Imatiwu 16:27 - IWE ỌNỊNỊ

²⁷ Agụvị ka Ozi ọza onigirima vaa vẹ beri anggẹẹrị nịnị ini igirima Ada anị; ịjọnọọ dị ọ sị ọgụ ụkọrọ ọzọza yọ anka ụkọrọ ọzọza.

Imatiwu 16:27 Referans Kwoze

2 Anịkọrịntị 5:10

agụvị ka ẹ yị zụ nyị ka avaba ayị ọ yị vaa nọ ọvịdị Ikirisiti, dị ọ̀ mẹ̀ ọkarẹyị yị. Ọzọza vaa dọ ọgụ ịsa ọnị ọ mẹ, ọ mẹ̀ yà ịnị ẹhẹ ọnọnị; ọ̀ọ vị ọyịza, ọ̀ọ vị odivi.

Ahẹ Ụgama 62:12

Ọ kà vi oniī sì ịrẹyị ọza pooro nị, ọ mā vara Ẹwụ Ananyị yị, ẹwaā sị ọgụ ụkọrọ ọzọzaa yọ nị.

Aniroomi 2:6

Avaba ịsị ọzọza ọ̀ọ mẹ, Ohomorihi vaa sị ọgụ anịị yọ.

Aniroomi 14:12

Agụvị avọọ, avaba ayị vaa kà enube ẹngụ ayị ọ́vịdị Ohomorihi.

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

Anẹhwẹsọsị 6:8

Wáa yẹ nịnị ka ịsa ozoza tụra ịsa ozoza ọnị ọza ọ̀ọ mẹ, avọọ Ánanyị yị mẹ̀ rẹ vaa sị ọgụ anịị yọ nị. Òo zee eyi, ọza ọnọọ ọ̀ vị ozi ahụ, òo zee eyi, ọ̀ vị ọga ẹngụ anị.

Ijudi 1:14

Enọkị ana vị ọnọhụhịmba ịnị ịrẹsụ Adamị ộ vịdị kà ịsẹ ịnị oze aza ẹnẹnị ka: Re, Ananyị yị vaa vẹ beri otomiroku anggẹẹrị ọnịnị anị,

Ụhịrẹyị 24:12

Asị ụ kà a ka ẹ yị nyị awụ rị ịnị anị agụvị ka Ohomorihi ọ yẹ ayị́ ọzọza, di e re ọzọza nị. O vee sí ọzọza atọ ịsị ọnị ọ̀ mẹ̀.

Ẹtore 20:12

Di mi re oku nịnị nị, ezweyi ọnịrị azọkụ, dị ẹ jẹẹ ọvịdị Ohomorihi nị. Áa hụ̀ iwe ẹnyị, dị a rẹ hụ̀ iwe ọsa nị, ana vị iwe aza ana yàra pooro zịna-zịna. Dị a hị́ ka ịsa anaa chẹrẹ tụ́ ini iwe ọnọọ, aa sịị mẹ̀ ọkarẹyị oku nịnị nị anka ịsa ọnị ọzọza mẹ.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Ijoovu 34:11

Ịsa ọnị ọzọza mẹ̀, o vee si si ọ atọ nị.

Imatiwu 25:31

“Ịhị Ozi ọza onigirima ọ̀ọ vẹ ini igirima anị beri avaba anggẹẹrị ọnịnị nịnị, ọ vaa yaayịtẹ ị́rẹsụ aga igirima anị.

Ijeremaya 32:19

Ịrẹyọyẹ awụ ọọ banyị, dị ụ rẹẹ mẹ̀ ụkọrọ ẹbanyị-ẹbanyị nị. Wee ré avaba ịsị aza aa mẹ, dị ụ rẹ vavọọ aa sị ọgụ ụkọrọ ọzọza yọ nị.

Iruuku 21:27

Di e vene re ka ẹmị Ozi ọza onigirima aa vẹ ini eguhi beri ụkata ọnịrị igirima.

Ịmaakị 14:62

Dị Ijeesu ka, “Ẹ mịị yọ nị. U vee re ẹmị Ozi ọza onigirima ka mâ yaayịtẹ eyi ụvọrị Ohomorihi Ochẹtẹngụ. Mị vaa vẹ ịnị eguhi ẹ́bẹẹba.”

Ịmaakị 8:38

Agụvị avọọ àa nyị ọza ịnị ẹhẹ odivi ọnọnị, ana aa nyị ụhị ọ̀yị dọ irenu ka ọnị vị áamị, dị ọ raa nyị ụhị ịrẹyị amị nị, ẹmị Ozi ọza onigirima rẹ vaa nyị ụhị ọ̀yị kà a ka áamị ọza ọnọọ vị nị, ịjị màa vavẹ ini igirima ada amị beri anggẹẹrị ọnịnị nịnị.”

