Imatiwu 15:23 - IWE ỌNỊNỊ

²³ Ama Ijeesu o yi tụ́ ọọ ohi vụrụ-vụrụ. Dị ezirẹma anị ve tù ọọ, dị ẹ ka ọ̀ dụ ọọ kwooze, ka ee nowuu dụ ẹnị ịrẹma nị.

Imatiwu 15:23 Referans Kwoze

Imatiwu 14:15

Óruva mè si tù, di ezirẹma anị ve tù ọọ, dị ẹ ka, “Oruva o si tù, ọ. Ẹ yị nyị ọza ana ra ịzẹnị. Kà a ka ọkọnị aza ẹnẹnị ẹ̀ẹ na, dị ẹ̀ na hị́ ịsa rị ịnị ẹkụra!”

Arụwẹ 3:8

Ọnị ộ hyakụ jị òrèrè, dị ọnị da ịpẹ ka ọ̀ mẹ ọgụvọ yị ọnị, ama Ohomorihi ô yi ka ọnị ẹ yị wụ́ aduwa anị.

Ahẹ Ụgama 28:1

Ẹnẹyịmavara, ẹwa vị ịzị mịị tẹ dị ẹ yị nyị ịsị ẹ zụ kanyị mị nị Ẹwụ ọnọọ m maa hị́ nọ, navọ kwogwo wa ba mi owu Wâ yẹ ka wè yi tụ́ mi ohi, vị ẹhẹ amị ta avọọ nị.

Iwe Ọhụhị Imosiisi ana aa hị́ Ọyịvatụrọda 8:2

Tamayị Ẹnẹyịmavara Ohomorihi awụ nịnị mẹmẹ zụ wụ oze ịnị ụnọmị ịrayị ẹbẹẹva. Ọ sị ẹngụkata ọrụrụ zama ẹnịnị re agụvị dị e ka ịrẹsụ hi yị ọnị, dị ọ rẹ yẹ wee yị hi ayị nịnị ọnịrị waa saasa ọda ọnị ộ mẹ̀.

Oyinyima 42:7

Ijosẹẹhụ mè re ẹnẹbẹnị anị, ộ yẹ wa, ama dị ọ mẹ̀ ebira hi wa anka ọza ọnị ọza ọ̀ yị yẹ avọọ nị. Dị ọ kara eyi hi wa dị ọ ka: Ịzị ẹ hụrẹ vẹ? Dị ẹ ka, “Ịnị ẹtẹ Ikanaani ẹnị hụrẹ vẹ ka ẹnị ẹ̀ va hị́ ịsọyịrị nọ.

Imatiwu 15:22

 nyị ọnẹẹ ọnyara aanị ana yà ịzọọ. Anikenaani ọ vị nị. Dị ọ vẹ, di ee nowu nị, dị ọ ka, “Ọga, ozi Idevidi, vayị amị de! Ozi emi ọnẹẹ ộ nyị ụhwẹ echu; aa sị ụyaa rị ọ ẹtẹẹtẹrẹ.”

Imatiwu 15:24

Dị Ijeesu tụ́ ohi, dị ọ ka, “Agụvị Anisirẹrị nịnị ana sị mẹẹ anka atẹmẹ ene vú kẹnẹ a tụ̀ mị vẹ ẹhẹ nị”.