Imatiwu 12:25 - IWE ỌNỊNỊ

²⁵ Ijeesu ộ yẹ ịsị eyee ro, dị ọ kà a yị wa ka, “Ẹkụra ohinọyị ọ̀ọ sị gà hi ẹẹva, dị ẹ và eyi kà ẹngụ nị, vi o si vu ẹtẹ avọọ nị. Àa rẹ nyị ẹkụra, àa vị irehi ana gà hi, dị ẹ và eyi kà ẹngụ nị, ẹ yị zụ kwẹẹtẹ.

Imatiwu 12:25 Referans Kwoze

Anigaratiya 5:15

Ama wàaa na ẹngụụ ha, dị waa jị ẹngụụ ịrẹrụ nịnị anka irezi avọọ nị, sị eyi pe ẹngụ awụ nịnị ka ụ va wụ ẹngụ nịnị!

Ijeremaya 17:10

Ẹnẹyịmavara kà, ọnị ịnyara kẹnẹ ọọ gara ayị ọza, dị ọnị zama a re nị. Ebira ọzọza ọnịrị ịsị ọzọza aa mẹ ọọ́ mẹmẹ yà, avọọ ọnị mẹẹ mẹ ẹ hi wa nị.

1 Anịkọrịntị 2:11

Ọza ọnịnya kẹnẹ ọ yẹ ịsa ana yà ịnịnẹ ẹngụ anị nị, ọza ẹnẹsa ọyị yẹ. Avọọ gẹdẹ-gẹdẹ Ụ́hwẹ Ọnịnị oni mẹ̀ rẹ yẹ avaba ịsị ẹ yà ịnịnẹ Ohomorihi nị; aza ẹyị yẹ.

Imatiwu 9:4

Ijeesu ộ yẹ ịsị eyee ro; dị ọ ka, “Sị ẹ vẹ di u wee ro ịsa odivi ịnị ayị awụ nịnị?

Ayịsaya 9:21

Anịmanasẹ ọnịrị Anehwireemi vaa wụ̀ ẹngụụ rị. Ẹ rẹ vaa vabẹ tù Anijuda. Dị ẹ daka maanị aa rịị rị ụya, Ẹnẹyịmavara ọ yị vaa vàa hụụnị ọyịkụ anị, vị aa tịị tana ụvọọ za wa nị.

Ẹtore 16:19

Dị ẹkụra ọbanyị ọnọọ che hi oze ẹẹta nị. Dị ẹkụra avaba ẹhẹ hyẹdụ va hi ẹtẹ nị. Ohomorihi ọ́ọ tamayị ẹkụra ọbanyị Ịbabịrọnị ọnọọ, dị ọ ká ọyịkụ ọbanyị anị tụ́ ini ako yọ ka ò hú ọọ nị.

Anihiburu 4:13

Ẹ yị nyị ịsị ẹ zụ tẹ̀ yị Ohomorihi. Avaba ịsa vị ana maanị yà ịnị ahwaahụ chapaa ini eyi Ohomorihi ọnị vaa jẹẹ ọvịdị anịị kà enube.

Ịmaakị 2:8

Obooboro ọnọọ Ijeesu ọ sị yẹ ịsị eyee ro ịnị ayị ẹnịnị. Agụvị avọọ dị ọ kà a yị wa ka, “Sị ẹ vẹ dị ẹwụ nịnị vavọọ ee ro ẹngụ ịsa ẹnẹnị ịnị ayị awụ nịnị?

Ahẹ Ụgama 139:2

Wâ yẹ avaba ịsa ọnị maa mẹ̀. Ụ mẹ̀ yị yà ẹnẹẹnẹ, wâ yẹ ịsị mee ro.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Ịjọọnụ 21:17

Dị Ijeesu rẹ họ̀ ọ ụpẹ ọhụta ka, “Ịsayịmọnị, ozi Ijona, wéé sì ịrẹyị amị?” Ayị Ipita o si du, agụvị ka Ijeesu ọ rẹ họ̀ ọ ụpẹ ọhụta ka óó sì ịrẹyị anị. Dị Ipita kụkụ kà a yọ ka, “Ananyị yị, wâ yẹ avaba ịsa, wa rẹ yẹ ka mê sì ịrẹyị awụ.” Dị Ijeesu rẹ kà a yọ ka, “Waa tẹsị ezi atẹmẹ amị!

Emọsị 4:13

Ọ kà ọnị ọ mẹ̀ ataba nịnị, dị ọnị tụ́ ahị ana tụ́ nị. Ọnị ọọ̄ sị ịrẹyị anị zụ ọza nị. Ọnị ọ vara etohozi tụ́ ịnị ẹnẹnẹ nị. Ọnị a zị ụsẹ ziizi ịrẹsụ avaba ataba ene hi ịrẹsụ ẹtẹ nị. Ịrẹha anị ọ rị Ẹnẹyịmavara Ohomorihi Ochẹtẹẹngụ nị.

1 Ohinọyị 16:21

Ịjị ịrẹyị ẹnẹẹ maanị sị mẹ, dị Anisirẹrị sị gà hi ẹẹva nị. Ogu ọnya ẹ na sị yà vaka Itibini ana vi ozi Iginati, ka ẹnị ẹ̀ sị Itibini rị ohinọyị. Di ogu ọsa ẹnị rẹ na yà vaka Omiri nị.