Imatiwu 24:30

Ịjọnọọ, dị a nyị apọtẹrẹwa ẹmị Ozi ọza onigirima ẹ́bẹẹba. Dị avaba anẹhẹ aa jị òrèrè, di e re ka ẹmị Ozi ọza onigirima aa vẹ ini eguhi ẹbẹẹba beri ụkata ọnịrị igirima.

Ịzakaraya 14:5

Anijerusarẹmị nịnị vee zwe zị oze ịnị upoporo ataba ẹyịva ẹnẹẹ. Upoporo anị ộ gọdọ na ngụ Azeeri. Ẹnịnị vee zwe anka ụmẹ ọnị ẹtẹ sị ziizi ịnị ụmẹ Uziya ohinọyị Ijuda. Ẹnẹyịmavara vaa vẹ, dị avaba anggẹẹrị ọnịnị saasa a vẹ.

Ezikẹẹrị 7:27

Ẹnẹyịmavara kà ohinọyị vee sụ́ ùnè, dị ẹnị ọdọvịdị ẹkụra nịnị é yi kuku re ịsị ọnyọọnyị tụra eyi. Ẹngụ Anisirẹrị nịnị vaa dá ẹgahị angwa mee hi wa. Ọ kà ọnị vaa sị ụya avaba ịsị ọnị ụ mẹẹ rị wụ nịnị, dị ọnị mẹ̀ ọkarẹyị yị wụ nịnị anị ka ẹwụ nịnị mẹ rẹ mẹ yị aza. Ọ kà ọsọnị vaa mẹ ka wa yẹ nịnị ka, ọnị ọ vị Ẹnẹyịmavara nị.

Ẹtore 1:7

Re! Aa vẹ ini eguhi. Avaba aza vee re e beri aza ana hyakụ jị ọha ngụ ọọ akaha. Avaba anẹhẹ vaa jị òrèrè agụvị anị. Avọọ gẹdẹ-gẹdẹ ọ mẹ̀ vị nị. Aamị.

Odeyi 1:11

Dị ẹ ka, “Ẹwụ nịnị Anigariri, sị ẹ vẹ dị ụ maanị jẹẹ, dị ụ và eyi hịrẹ ee re ẹbẹẹba nịnị? Ijeesu ọnọnị ana hụụ ịdị awụ nịnị nọ ẹbẹẹba aanị, ọ rẹ vanaa vẹ, anka u mè re e ka ộ hịrẹ nọ ẹbẹẹba nịnị aanị.”

Imatiwu 26:64

Dị Ijeesu ka, “Ẹmịị yọ nị. Dị maa kà a yị wụ nịnị ka hụrẹ ọyaanị na, u vee re ẹmị Ozi ọza onigirima ka mâ yaayịtẹ éyi ụvọrị Ohomorihi Ochẹtẹngụ. Mị vaa vẹ ini eguhi ẹ́bẹẹba.”

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.

Iruuku 22:69

Ama hụrẹ ọyaanị na, ẹmị Ozi ọza onigirima vaa yaayịtẹ éyi ụvọrị Ohomorihi Ochẹtẹngụ.”

Iruuku 9:26

Agụvị avọọ, àa nyị ọza ana aa nyị ụhị ọyịkà a ka áamị ọnị vị nị, à vị ka dị aa nyị ụhị ịrẹyị amị nị, ẹmị Ozi ọza onigirima rẹ vaa mẹ nyị ụhị ọyịkà kà a ka ọza ọnọọ vị áamị, ịjị màa vavẹ ini igirima amị beri igirima Ada amị ọnịrị áanggẹẹrị ọnịnị nịnị.

Imatiwu 13:49

Avọọ ọ mẹ̀ vaa yà ịnị ụmẹ ọdịrẹma ẹhẹ nị: Anggẹẹrị nịnị vaa jịnẹ naa kụ́ aza edivi hụụnị aza ọyịza,

Ịdanịyẹrị 7:10

Dị ịra â dà wụụrụ ọvịdị anị nị. Ọkọnị aza ee ku ẹtẹ kụ ọ, dị aza otomiroku ẹnị rẹ jẹẹ ọvịdị anị nị. Ịjị ọmọkarẹyị nịnị sị yaatụ, dị ẹ hụ̀ iwe ana a chẹrẹ ịsa ọnị ọzọza mẹ hi ịnị anị nị.

1 Anịtẹsaronika 1:10

Dị ụ rẹ jẹẹ ee zí Ozi Ohomorihi nịnị ka ọ̀ và hụrị ẹbẹẹba vẹ nị. Ozi anị ọnọọ ọ ha hụụnị isu nị. Ọnị ọ vị Ijeesu ana dọ yị há hụụnị ọyịkụ Ohomorihi ana aa vẹ nị.

1 Anịtẹsaronika 4:16

Ananyị yị vaa mẹ̀ ọda, dị ohirẹsụ anggẹẹrị nịnị nowu, dị ọpanyị Ohomorihi rẹ sụ́ ịrẹyị, dị Ananyị yị ọnị ụvọta chí hụrẹ ẹbẹẹba aa vẹ. Aza ana sị ayị tụra Ijeesu dị e ve sú, ẹ vịdị vaa haa hụụnị isu nị.

