Imatiwu 14:27 - IWE ỌNỊNỊ

²⁷ Dị Ijeesu wụsẹ kà ịrẹyị yị wa nị, dị ọ ka, “Và ayị nẹtẹ nịnị! Ẹmịị yọ nị, asị u hí angwa nịnị!”

Imatiwu 14:27 Referans Kwoze

Ịjọọnụ 16:33

Maa kà ịsa ẹnẹnịị wụ nịnị, agụvị dị ẹmịrị ẹwụ nịnị ọ̀ zụ vị ọnya, dị ụ wa nyị ẹngwọọrọ nịnị. Ụ vaa rị ụya nịnị ẹtẹẹtẹrẹ ịnị ẹhẹ, ama ngwara eyi hi nịnị, agụvị ka ma sị ẹbẹẹba ẹhẹ nyị!”

Odeyi 23:11

Ịrahụ ịhị ọnọọ, dị Ananyị yị va jẹẹ pe Ịpọọrụ, dị ọ ka, “Ngwara eyi hi! Ụ mẹ̀ kà ịrẹyị amị Íjerusarẹmị aanị, â nyị ka wa rẹ dọ ivenu amị Íroomi.”

Ayịsaya 41:10

Asị ụ hi angwa ka ọnị ya pe wụ nịnị! Ọnị ọ vị Ohomorihi awụ nịnị, asị ụ hi angwa. Ọnị vaa sị ụkata yị wụ nịnị, dị ọnị gụ wụ nịnị ụvọ, Ọnị vee sere wụ, dị ọnị dọ wụ ha.

Ayịsaya 41:4

Ẹnẹ maanị mẹ̀ ẹ? Ẹnẹ nyị ọda tụ ịrẹsụ avaba ịsa anaā mẹ̀ ịnị ẹhẹ? Ẹnẹyịmavara ka Ọnị ana ya ịzọọ hụụnị oyinyima, ana rẹ vaa ya ịzọọ pooro na ngụ ẹhị yọ nị.

Ịjọọnụ 6:20

Dị Ijeesu kà a yị wa ka, “Ẹmịị yọ nị, asị u rè hí angwa nịnị!”

Imatiwu 17:7

Dị Ijeesu vẹ, dị ọ sị ụvọ kanyị wa, dị ọ ka, “Kwẹẹtẹ asị u rè hí angwa nịnị!”

Imatiwu 9:2

Aza ẹnyị ê chema oswẹngụ ọnya ká a vẹ ana hụtụ ini odooro. Íjeesu mè re ka ệ sị ayị tụra ọnị, dị ọ kà a yị oswẹngụ ọnọọ ka, “Ozi emi, ngwara eyi hi, ma raa vagu wu ịnị ịvị awụ.”

Ayịsaya 51:12

Ẹnẹyịmavara kà ọnị aa sị ayị ẹnịnị nẹtẹ. Sị ẹ vẹ di e yee hí angwa ọzarẹyịrẹsụ ọnị ẹhẹ anịị̄ ta anka avị mẹẹ̄ wụ̀ avọọ.

Iruuku 1:30

Dị anggẹẹrị ọnọọ kà a yọ ka, “Imeri, asị u rè hí angwa, Ohomorihi ọ sị wụ re eyi.

Iruuku 1:13

Dị anggẹẹrị ọnọọ kà a yọ ka, “Ịzakaraya, asị u hí angwa agụvị ka Ohomorihi ọ raà wụ́ aduwa awụ. Erizabẹẹtị ose ewu vaa ma ozi ọnọrụ ọnyaa yị wụ, Ịjọọnụ ụ vaa yị ọ nị.

Imatiwu 28:10

Dị Ijeesu kà a yị wa ka, “Asị u hí angwa nịnị! Na kà a yị ẹyịnyara amị nịnị ka ẹ̀ vara gẹrị ẹmị Ígariri, ka e vee re mi ịzọọ!”

Iruuku 2:10

Dị anggẹẹrị ọnọọ kà a yị wa ka, “Asị u rè hí angwa nịnị! Enube ọyịza mị va kà wụ nịnị nị, ọnị ọ vị ka ịnẹ avaba aza vee hine ẹtẹẹtẹrẹ.

Ayịsaya 41:14

Ẹnẹyịmavara kà; Isirẹrị ọ̀ọ daka weyi, dị ọ vị ọkụmị nị, asị ọ hụrẹ ayịnẹ ka ọnị vaa gụ ọ ụvọ. Ọnị ana vị Ohomorihi ọnịnị Isirẹrị ọ vaa dọ ọ ha nị.

Imatiwu 14:28

Dị Ipita ka, “Ananyị yị, àa vị ẹwụụ yọ ịzẹyịza, mẹ ọdaa mị ka ma zị ụsẹ ve tù wu ị́rẹsụ enyi!”

Imatiwu 28:5

Dị anggẹẹrị ọnọọ kà a yị anẹẹ ẹnẹẹ ka, “Asị u rè hí angwa nịnị! Mâ yẹ ka Ijeesu anaa kanyị za apavahị u wee sì nịnị nị.

Ịmaakị 6:50

Avaba ẹnịnị mè re e, dị angwa ee hí wa ẹtẹẹtẹrẹ nị. Dị Ijeesu wụsẹ kà a yị wa ka, “Và ayị nẹtẹ nịnị, ka ẹmịị yọ nị! Asị u rè hí angwa nịnị!”

Iruuku 5:10

Ijemiisi ọnịrị Ịjọọnụ, ezi Isebede, vị ẹnẹ ẹnịrị Ịsayịmọnị dudu aa mẹ̀ ụkọrọ. Avọọ o mè re hí ẹnị irenu nị. Dị Ijeesu kà a yị Ịsayịmọnị ka, “Asị u rè hí angwa, hụrẹ ajịnị na, aza ụ kụkụ vanaa kụ́ụ vẹ nị!”

Iruuku 12:32

“Ẹwụ nịnị ịragụ oweyi, asị u hí angwa nịnị, agụvị ka ịnẹ Ada awụ nịnị ô hine ka wa ngụ ịdị anị nịnị dị ọnị ọ̀ọ mẹ ịjọvaa tụra wụ nịnị.