Imatiwu 13:20 - IWE ỌNỊNỊ

²⁰ Ọza ana dọ ihu ọnọọ tụ́ ịnị ẹtẹ ịda yị: ịjị aza ẹnẹẹ wụ́ ịrẹyị ọnọọ, dị ẹ wụsẹ sị ịrajẹ dọ ọ nị.

Imatiwu 13:20 Referans Kwoze

Ịjọọnụ 5:35

Ịjọọnụ vị ana sị mẹẹ anka ozotupa ana aa zẹtẹ chanyị-chanyị. Ịnị ụmẹ chee, wâ vịdị nyị inohine tụ́ ini ẹtohweyi anị nịnị.

Ịmaakị 6:20

agụvị ka Ịhẹrọọdụ vị ene ee hí angwa Ịjọọnụ, agụvị ka ộ yẹ ka Ịjọọnụ vị ọnịrẹyịzẹyịza, dị ọ rẹ vị ọza ọnịnị nị. Agụvị avọọ dị Ịhẹrọdị ka à sị eyi pe Ịjọọnụ nị. Ịhẹrọdị ọ̀ọ wụ́ ịrẹyị Ịjọọnụ, dị ayị anị sị vazi, ama dị ịnẹ anị ee yii hine ka ọnị ọ̀ wụ́ ịrẹyị anị.

Ayịsaya 58:2

Ẹ yaa hẹkẹ ọnị eyinị-eyinị. Ẹnịnị ẹ yaa mẹ̀ ọ sị mẹ̀ẹ anka e yee si ka ẹnị ẹ yẹ oze ọnị dị ẹnị ẹ saasa ọda anị nị. Ẹ kà ọnị ọ sị ọda kẹnẹ yị ẹnị, ayị ẹnịnị vee hine ọyị hẹkẹ ọnị.”

2 Ịtọpa 24:2

Ộ mẹ̀ ebira ana hine Ẹnẹyịmavara ayị ịnị ụmẹ ọnị Ijehoyada ana vị ohirẹsụ Irehi Ohomorihi sị yara.

Odeyi 8:13

Ịsayịmọnị ọnị ọ rẹ dọ wụ́ bẹẹ. Ịjị a sị ọyịhwenyi mẹ yọ, dị ọ sị ẹngụ vaka Ihwiripi nị. O mè re ụkọrọ apọtẹrẹwa ọnịrị ohyozirenu ẹbanyị-ẹbanyị ana aa mẹ, ô hí oo irenu.

2 Ịtọpa 24:14

Ịjị ụkọrọ ta mẹ, dị a kụ́ igooru ọnịrị isiriva ana vọ yị ohinọyị ọnịrị Ijehoyada ana sị hị́ ọnyị ẹnya ọnịrị ẹnya irehi Ohomorihi ana vọ nị. Ịnị ụmẹ ọnị Ijehoyada sị yara ịsọvọ vị ana a mẹ̀ ịnị irehi Ohomorihi ịnị ụmẹ tụra ụmẹ.

2 Ịtọpa 24:6

Avọọ, dị Ijowasi hị́ Ijehoyada ana vị ọdọvịdị ẹnịnị ka, sị ẹ vẹ dị ọ yị kụ́ ẹngụ hi ọ ka Anireevi nịnị ẹ dọ ẹkẹhị irehi hụụnị ụvọ aza ana ra ịnị ẹtẹ Ijuda ọnịrị Ijerusarẹmị? Imosiisi ozi ahụ Ẹnẹyịmavara vị ana ka aza vavọọ tụ́ ẹkẹhị dị a sị mẹ̀ ọgụvọ ụkọrọ ajẹngụ Ẹnẹyịmavara.

Imatiwu 7:8

Agụvị ka avaba aza ene èe họ̀ use ịsa, aā sịị yị wa. Ọza ene èe sì ịsa, oō re e; ọza ana àa rẹ sị ụvọ ká oze, a vaa na oze yọ.

Imatiwu 13:19

Ọza ọ̀ọ wụ́ ịrẹyị ịjọva Ohomorihi dị ọ̀ yị yẹ ịsị ọ wụ́ nị, di Echu vẹ, dị ọ va sị ịsa enee mi tụ́ ịnị ayị hụụ ịzọọ. Ọza ọnọọ vị ana yà anka ihu enee mi tụ́ ụtọ oze avọọ.

Imatiwu 13:21

Ama agụvị ka ịrẹyị ọnọọ oyi re aha ha ẹpa ngụ ịnị ayị ẹnịnị, ệ sị tụ́ ịnị ayị chee. Ịjị ịdamụ ọnịrị ayamịkụ vẹ agụvị ịrẹyị ọnọọ, dị ẹ wụsẹ sị varẹma nị.