Imatiwu 12:15 - IWE ỌNỊNỊ

¹⁵ Íjeesu mẹ̀ sị yẹ, dị ọ hụụ ịzọọ nị. Dị aza ọrụrụ-ọrụrụ dụ ọ aa na nị. Dị ọ mẹ avaba ọnịkụ nịnị ụkụ nị.

Imatiwu 12:15 Referans Kwoze

Imatiwu 10:23

Ịjị àaa sị ụyaa rị wụ nịnị ịnị ẹkụra ọnya, zwe nọ ịnị ẹkụra ọsa nịnị! Dị ma kà a wụ nịnị, wẹ yị va zụụ ngụ avaba ẹkụra Anisirẹrị ta, dị ẹmị Ozi ọza onigirima ọ̀ vavẹ.

Ịjọọnụ 11:54

Agụvị avọọ Ijeesu ọ yị kụkụ zị ụsẹ chapaa ịnị akakana Aniju nịnị. Dị ọ hụụ ịzọọ, dị ọ nọ ẹkụra ọnya aanị ana gụrị ịnị avị, ana aā hị́ Ehwireemi nị. Dị ọnịrị ezirẹma anị na yà ịzọọ nị.

Ịjọọnụ 7:1

Ịrẹma ẹnẹẹ, di Ijeesu aa ngụ Igariri zịịzị nị. O yi sì ka ọnị ọ̀ varẹma nọ Ijudiya, agụvị ka Aniju nịnị ene hi ịzọọ, ee sì ka ẹnị ẹ̀ wụ ọ.

Imatiwu 19:2

Ọkọnị aza ệ saasa a, dị ọ mẹ wa ụkụ ịzọọ nị.

Ịmaakị 6:56

Aha tụra aha oni Ijeesu ọ̀ọ zị ịnị ẹkụra oweyi, àa vị ịnị ẹkụra ọbanyị, àa vị ịnị aarẹ, dị a kụ́ ọnịkụ ve hi ini orere. Ệ dá ịpẹ yọ ka ọ̀ọ hyakụ daka vị ụtọ ịta anị kẹnẹ ẹnịnị ẹ̀ sị ụvọ kanyị ọ. Avaba aza ana sị ụvọ kanyị ọọ bemi, ẹngụ ẹnịnị ộ ta.

1Ipita 2:21

Oze oni Ohomorihi hị́ wụ nịnị tụ́ ọ vị ọnọọ nị, agụvị ka Ikirisiti nyẹmba ộ rị ụya yị wụ nịnị. Ộ tụ́ oze tịtẹ yị wụ nịnị ka wa vavọọ sị ahụ anịị hi ẹtẹ nịnị.

Anigaratiya 6:9

Agụvị avọọ à vẹ vị yaa mẹ ọyịza, dị asị ọ ngụ yị ẹngụ! Agụvị ka ọ̀yị ngụ yị ẹngụ, i vee re ọgụ anị ọdịrẹma.

Ịjọọnụ 9:4

 nyị ka ya mẹ̀ ụkọrọ Ọza ana tụ́ mị vẹ ẹhẹ dị ọyị ọ̀ va ta. Ọyị vaa ta, ịjọnọọ ọza ọ yị kụkụ va zụụ mẹ̀ ụkọrọ.

Iruuku 6:12

Ẹkụhị ọnya, dị Ijeesu hịrẹ nọ ịnị ataba ka ọnị aa na mẹ̀ aduwa nị. Dị ọ yà ịzọọ ịnị avaba ịrahụ, dị aa mẹ̀ aduwa nị.

Iruuku 5:22

Ijeesu ộ yẹ ịsị eyee ro, dị ọ kà a yị wa ka, “Sị ẹ vẹ dị ụ vavọọ ee ro ẹngụ ịsa ẹnịnị ịnị ayị awụ nịnị?

Iruuku 9:11

Ịjị aza sị yẹ, dị ẹ yaa dụ ọọ na nị. Dị Ijeesu dọ wa pe ẹngụ, di aa kà ịrẹyị ịjọva Ohomorihii yị wa, dị ọ raa mẹ aza ẹnẹ ẹngụ aa zị ụkụ nị.