Imatiwu 12:31 - IWE ỌNỊNỊ

³¹ Agụvị avọọ dị ma kà a wụ nịnị, ịvị tụra ịvị ọnịrị ụhụ ọnị ọza ọ̀ọ kụ̀ Ohomorihi, a vaa vagu ọọ ịnị anị. Ama ọza ana àa kụ̀ Ụhwẹ Ọnịnị ụhụ, ọza ọyị vaa vagu ọọ.

Imatiwu 12:31 Referans Kwoze

Iruuku 12:10

Ọza tụra ọza ana àa kà ịrẹyị odivi hi ẹmị Ozi ọza onigirima, a vaa vagu ọ ịnị anị. Ama ọza ana àa kụ̀ Ụhwẹ Ọnịnị ụhụ, o yi vee re ẹvagu dọ ịnị anị.

Anihiburu 10:29

Ọ̀ọ vavọọ yà, zama a dị a re ẹngụ ụya ene vee tù aza ana àa sị eyi wụ Ozi Ohomorihi, agụvị ka anya oni Ijeesu sị hị́ eku, dị ọ sị vara ọza anị ọnịnị, ee ree ịsa ịyẹyẹ. Ọ rẹ sị eyi wụ Ụhwẹ Ọnịnị anaā mẹ ọyịzaa yị ọza.

Anihiburu 10:26

Ya sị ịzẹyịza yẹ; yèe kuku ee yii re ịsa odivi googoro dị ị naa mẹẹ nị, ẹ yị kụkụ nyị ịsọvọ ana aa kụ́ ọọ kwooze.

Odeyi 7:51

Di Isitivini ka, “Ẹwụ nịnị anayọkatẹngụ, ana nyị ayị anarịmadọwụ, dị ụ wẹ̀ yị mā wụ́ ịrẹyị Ohomorihi nịnị. Ẹwụrị ohiku awụ nịnị vị ọnya, vị ẹwụ nịnịị̄ rẹẹ kụ̀ụ hịrẹ Ụhwẹ Ọnịnị nị.

1 Ịjọọnụ 5:16

Ọza ene èe re ka ọhụva anị ana vị ọdọwụ aa mẹ ịvị ẹnẹ ẹ̀ yị vị ịvị isu, ọ da ịpẹ yị Ohomorihi ka ọ sị ẹhẹ ọwọọwa yọ; ọnị ọ vị ka ọza ọnị ịvị anị ọ̀ yị vị ịvị isu. Áa nyị ịvị ana vị ịvị isu. Mẹ yị kà a ka wa mẹ̀ aduwa ini oze ọnọọ nịnị.

1 Ịjọọnụ 1:9

Ama yàa dọ irenu ịvị ayị, Ọ vaa vagu yị ịnị ịvị ayị, dị ọ nyịna yị, dị ị nị hụụnị avaba ịsa odivi. Agụvị ka ọ́ọ nyị ịzẹyịza, a zụ sị ayị tụra a.

Anihiburu 6:4

Aza ana àa raà sị ẹtohweyi Ohomorihi zụ̀, dị ẹ rẹ raà dá ẹyịza Ohomorihi ree nị, dị ẹ rẹ sị nyị tụ́ ịnị Ụhwẹ Ọnịnị nị, ẹ̀ẹ kụkụ na varẹma, ọ́ọ tụ́ akanya dị à kụkụ zụ mẹ ka e rọ ịnẹ varẹma.

Ayịsaya 55:7

Navọ ọza ọhịmị ọ và hụụnị ẹhẹ odivi anị, dị ọza odivi ọ̀ và hụụnị aro odivi anị. Navọ ẹnịnị ẹ̀ và ka Ẹnẹyịmavara vẹ ka ọ vaa vayị ẹnịnị. Ẹnịnị ẹ̀ và ka Ohomorihi ayị vẹ, ka ọ vaa vaa gu wa ẹtẹẹtẹrẹ.

Ezikẹẹrị 33:11

Ọ kà, ọnị kà a yị wa ka, àa vị ọnị Ẹnẹyịmavara Ananyị yị ọ vị Ohomorihi ana yara nị, ayị anị é yi hine ka ọnị oo ré ka ọnịvị ee sú. Vị ọnị ee sì ka ẹnịnị ẹ̀ hụụnị ebira odivi ẹnịnị, dị ẹ̀ yàra nị. Ẹwụ nịnị Anisirẹrị, hụụnị ebira odivi ọ̀ yị mẹ nịnị. Sị ẹ vẹ dị wee sì ka we su nịnị?

Ayịsaya 1:18

Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.

Ireevi 24:16

Ọza ana àa ka kẹnẹ-kẹnẹ chire ịrẹha Ẹnẹyịmavara vị ana á vaa wụ̀; avaba ịragụ ẹ̀ kụ̀ ọ ịrẹta. Àa vị ọzọga, àa vị ozi ẹtẹ ọ kà kẹnẹ-kẹnẹ chire ịrẹha Ẹnẹyịmavara nị, à wụ̀ ọ.