Imatiwu 15:4 - IWE ỌNỊNỊ

⁴ Ohomorihi ộ mẹ̀ ọda ka ‘Sị ụbanyị yị ada awụ ọnịrị ọnyị awụ!’ Ọ rẹ ka ọza ana àa kà ịrẹyị odivi hi ada anị, ọ̀ọ vị ọnyị anị, à wụ ọọ.

Imatiwu 15:4 Referans Kwoze

Ọyịkụra 20:12

Sị ụbanyị yị ọnyị awụ ọnịrị ada awụ agụvị di we zụ kú orubo ịnị ẹtẹ ẹnị ẹmị Ẹnẹyịmavara ana vi Ohomorihi awụ aa sịị yị wụ.

Ireevi 20:9

Ẹnẹyịmavara ộ mẹ̀ ẹ ọda ka, ọza tụra ọza anaa kụ́ ada anị à vị ọnyị anịị ụhụ, à wụ̀ ọ. Ọza ọnọọ o si ẹngụ anị isu nị. À sị a nyị ọza ana á tụ ohuvọ.

Ọyịkụra 21:17

Ọza ọ̀ọ kụ̀ ada anị àa vị ọnyị anị ụhụ ọza ọnọọ vị ana aa wụ.

Iwe Ọhụhị Imosiisi ana aa hị́ Ọyịvatụrọda 5:16

Sị ụbanyị yị ọnyị awụ ọnịrị ada awụ anka Ẹnẹyịmavara ana vị Ohomorihi awụ agụvị dị we zụ kú orubo, dị o zee yị wụ ịnị ẹtẹ ọnị Ẹnẹyịmavara ana vị Ohomorihi sịị yị wụ.

Ụhịrẹyị 23:22

Wụ ịrẹyị ada awụ ana ma wụ, dị ụ waa tẹsị ọnyị awụ ịjị ọ̀ọ sị vịra.

Ireevi 19:3

Ọzọza ọ̀ sị ụbanyị yị ada anị ọnịrị ọnyị anị, dị ẹ̀ sị ụvọ za ịrẹyị ẹkụhị ụhwọtụ anka ọnị mẹ mẹẹ ọda yị wa, ọnị ọ vị Ẹnẹyịmavara, Ohomorihi ẹnịnị nị.

Imatiwu 19:19

Sị ụbanyị yị ada awụ ọnịrị ọnyị awụ! Di u we sì ịrẹyị ọnọhụva anka ẹngụ awụ!”

Anẹhwẹsọsị 6:1

Ẹwụ nịnị ezi, waa wụ́ ịrẹyị aza na ma wụ nịnị! Ịsa ana vọrọ ini eyi Ananyị yị ọ vị ọnọọ nị.

Ụhịrẹyị 20:20

Ọza ana àa kụ ada anị ọnịrị ọnyị anị ụhụ, vị anaa jị ọyị yị ẹngụ anị.

Iwe Ọhụhị Imosiisi ana aa hị́ Ọyịvatụrọda 27:16

O yi vee ze yị ọza tụra ọza ẹnẹ ẹ yị sị ụbanyị ada anị ọnịrị ọnyị anị. Dị avaba aza ọ̀ ha aamị!

Aniroomi 3:31

Áá zụ kà a ka ya raà mẹ ka ọda Ohomorihi ọ̀ vị ịrẹyị kẹnẹ-kẹnẹ? Asị Ohomorihi zẹẹ! Ọda vị ọnị ị hyakụ sị tụ́ udi ana vọrọ tụra a.

Ụhịrẹyị 30:17

Ozi anaā sịị ada anị ọnịrị ọnyị anị mẹ̀ enyinyi, dị ẹ yị wụ́ ịrẹyị ọnyị anị vị ana vaa vị oku ụ̀ba.

Imatiwu 4:10

Ịjọnọọ dị Ijeesu kà a yọ ka, “Và ị́rẹma amị, ẹwụ Isitani, agụvị ka â chẹrẹẹ ka: ‘Waa va ku ẹtẹẹ yị Ohomorihi Ananyị yị; ọnị ịnyara kẹnẹ ụ rẹ vaa hẹkẹ nị!’ ”

Ayịsaya 8:20

Ọza ana àa kà ịrẹyị dị ọ̀ yị kà a anka ọda ọnịrị ịrẹyị Ohomorihi mẹ̀ kà a nị, ẹnịnị ẹ yị nyị ẹtohweyi.

Imatiwu 15:3

Dị Ijeesu tụ́ ohi, dị ọ ka, “Sị ẹ vẹ dị ẹwụ nịnị raa sị ido oni ohiku awụ nịnị jịị jịnẹ ọda Ohomorihi?

Imatiwu 15:5

Ama ẹwụ nịnị ka: Ọza ọ̀ọ kà a yị ada anị, àa vị ọnyị anị ka: ‘Ịsa ana a vọrọ ka ma yaanị sị mẹ ọgụvọ wụ, maa sị naa yị Ohomorihi’,