Imatiwu 13:24 - IWE ỌNỊNỊ

²⁴ Ijeesu o re che ụhịrẹyị ọnya yị wa; ọ ka, “Oze ana Ada ayị ẹbẹẹba aa zịị mẹ ịjọva vị ana sị mẹẹ anka ọnọrụ ọnya aanị, ana sị ihu ozoza, dị ọ na tụ́ ọ tụ́ ịnị aarẹ nị.

Imatiwu 13:24 Referans Kwoze

Imatiwu 25:1

Dị Ijeesu rẹ ka, “Ịhị ọnọọ, oze ana Ada ayị ẹbẹẹba aa zịị mẹ ịjọva vị ana va sị mẹẹ anka ezwoorihi ẹẹwụ ana sị ozotupa ẹnịnị, dị ẹyaa nọ ụgẹrị ọza ana aa nyị ọnẹẹ avọọ.

Imatiwu 20:1

“Oze ana Ada ayị ẹbẹẹba aa zịị mẹ ịjọva vị ana sị mẹẹ anka adarehi ọnya aanị, ana kwẹẹtẹ ẹnẹnẹ viri-viri ka ọnị ọ̀ na dọ anụkọrọ, dị ẹ̀ va mẹ̀ ụkọrọ yị ọnị ịnị ụbazị anị.

Imatiwu 13:47

“Oze ana Ada ayị ẹbẹẹba aa zị mẹ ịjọva vị ana rẹ sị mẹẹ anka ọha enee ne ngụ ini irehu, dị ọ za ivovo irenyi-irenyi avọọ.

Imatiwu 22:2

“Oze ana Ada ayị ẹbẹẹba aa zịị mẹ ịjọva, vị ana sị mẹẹ anka ohinọyị ọnya aanị, ana aa nyị ọnẹẹ yị ozi anị, di ee tenyi ẹngụ eche anị.

Imatiwu 13:37

Dị Ijeesu tụ́ ohi, dị ọ kà a yị wa ka, “Ọza ene chire ihu ozoza vị ana jẹẹ yị Ozi ọza onigirima.

Iruuku 13:20

Dị Ijeesu rẹ ka, “Si e ve sii juwe ịjọva Ohomorihi?

Iruuku 13:18

Dị Ijeesu ka, “Sị a nyẹngụ sị juwe ịjọva Ohomorihi kẹ, si o véné?

Imatiwu 13:33

Ijeesu o re che ụhịrẹyị ọsa yị wa, ọ ka, “Ịjọva Ada ayị ẹbẹẹba vị ana sị mẹẹ òwù avọọ. Ọnẹẹ ọnya ộ sị ọ, ô si hura ayị ọyịkwọ ịchacha ọnya, dị ọ kụkụ si oo wù gwẹtẹ nị.”

1Ipita 1:23

Ohomorihi ọ sị wụ nịnị tenyi ma ini oze ịrẹyị anị ana yára, dị ọ rẹ jẹẹ pooro. Ẹ́ yị vị ọza ana ahịka oō sú, o tenyi wụ nịnị ma, ama Ohomorihi ana yára zịna-zịna pooro yọ nị.

Imatiwu 13:31

Ijeesu o re che ụhịrẹyị ọsa yị wa, ọ ka, “Ịjọva Ada ayị ẹbẹẹba vị ana sị mẹẹ anka ihu oweyi ọnya kiiki aanị ọnị ọza ịnya sị, di o ne chiree tụ́ ịnị aarẹ anị.

Imatiwu 18:23

Oze ana Ada ayị ẹbẹẹba aa zịị mẹ ịjọva vị ana sị mẹẹ anka ịsị ohinọyị ọnya aanị mẹ. Ẹkụhị ọnya ohinọyị ọnọọ ee sì ka ọnị ọ̀ yẹ ẹkẹhị ọnị ọnị sị yị ezi ahụ anị.

Imatiwu 13:19

Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Imatiwu 3:2

Dị ọ ka: aza è ro ịnẹ varẹma hụụnị ebira odivi ẹnịnị, agụvị ka ụmẹ ọnị Ada ayị ẹbẹẹba vaa sị mẹ ịjọva aa gụrị ẹtẹ nị.

Imatiwu 21:33

“Re wụ́ ụhịrẹyị ọsa nịnị! Â nyị adarehi ọnya aanị ana dà ụbazị, dị ọ họ̀ kara a nị. Dị ọ jị ụkọ ịzị a vaa yàa kwọrọ ẹtụtụ ọchị ene hi ịnị anị nị. Di o re hi ụta oserẹtẹ tụ́ ọọ nị. Di o si rere aza ẹnyị ka ọnị ọ̀ọ dọ wa ọtụrọsarẹsụ anị nị. Di o si hu aa hụrẹ eehi nị.

Imatiwu 4:23

Ijeesu aa ngụ avaba Igariri zị, dị aa zụ̀ wa ịsa ini irehi ahẹkẹ Aniju ẹnịnị, dị aa kà enube ọyịza ịjọva Ohomorihi, dị ọ raa mẹ avaba ụkụ irenyi-irenyi yị aza ịnị akakana aza ẹnẹẹ nị.

Anikorasi 1:5

Ụ vavọọ aa mẹ nịnị agụvị ka waa tụra eyi ẹyịza oni Ohomorihi sị tẹ wụ nịnị tụ́ ịdị anị. Ụ mẹ̀ vịdị wụ́ enube ọyịza ana vị ịzẹyịza nịnị kẹnẹ, â kà a wụ nịnị ini oze ẹyịza ọnọọ nị.

Ezikẹẹrị 17:2

Ozi-ọza ọnị ọ̀ che ụhịrẹyị ọnọnị yị Anisirẹrị nịnị,

Ayịsaya 28:13

Agụvị avọọ ịsa ọnyọọnya Ohomorihi vaa kịị kà a yị wa nị, dị aa vaa tụra ịrẹyị ọnyaa yị wa pooro. Dị ahịka ịsa ọnị ọ sị zụ̀ wa ẹẹrị ọ raa sịị zụ̀ wa ajịnị nị. Ẹnịnị vị ana vaa na dị ẹ na hyẹdụ, dị ẹ và angga ịrẹma-ịrẹma, dị ẹ tụ̀ ụnava. Avọọ ẹ mẹ̀ vaa ngụ ịnị ịrẹma ọnịvị ẹnịnị, dị ịrẹkụ kụ́ wa na nị.

Ayịsaya 28:10

Aa vatụra ịrẹyị ọnyọọnya yị pooro. Ọ̀ọ kà ọnya ịnị ụmẹ ọnya, chee ịzẹnị, chee ịzọsọọ.”

Imatiwu 13:25

Ama ịnị ịrahụ ẹkụhị ọnya, ịjị aza sị sụ̀, ọnịvị anị ộ vẹ, o ve chire ebe hi ịnị akụ ẹnẹẹ, o si hu aa na.