ini oze ụkata Ijeesu Ikirisiti Ananyị yị ọnịrị ọ mẹmẹ vẹ. Ama yáa sị eyi ayị ré igirima anị.

1 Ịjọọnụ 2:28

Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ.