Imatiwu 13:52 - IWE ỌNỊNỊ

⁵² Dị Ijeesu rẹ kà a yị wa ka, “Avaba ọzwọzọda ana àa raà sị ịrẹyị ịjọva Ada ayị ẹbẹẹba zụ̀, vị ana sị mẹẹ anka adarehi ana nyẹngụ kụ́ ịsa ọwọọwa ọnịrị ọkụkụ hụụnị ụhwọ anị vẹ.”

Imatiwu 13:52 Referans Kwoze

Ịtayịtọsị 1:9

Áa vọrọ ka ọ̀ rẹ sị ụvọ za ịrẹyị Ohomorihi ana vị ịzẹyịza, anka á mẹ vịdị raà sị zụ̀ ọ: dị ọnị ọ̀ rẹ yẹ ọ mẹmẹ zụ sị ịrẹyị ịzẹyịza beri aza juwe, dị ọ̀ rẹẹ sịị zụ̀ aza ẹnẹ ẹ̀ yị dọ ịrẹyị ọnọọ ka, e si nyeeyi.

Imatiwu 12:35

Ịsa ọyịza ana yà ịnị ayị ọza ọyịza, ọọ̄ mẹ̀ ka ọọ mẹ̀ ebira ozoza nị. Ịsa odivi ana yà ịnị ayị ọza odivi, ọọ̄ mẹ̀ ka ọọ mẹ̀ ebira odivi nị.

Ụhịrẹyị 15:7

Aza ẹ mā kọ ịrẹyọyẹ hụụnị ụvọ ọnụra, ịnị ụvọ aza ana yẹ ịrẹyị aa kọsẹ ịrẹyọyẹ nị.

Ẹzịra 7:21

Dị Atazazasisi mẹ ọda ka avaba aza anaā sịị ẹkẹhị ịjọvaa tẹ nịnị ene hi akẹnẹ irehu Iyuhwuretisi ẹ̀ sị ịsị ọnị Ẹzịra ọ̀ọ họ̀ use anịị yị ọ nị.

Ẹzịra 7:10

Ẹzịra vị ana sị avaba ẹngụ anị yị ọyịkọsẹ ọda Ẹnẹyịmavara, dị a saasa a, dị ọ raa sị ọ zụ aza ana vọ nị.

Iruuku 11:49

Agụvị avọọ, ịnị ịrẹyọyẹ Ohomorihi, ộ kà a ka: ‘Mị vaa sị ọnịsẹ ọnịrị odeyi nịnị ị naa yị wa. Ẹ vaa wụ̀ aza ẹnyị ẹnịnị, dị ẹ sị ụya rị ana vọ!’

Imatiwu 23:34

Dị ma kà a wụ nịnị, mị vaa tụ́ ọnịsẹẹ hi wu nịnị ọnịrị ọyẹrẹyị nịnị beri ọzwọzịsa nịnị, ụ vaa wụ̀ aza ẹnyị ẹnịnị, ẹnyị vị ọnị ụ vaa kanyịị za ọchị apavahị nịnị, ẹnyị vị oni u vee tụ́ ịjapa ini irehi ahẹkẹ Aniju awụ nịnị, dị ụ waa dị waa hụrẹ aha ẹnyị naa ngụ aha ọsa.

Ụhịrẹyị 18:4

Ịrẹyị irenu ọza ọ zụ zụ ọza ịrẹyọyẹ; ịrẹyị ọnọọ ọ zụ nyịnẹ anka oku, dị o hunẹnẹ anka enyi ịnị okuha enee si.

Anikorasi 3:16

Navọ ịrẹyị Ikirisiti ọ̀ yà ịnị ayị awụ nịnị ẹtẹẹtẹrẹ. Waa jị ahẹ ụga irenyi-irenyi nịnị. Waa jị ahẹ kụ́ Ohomorihi avọ nịnị.

