Imatiwu 13:47 - IWE ỌNỊNỊ

⁴⁷ “Oze ana Ada ayị ẹbẹẹba aa zị mẹ ịjọva vị ana rẹ sị mẹẹ anka ọha enee ne ngụ ini irehu, dị ọ za ivovo irenyi-irenyi avọọ.

Imatiwu 13:47 Referans Kwoze

Ịjọọnụ 15:6

Ọza ẹnẹ ẹ̀ yị zẹẹ ka ẹmịrị ọnị ọ̀ vị ọnya, dị a dà a ne ta anka avọ́ ọchị avọọ. Dị ọ wụ, dị aza va tọ̀ọ́ yọ, dị ẹ kụ́ wa va hi ịnị ịra, dị ẹ rị ịra.

Ẹtore 3:1

Ọza oni mi re ka, “Chẹrẹ iwe tụ́ hi anggẹẹrị ana sị eyi pe ịragụ Ohomorihi ana yà Isaadisi ka: Ọza ana nyị Ụhwẹ Ohomorihi ịhịmba ọnịrị ụzọmị ịhịmba ọ tụ́ ụtụ ọnọnị nị: Ọ kà Ọnị ộ yẹ ịsị ụ mẹ; aza aa kà a ka wâ yàra nịnị, ama oku oyisú ụ vị nịnị nị.”

Ịmaakị 1:17

Dị Ijeesu kà a yị wa ka, “Vẹ, dị waa dụ mị ịrẹma nịnị! Mị vaa vara wụ nịnị aza anaā kụ́ azaa vẹ, anka ụ mẹ̀ẹ̄ kụ́ ivovo avọọ.”

Anigaratiya 2:4

Aa kà ọ̀nọ̀ ini oze ịrẹyị ọnọnị, agụvị ka áa nyị ọdọwụ ireche nini ene were va ngụ ịnị akakana ayị. Ẹ́ẹ tangwa vẹ ka eni è ve were re ị mẹmẹ nyị ẹngụ ayị, ẹ́yịrị Ijeesu Ikirisiti mẹ̀ sị vabẹ. Eyee sì ka ẹnị ẹ̀ za yị na vị ọrịhị (ọda Aniju).

2 Anịkọrịntị 11:26

Ịnị ụsẹ ọnị yaa zịịzị, ịjị ẹnyị enyi ka ọnị ọ̀ kụ́ yị, ịjị ẹnyị oyi dụ yị. Dị anda ayị ẹnịrị Anigiriki aa mẹ ayị hụrẹ ẹmị ịnẹ. Màa yà ịnị ẹkụra, màa yà ịnị avị, angwahi ọ vị nị. Oku vị ayịhụrịnẹ ọta onireche nịnị vị ayịhụrịnẹ.

Odeyi 20:30

Ụmẹ aa vẹ, dị aza kwẹẹtẹ hụụnị ẹngụ awụ nịnị, di eyee cheeche, ka ẹnị ẹ̀ kụ́ ezirẹma nịnị nyeeyi saasa ẹngụ ẹnịnị.

Iruuku 5:10

Ijemiisi ọnịrị Ịjọọnụ, ezi Isebede, vị ẹnẹ ẹnịrị Ịsayịmọnị dudu aa mẹ̀ ụkọrọ. Avọọ o mè re hí ẹnị irenu nị. Dị Ijeesu kà a yị Ịsayịmọnị ka, “Asị u rè hí angwa, hụrẹ ajịnị na, aza ụ kụkụ vanaa kụ́ụ vẹ nị!”

Imatiwu 4:19

Dị Ijeesu kà a yị wa ka, “Waa dụ mị ịrẹma nịnị, ka mị vaa vara wụ nịnị ọza anaā kụ́ azaa vẹ, anka ụ mẹ̀ẹ̄ kụ́ ivovo nịnị avọọ.”

1 Anịkọrịntị 11:19

 nyị ka ẹhahi ọ̀ yà ịnị akakana awụ nịnị. Ọ̀ yị vavọọ yà, ọza ẹ yị va zụụ yẹ ẹngụ aza ana vị ọdọwụ obooro ịnị ẹngụ awụ nịnị.

Ịjọọnụ 15:2

Avaba avọ ọnị màa há, ẹnẹ ẹ̀ yị tụ́ ẹtụtụ, dị ọ dà a ne ta. Ama avọ ana àaa tụ́ ẹtụtụ, di o tenyi ọ, dị ọ̀ọ tụ́ hu avọọ.

Ezikẹẹrị 47:10

Ozube ivovo nịnị vị ene vee hi uto oku ọnọọ; hụrị ẹkụra ana aā hị́ Enggedi huu na ngụ ịzị aā hị́ Enegirayimi vị ana aza vaa gara ọha ẹnịnị hịrẹ ọyị. Ivovo irenyi-irenyi vaa gụ ịzọọ anka ẹ́ mẹ gụ ịnị oku imeditareniya.

Imatiwu 13:44

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka ịsa akàaka anaa sị tẹ ịnị aarẹ. Â nyị ọza ẹnẹsa ene ne re e, dị ọ wụsẹ sị ịsa kú ọ nị. Ịnẹ anị ô hine pooro, dị ọ na, dị ọ na ná avaba ịsa ọnọọ nyị, dị ọ sị va hị́ ẹtẹ ọnọọ nị.”

Imatiwu 13:46

O mè ve re ana katarihi ẹnẹmẹhị, dị ọ na ná avaba ịsa ọnị ọ nyị, dị ọ sị va hị́ ọ nị.”

Imatiwu 13:48

Ịjị o si hí, di o tura a vẹ ụtọ irehu, dị ọ yaayịtẹ, dị aa tọ̀ọ́ yọ nị. Dị ọ kụ́ ozoza anị và hi ịnị ẹnya, dị ọ kụ́ odivi anị và ha nị.