Imatiwu 13:30 - IWE ỌNỊNỊ

³⁰ Navọ wa, è duduu hụ ne tù ụmẹ anaa sịị̄ mẹ̀ ẹ! Ụmẹ anaa sịị̄ mẹ̀ ẹ òo si tù, dị mị kà a yị aza ana aa mẹ̀ ẹ ka: ‘Vịdị hu ebe ẹnẹẹ nịnị, dị ụ wa sụ́ wa hi ẹtẹ, dị à kụ́ wa na và hi ịnị ịra! Dị ụ wa mẹ akụ amị nịnị, dụ wa kụ́ ọ hi ịnị ụhwọ!’ ”

Imatiwu 13:30 Referans Kwoze

Imatiwu 3:12

Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.

1 Itimoti 5:24

Ịvị aza ẹnyị ẹ yị sị ẹngụ tẹ vụrụ-vụrụ, dị ọ za wa na ngụ ịnị ọkarẹyị. Ama ịvị aza ẹnyị vị ana vaa tụ́ ẹhẹ ị́rẹma ụhwọọ.

1 Anịkọrịntị 4:5

Agụvị avọọ, asị ụ mẹ̀ ọkarẹyị yị ọzọnyị-ọzọnyị nịnị, ama jẹẹ tù ụmẹ ana Ananyị yị vaa vaa vẹ nịnị! Ọnị ọ vaa sị avaba ụkọrọ eweree vẹ ini eyigede nị, dị ọ rẹ sị ịsa ana aza sị tụ́ ịnị ayị tụ́ ẹhẹ. Ịhị ọnọọ, Ohomorihi vaa ga ọzọza, ọ mẹ̀ vọrọ.

Ịjọọnụ 15:6

Ọza ẹnẹ ẹ̀ yị zẹẹ ka ẹmịrị ọnị ọ̀ vị ọnya, dị a dà a ne ta anka avọ́ ọchị avọọ. Dị ọ wụ, dị aza va tọ̀ọ́ yọ, dị ẹ kụ́ wa va hi ịnị ịra, dị ẹ rị ịra.

Ịmarakayị 3:18

Ịjọnọọ aza re ve re irenyi ana ya ịnị akakana ọnịzẹyịza ọnịrị aza edivi, aza ana aa hẹkẹ ẹ ọnịrị aza ẹnẹ yị ẹẹ hẹkẹ ẹ nị.

Imatiwu 25:32

Dị avaba anẹhẹ wara gụ ịda anị, dị ọ gà wa hi ẹẹva, anka oseratẹmẹ mẹ̀ẹ̄ tọ̀ọ́ atẹmẹ ọnịrị ẹvụụ hi aha irenyi-irenyi avọọ.

Iruuku 3:17

Aa vaa tụ́ azịzẹ ahịị hụụ nị akụ obooro, di asị a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịnị ụhwọ, ama dị ọ kụ́ azịzẹ hi ịnị ịra ene è yi mē mi pooro.”

Imatiwu 25:41

Dị ọ va vara eyi, dị ọ kà a yị aza ene hi eyi ụvọha anị ka: ‘Hụụ ịda amị nịnị, ẹwụ nịnị aza oyivu! Waa nọ ịnị ịra ene è yi mē mi pooro, ana a kà tịtẹ yị Echu ọnịrị anggẹẹrị anị.

1 Ịsamụwẹrị 25:29

Ọ kà ọza ọ̀ọ daka ee sì ka ọnị ọ wụ Idevidi, ama Ẹnẹyịmavara ana vị Ohomorihi anị ọ yị vaa zẹẹ. Ọ kà ọnịvị Idevidi vị ẹnị Ẹnẹyịmavara vaa dọ ụhwẹ, di o ne e ta anka a mèe ne ịrẹta hụụnị irova avọọ.

2 Ịsamụwẹrị 23:7

Wèe si ka wa kanyị aza ẹnẹẹ, enyusẹ ụ waa sị nị. Ẹ̀ yị, vị avọọ ahịka ọpa ụ sị nị; ịra a va sị rị wa nị, ịzị e hi ẹtẹ hi avọọ.

Ayịsaya 17:5

Ẹ vaa sị mẹẹ anka aarẹ ana a raà sẹ akụ anị, dị ọ tụ osusu anka aarẹ osusu ana raà tọ̀ ịzaha anị ene hi inozi Irehwayimi avọọ nị.

Imatiwu 13:25

Ama ịnị ịrahụ ẹkụhị ọnya, ịjị aza sị sụ̀, ọnịvị anị ộ vẹ, o ve chire ebe hi ịnị akụ ẹnẹẹ, o si hu aa na.

Imatiwu 13:29

Dị adarehi ọnọọ ka: ‘Eyiye,’ agụvị ka Ịjị u wèee hu ebe ẹnẹẹ nịnị, we zụ hu akụ vaka wa.

Ijoovu 39:12

Di ọ rẹ ka, Ijoovu ọ́ọ́ zụ sị eyi tụra ẹya ka ọ kụ ịsa ịnị aarẹ hụụ ịzị ee tụ́ ayị ve echi yị ọnị kẹ?