Anikorasi 1:7

Epahwirasi ọ vịdị kà a wụ nịnị nị. Ẹyịrị ọ dudu vị ezi ahụ Ijeesu. Yée sì ịrẹyị anị ẹtẹẹtẹrẹ. Aa sị ayị ọnyaa mẹ ụkọrọọ yị Ikirisiti ịnị akakana awụ nịnị.

Anẹhwẹsọsị 3:8

Àa ka à na kà ịrẹyị aza Ohomorihi, ẹmị vị awụhwẹ ị́rẹsụ ẹnya. Ama Ohomorihi ọ sị sị ụbanyị yị ẹngụ anị, dị ọ sị oze yị mị ka ma kà enube ọyịza yị anẹhẹ nị. Ẹ yị nyị ọza ene zụ sì iruvo, dị ọ̀ yẹ ụbanyị ịsa oni Ikirisitiī sịị yị ọza.

Ịjọọnụ 13:34

Maa sị ọda ọwọọwaa wụ nịnị: wee sì ịrẹyị ẹngụ nịnị! M mè sì ịrẹyị awụ nịnị gẹdẹ-gẹdẹ, avọọ a mẹ̀ vọrọ ka wee sì ịrẹyị ẹngụ nịnị nị!

Ahẹ Isoromọnị 7:13

Avị ododo ana aā hí ịmanadireki aa dagụ. Ma raa kụ ẹtụtụ ọchị ozozoza hi ẹtẹ enoze yị ẹwụ ọnị mị maanị sì ịrẹyị anị, ọkụkụ ọnịrị ọwọọwa.

Ụhịrẹyị 11:30

Ọnịrẹyịzẹyịza sị mẹ anka ọchị anaa tụ́ ẹtụtụ anị avọọ nị. Ọza ọhịmị vị anaa wụ̀ ọza.

Ẹzịra 7:6

Ẹzịra vị ọka ana zụ ọza ọda ọnị Ẹnẹyịmavara Ohomorihi Anisirẹrị sị yị Imosiisi. Ẹnẹyịmavara ọ mẹ ka ohinọyị o sì ịrẹyị Ẹzịra, dị ọ sị ịsa tụra ịsa ọnị Ẹzịra họ̀ use anị yị ọ nị.

Anẹhwẹsọsị 3:4

Wàa kà ịsa ọnị mị chẹrẹ nịnị, u vee ree nịnị ka ịrẹyị Ikirisiti ene eyi ọza ọ̀ yị vịdị há tù, ma kụkụ va sị avaba anị yẹ.

2 Anịkọrịntị 6:10

Aza ee du yi ayị, ama ayị ayị ee yii hine pooro. Yâ vị onosiye, ama yâ mẹ ka aza ọrụrụ-ọrụrụ ẹ̀ nyị ụbanyị, ẹ yị nyị ịsị nyị, ama yá nyị avaba ịsa.

1 Itimoti 3:6

Ọza ana vaa vị ọdọvịdị, áa vọrọ ka ò si kù ọnị ọ sị ayị tụra Ijeesu. Àyị vị avọọ, dị aa mẹ eyi, dị aa sị ẹngụụ tụ́ ẹba, dị Ohomorihi jị ịvị yọ, anka ọ mẹ̀ jị ịvị yị Echu avọọ.

Imatiwu 13:51

Dị Ijeesu họ̀ wa use ka, “Ịrẹyị ẹnẹnị ô ye wu nịnị?” Dị ẹnịnị ka hịịn nị.

Imatiwu 13:53

Íjeesu mẹ̀ sị ịrẹyị ẹnẹnị kà ta, dị ọ hụụ ịzọọ nị.

Imatiwu 28:19

Agụvị avọọ, nọ avaba ẹhẹ nịnị, di u we re ka wâ mẹ ka avaba anẹhẹ ẹ̀ vara ezirẹma amị nịnị! Dị ụ waa mẹ ọyịhwenyii yị wa ịnị ịrẹha Ada ọnịrị Ozi ne beri Ụhwẹ Ọnịnị.