Imatiwu 13:41

Ẹmị Ozi ọza onigirima vaa tụ́ anggẹẹrị amị nịnị jịnẹ, dị ẹ tọ̀ọ́ avaba ịsa anaā mẹ ka ọza ọ̀ mẹ ịvịị ọnịrị avaba aza ana vọ anaā mẹ̀ ịsa edivi hụụnị aza oni Ohomorihi aa mẹ ịjọvaa tụra.

1 Anịkọrịntị 8:8

Yâ yẹ ka ịsọyịrị ọ yị zụ mẹ ka ye zé Ohomorihi eyi. Yâ ka, yẹ yị rị ịsa ẹnẹẹ, o yi divi. Yâ rẹ ka yaa rị, ọ yị sị yị dahi hu avọọ.

Imatiwu 8:20

Dị Ijeesu kà a yọ ka, “Ahaka nịnị ệ nyị ụsị; inomi nịnị ẹ rẹ nyị ịrẹngwẹ, ama ẹmị Ozi ọza onigirima ọ yị hyakụ nyị aha ana vọrọ ka ma yà tụ́ ụhwọ́.”

Ịrẹyị Ọzwọzịsa 3:17

Ọ kà dị ọnị kà a yị ẹngụ anị ka Ohomorihi vaa mẹ̀ ọkarẹyị avaba ịsa ọzọza aa mẹ, ọ̀ọ vị ọyịza, ọ̀ọ vị odivi ịjị ụmẹ anị oo tu.

Ezikẹẹrị 18:20

Ọza ana mẹ̀ ebira odivi, o vee su isu anị nị. Ozi ẹ́ yị vaa rị ụya ebira odivi ada anị; ada ẹ́ yị vaa rị ụya ebira odivi ozi anị. Ọza ọyịza vaa rị ọgụ ebira ọyịza, avọọ ọza odivi mẹ vaa rị ụya ebira odivi anị nị.

Ịjọọnụ 21:22

Dị Ijeesu tụ́ ọ ohi, dị ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ? Ẹwàa dụ mị ịrẹma!”

Ịjọọnụ 21:23

Dị ọ kụkụ sị ngụ ịrẹyị yị ọdọwụ nịnị ka ozirẹma ọnọọ o yi vee sú nị. Ama Ijeesu ọ yị kà a ka, “O yi vee sú”, ọ ka, “Mèe sì ka ọ̀ yàra dị ma vavẹ, ịzị ọnọọ gẹ wụ?”

1 Anịkọrịntị 3:13

Ẹkụhị ọnya, e vee re, ụ́kọrọ ọzọza mẹmẹ yà. Ịhị ọnọọ oni Ijeesu vaa vaa vẹ, vaa sịị zụ̀. A vaa sị ịraa zama ụkọrọ ọzọza re. Ịra ọnọọ vaa sị zụ̀, ụ́kọrọ ọzọza mẹmẹ yà.

1 Anịkọrịntị 15:23

Ịsa ẹnẹnị vị ana vaa mẹẹ tù ẹngụ tù ẹngụ: Ijeesu Ohinọyị oni Ohomorihi nyị ka ọ̀ dọ yị há, ọ vịdị vaa haa hụụnị isu nị; ịnị ụmẹ ọnị ọ̀ọ vaa sị vaa vẹ ịnị ẹhẹ ọnọnị, avaba aza ana vị áanị ẹnị rẹ vaa ha hụụnị isu.

Anikorasi 3:25

Aza ana àa mẹ̀ ịsa odivi, rẹ vaa dọ ọgụ ịsa odivi ẹnịnị. Ohomorihi ọ mā nyị ọza remeyi.

Ijemiisi 5:7

Ẹwụ nịnị ẹyịnyara amị, nyị isuuru nịnị pooro dị Ananyị yị ọ̀ vavẹ. Wê re ọgẹrẹva nịnị, ẹnịnị mẹẹ̄ nyị isuuruu jẹẹ pooro ka ịsa ozoza ịnị aarẹ ẹnịnị ẹ̀ mẹ, hụrị ụmẹ oni orihi ịpaapa ọ̀ọ sị zụ̀ ne tù ụmẹ oni orihi ọdịrẹma vaa sịị zụ̀, dị ẹ̀ vaa mẹ̀ ịsa ịnị aarẹ ẹnịnị.

1 Ịjọọnụ 2:28

Ẹwụ nịnị ezi emi, mị ka ẹwụrị Ijeesu ọ̀ rị vabẹ nịnị, agụvị ịhị ọ̀ọ vavẹ, ya nyị ọtụtụrụma, asị ụhị dụ yị varẹma hụụ ịdị anị, ọ̀ọ vẹ.