Imatiwu 14:31 - IWE ỌNỊNỊ

³¹ Dị Ijeesu wụsẹ tana ụvọ anị, dị ọ za a nị. Dị ọ kà, “Ẹdọwụ awụ ộ da weyi kẹnẹ. Sị ẹ vẹ dị ụ waa mẹ ayị ẹẹva?”

Imatiwu 14:31 Referans Kwoze

Ahẹ Ụgama 138:7

Òo zee e eyi ẹngụkata ọ̀ gụ kara mị, wẹ yị zẹẹ ka à nyị ịsị ẹ mẹ̀ mị. Wâ sị ụkata awụ dọ mị tụ́, wẹ yị zẹẹ ka ọnịvị amị ana aa kụ́ ayị amị ẹ̀ zụ mẹ mị ịrẹyị.

Imatiwu 8:26

Dị ọ kà a yị wa, dị ọ ka, “Sị ẹ vẹ du wee hí angwa nịnị? Ẹdọwụ awụ nịnị ô weyi, oo!” Dị ọ kwẹẹtẹ, dị ọ tụ́ ahị ọnịrị irehu ohuvọ nị, dị ẹtẹ tịtẹ sii nị.

Oyinyima 22:14

Di Abụrahamị kụkụ ka ịrẹha ịzọọ ọ rị Ẹnẹyịmavara vee re tụ ọ. Avọọ a mẹ̀ kụkụ aa hị́ ọ pooro ve tù ajịnị nị. Ịrẹsụ ataba anị ọnọọ Ẹnẹyịmavara vee re tụ́ ọ nị.

Imatiwu 17:20

Dị Ijeesu kà a yị wa ka, “Agụvị ka wẹ yị dọ wụ́ nịnịị yọ nị. Ịzẹyịza, m maa kà a wụ nịnị nị, ẹdọwụ awụ nịnị ọ̀ọ banyị anka ihu ikonya ene weyi hu keekere, wa zụ kà a yị ataba ọnọnị ka ò hu iruvo hụụ ịzẹnị na tụ́ ịzọsọọ, vi ee hu iruvo nị, ẹ yị nyị ịsị ụ wẹ̀ yị va zụụ mẹ nịnị. [

Ịmaakị 5:41

Dị Ijeesu jị ụvọ chire ozi ọnọọ ụvọ, dị ọ kà a yọ ka, “Itarita kumi”, ọnọọ vị ka, “Ozi ọnẹẹ, mị ka wa kwẹẹtẹ!”

Ịmaakị 1:31

Dị ọ vẹ, dị ọ sị ụvọ gẹ ọnẹẹ ọnọọ kwẹẹtẹ nị. Dị ọvanggoro anị ọnọọ ộ wụsẹ ta, dị o sì wa ọzọga nị.

Imatiwu 16:8

Dị Ijeesu sị yẹ nị, dị ọ ka, “Ẹdọwụ awụ nịnị ộ da weyi. Sị ẹ vẹ dị ụ waa kà a ka wẹ yị za ịsọyịrị nịnị?

Ayịsaya 63:12

Ọnị ộ mẹ̀ ka ụkata igirima anị ọ ya pe Imosiisi ọnị ọ sị ga oku hi. A vaa ga a pooro zịna-zịna nị.

Odeyi 4:30

Sị ụkata awụ mẹ aza ụkụ! Navọ ụkọrọ ohyozirenu ọnịrị apọtẹrẹwa ẹ̀ẹ mẹ ịnị ịrẹha Ijeesu Ozi ewu ọnịnị!”

Iruuku 24:34

Dị ẹ kà a yị ẹnị ẹyịva ẹnẹẹ ka, “Ịzẹyịza, Ananyị yị ọ sị ha hụụnị isu, ọ raà sị ẹngụ zụ̀ Ịsayịmọnị!”

Ịmaakị 16:7

Na kà a yị Ipita ọnịrị ezirẹma anị ana vọ ka, “Ọ vaa dọ ọvịdị awụ nịnịị nọ Igariri. U vee re e nịnị ịzọọ anka ọ mẹ̀ vịdị kà a wụ nịnị.”

Ịmaakị 11:23

Ịzẹyịza mị kà a wụ nị, ọza tụra ọza ana àa kà a yị ataba ọnọnị ka ọ̀ kwẹẹtẹ di ò ne ẹngụ ngụ ini òkū, dị ọ̀ yị mẹ ayị ẹẹva nị, ama dị ọ dọ wụ́ ka ịsị ọnị kà vaa mẹ nị, avọọ ọ màa yàa yọ nị.

Ịmaakị 1:41

Ayị anị ộ vá Ijeesu ẹtẹẹtẹrẹ. Dị ọ tana ụvọ anị, dị ọ sị kanyị ọọ nị, dị ọ ka, “Mê sì de, ụkụ awụ ọ̀ ta!”

Imatiwu 6:30

Ohomorihi ọ̀ọ vavọọ sị uzoza yị avị, oni u wèe re ajịnị, ụhwọọ dị a sị ọọ ká tụ́ ịnị ịra, wé ro ka ọ yị vaa sị ịta ene zoza hu avọọ kú wu nịnị ẹngụ? Ẹdọwụ awụ nịnị ộ da weyi kẹnẹ!

Iwe Ọhụhị Imosiisi ana aa hị́ Ọyịvatụrọda 32:36

Ẹnẹyịmavara vaa dọ aza anị ha ụmẹ ọnị òo re ka ụkata ẹnịnị ọ̀ọ ta. Ọ vaa vayị aza ana hẹkẹ ẹ, òo re ẹ mẹmẹ tụ̀ ọkụmị. Ẹ yị nyị ọza ana vaa vọ, ọ vị ọrịhị a vị ọza obooro.

1 Itimoti 2:8

Mee sì ka avaba aha anọrụ ẹ̀ẹ mẹ̀ aduwa; ẹ̀ sị ayị ọnịnị sị ụvọ tụ́ ẹba, dị asị a nyị ọyịkụ ọnịrị ahankata ịnị ayị ẹnịnị!

1Ipita 1:5

Ohomorihi raà sị ụkata anị sere wu nịnị, ana sị ayị tụra a, agụvị dị avaba aza e zụ ree gedebee ịnị ụmẹ ọdịrẹma, ka Ohomorihi ọ raà dọ wụ nịnị há.

Imatiwu 14:30

Ama ô mè re ahị maa tụ kukuku, dị angwa hí ọ, di o nyima ee chíi ngụ enyi nị, di o nowu ka, “Ananyị yị, dọ mị tụ́!”

Imatiwu 14:32

Dị ẹnị ẹyịva ngụ ịnị ẹpa, dị ahị sị jẹẹ nị.

Ịmaakị 4:40

Di Ijeesu kà a yị wa ka: Sị ẹ vẹ di eyee hí angwa nị? Ọ kà ẹnịnị ẹ ẹ̀ yị va sị ayị tụra ọnịị?