Imatiwu 14:3 - IWE ỌNỊNỊ

³ Ịhẹrọdị vị ana vịdị za Ịjọọnụ, dị ọ sụ́ ọọ dị ọ sị ọọ tụ́ ịnị ẹngwa nị agụvị Iherodiya. Iherodiya vịdị vị ose Ihwiripi, ọyịnyara Ịhẹrọdị.

Imatiwu 14:3 Referans Kwoze

Ịmaakị 6:17

Ịhẹrọdị vị ana vịdị tụ́ na za Ịjọọnụ, dị ọ sị ẹba sụ́ ọọ, dị ọ sị ọọ na tụ́ ịnị ẹngwa nị agụvị Iherodiya. Iherodiya vịdị vị ose Ihwiripi, ọyịnyara Ịhẹrọdị. Ịhẹrọdị ộ dọ Ihwiripi ose anị ọnọọ, dị ọ nyị ọọ nị.

Imatiwu 4:12

Íjeesu mẹ̀ wụ́ ka a sị Ịjọọnụ za tụ́ ịnị ẹngwa, dị ọ tangwa nọ Igariri nị.

Ịmaakị 6:22

Ịjị ozi ọnẹẹ Iherodiya ọnọọ vẹ, dị ọ nyị ẹzẹ nị. Ẹzẹ ozi ọnẹẹ ọnọọ ô zé Ịhẹrọdị ọnịrị azọga anị eyi pooro. Dị Ịhẹrọdị ohinọyị kà a yị ozi ọnọọ ka: Ịsa tụra ịsa ene èe zé e eyi, ọ̀ họ̀ use ka ọnị vaa sịị yọ.

Ịmaakị 6:19

Agụvị avọọ dị Iherodiya aa kụ́ ayị Ịjọọnụ ẹtẹẹtẹrẹ, di ee sì ka ọnị ọ̀ wụ ọọ nị. Ama ọ yị nyẹngụ wụ ọọ,

Imatiwu 11:2

Ịjọọnụ ọhwọzenyi vị ana yà ịnị ẹngwa, dị ọ wụ́ ụkọrọ oni Ikirisiti aa mẹ nị. Dị ọ tụ́ ezirẹma anị ẹnyị ne tù ọọ nị.

Iruuku 13:1

Ịnị ụmẹ ọnọọ, â nyị aza ẹnyị ana yà ịzọọ. Dị ẹ kà a yị Ijeesu, Ípayireti mẹmẹ wụ̀ Anigariri ẹnyị, ẹ màa mẹ ịsọvọ hi Ohomorihi nị.

Imatiwu 14:6

Ẹkụhị ọnya Ịhẹrọdị aa rị eche ẹkụhị anaa sị ma a. Di ozi ọnẹẹ Iherodiya nyị ẹzẹ, dị ẹzẹ ọnọọ zé Ịhẹrọdị eyi pooro nị.

Ịmaakị 6:14

Ohinọyị ana aā hị́ Ịhẹrọdị ộ wụ́ ịrẹyị Ijeesu, agụvị ka ịrẹyị anị ọ sị ngụ ịrẹyị zịịzị. Dị ọ ka Ịjọọnụ ọhwọzenyi yọ nị, ọ sị ha hụụnị ikuta; agụvị avọọ ọ maanị nyị ụkata ẹbanyị-ẹbanyị nị.

Ịmaakị 8:15

Dị Ijeesu kà wa ọnọ ka, “Sị eyi pe ẹngụ awụ nịnị agụvị òwù Anihwarisi nịnị ọnịrị òwù Ịhẹrọdị, oo!”

Iruuku 3:1

Ọ sị gụ ịrayị ẹwụrẹhị oni Itiberịyọsị sị rị ohinọyị Iroomi. Ịpọntụsị Ipayireti ọ vị ịgọvọnọ tụ́ Ijudiya nị. Dị Ịhẹrọdị ọnị vị ọnọba tụ́ Igariri nị, di Ihwiripi ẹnẹbẹnị anị ọnị rẹ vị ọnọba tụ́ Ituriya ọnịrị Itirakoniti nị. Dị Irisaniyasi ọnị rẹ vị ọnọba tụ́ Abirene nị.

Iruuku 8:3

Ẹnị ọsa vị Ijowana, ose Ichuza ana vị ozi ahụ Ịhẹrọdị, ọnịrị Isusana beri anẹẹ ọrụrụ-ọrụrụ ọsa anaā sịị ịsa ẹnẹ ẹ̀ẹ nyịị mẹ ọgụvọ yị Ijeesu ọnịrị ezirẹma anị.

Iruuku 13:31

Ịhị ọnọọ gẹdẹ-gẹdẹ, dị Anihwarisi ẹnyị vẹ, dị ẹ kà a yọ ka, “Jịnẹ hụụ ịzẹnị, dị ụ wa nọ aha ọsa; agụvị ka Ịhẹrọdị ee sì ka ọnị ọ̀ wụ wụ.”

Iruuku 23:7

Ọ mẹ̀ wụ́ ka ịzị Ịhẹrọdị vị ohinọyị tụ́, Íjeesu hụrẹ vẹ nị, dị ọ sị ọọ tụ́ na yị Ịhẹrọdị nị. Ịhẹrọdị ọnị vị ana yà Ijerusarẹmị ịnị ụmẹ ọnọọ.

Iruuku 23:11

Dị Ịhẹrọdị ọnịrị isoja anị nịnị aa sị Ijeesu mẹ ịyẹyẹ nị. Dị ẹyaa mẹ̀ ẹ isiya, dị ẹ sị awuru nyanga-nyanga chire e, dị ẹ rẹ sị ọọ varẹma na yị Ipayireti nị.

Odeyi 4:27

Ịzẹyịza, Ịhẹrọdị ọnịrị Ịpọntụsị Ipayireti beri anarịmadọwụ nịnị ọnịrị Anisirẹrị nịnị ệ kụ́ gụ ẹkụra ọnọnị agụvị Ijeesu Ozi ewu ọnịnị ọnị ụ sị nyị.

Odeyi 12:1

Ịnị ụmẹ ọnọọ, Ịhẹrọdị ohinọyị ô nyima aa chamayịị yị anịragụ Ohomorihi ẹnyị.