Imatiwu 12:45 - IWE ỌNỊNỊ

⁴⁵ dị ọ varẹma, dị ọ na kụ́ ụhwẹ echu ịhịmba ọsa ana hyakụ divi hu ọnị nyẹmba, dị ẹ vẹ, dị ẹ va ra ịzọọ. Dị ọdịrẹma ọza ọnọọ kuku si divi huna ọ mẹẹ̄ vịdịị yà. Avọọ ọ mẹ̀ vaa yàa yị anụmẹ odivi ọnọnị nị.”

Imatiwu 12:45 Referans Kwoze

Iruuku 11:26

Dị ọ varẹma, dị ọ na kụ́ ụhwẹ echu ịhịmba ọsa ana hyakụ divi hu ọnị nyẹmba; dị ẹ vẹ, dị ẹ va ra ịzọọ. Dị ọdịrẹma ọza ọnọọ kuku si divi huna, ọ mẹẹ̄ vịdịị yà.”

Ịmaakị 5:9

Dị Ijeesu họ̀ ọ use ka, “Ị́rẹha awụ rị?” Dị ọ ka, “Ịrẹha amị ọ rị ‘Ọkọnị’ nị, agụvị ka yâ rụrụ.”

Ịmaakị 16:9

[Íjeesu mẹ̀ yị ha hụụnị isu kẹnẹ ịnị ẹnẹnẹ viri-viri ẹkụhị ọsẹ, dị ahịka Imeri Anịmagịdara ọ vịdị sị ẹngụ zụ̀ nị; ọnị ọ vịdị dụ ụhwẹ echu ịhịmba hụụnị ẹngụ anị nị.

Anihiburu 10:39

Ama ẹyị ẹ yị vị ẹngụ aza anaā kà a nọ ịrẹma, dị è ne vu ẹtẹ. Ama ẹyị aa yịị sị ayịị tụra Ohomorihi, ka asị ụhwẹ ayị vú.

Imatiwu 23:24

Ẹwụ nịnị ọzwọzoze ene gu eyi, ụụ̄ tọ̀ọ́ ẹchịchị eweyi-eweyi hụụnị enyi nịnị di u we ve hú ọọ, ama di u wee hú enyi ọnịrị ịnyaakụmị ọyịvụrụ!

Imatiwu 12:24

Ịjị Anihwarisi nịnị sị wụ́, dị ẹ ka, “Ụkata Ịbẹẹrịzẹbụ, ọga ụhwẹ echu nịnị ọ́nọrụ ọnọnị aa sịị dụ ụhwẹ echuu jịnẹ nị.”

Anẹhwẹsọsị 6:12

Ẹ yị vị ẹyịrị ọzarẹyịrẹsụ aa kụ̀ ịrẹkụ. Ẹyịrị ụhwẹ echu nịnị ana nyị ụkata hi ẹbẹẹba beri ohirẹsụ ẹnịnị ana nyị ụkata hi ịnị ẹhẹ ịrahụ ọnọnị aa kụ̀ ịrẹkụ nị.

Imatiwu 23:15

Wa sị dà nịnị. Ẹwụ nịnị ọzwọzọda ọnịrị Anihwarisi nịnị. Ẹwụ nịnị ọmọzakụyẹ! Ẹ yị nyị ịzị ụ wẹ̀ yị mā nọ ka wa na sị ọza vẹ ịnị ahẹkẹ awụ nịnị. Wàa raà sị ọọ vẹ, dị ụ vara a ozi ini ẹkụra huna ẹngụ awụ nịnị ụvọta.

Imatiwu 12:44

dị ọ ka: ‘Maa varẹma nọ ini eehi amị ọnị mị hụrẹ.’ Ọ̀ọ vẹ, di o ve tù ka ọ sị vị osusu, a si oo hì, a sị avaba anị tenyi nị,

Ireevi 13:20

Ọ vaa zama a re, ịtahụ ọnọọ ọ̀ọ nyịnẹ huni ụpẹngụ anị ana vọ, dị ẹyị ana ya ịzọọ sị vara ọvwọọvụ nị, ohirẹsụ irehi Ohomorihi vaa kà a ka ọza ọnọọ ẹ́ yị kụkụ nị, ụkụ ọbanyị ọ zaa ana da tụ ẹhẹ ịnị ịtahụ ọnọọ avọọ nị.

Imatiwu 17:21

Ẹ yị nyị ịsị a zụ sị dụ ẹngụ ọnọnị jịnẹ, ẹ̀ yị vị aduwa ọnịrị awẹ ọyịba.”]