Imatiwu 12:10 - IWE ỌNỊNỊ

¹⁰ Â nyị ọza ịnya aanị ana yà ịzọọ ene sú ụvọ. A rẹ nyị aza ẹnyị ịzọọ ene ee sì ka ẹnị ẹ̀ sị ịrẹyị za Ijeesu, dị ẹ họ̀ ọ ka, “Ọda ayị ọ́ọ́ zẹẹ ka à mẹ ọza ụkụ ịnị ẹkụhị ụhwọtụ?”

Imatiwu 12:10 Referans Kwoze

Iruuku 13:14

Ọdọvịdị irehi Ohomorihi ọnọọ aa kụ́ ayị ka Ijeesu ộ mẹ̀ ọza ụkụ ịnị ẹkụhị ụhwọtụ. Dị ọdọvịdị ọnọọ kà a yị aza ka, “Yâ nyị ẹkụhị ịhịnọnyị ana a vọrọ ka ọza ọ̀ sị mẹ̀ ụkọrọ. Vẹ nịnị ịnị akakana ẹkụhị ịhịnọnyị ẹnẹẹ, dị à mẹ wụ nịnị ụkụ, asị ụ rẹ̀ vẹ ịnị ẹkụhị ụhwọtụ nịnị!”

Ịjọọnụ 9:16

Dị Anihwarisi ẹnyị ka, “Ọza ana vavọọ mẹ, ọ yị vị ọza Ohomorihi, agụvị ka o yi sị eyi pe ẹkụhị ụhwọtụ.” Dị aza ẹnyị ẹnịnị rẹ ka, “Wéé ro ka ọza ana vị ọnịvị ộ vavọọ zụ mẹ̀ ụkọrọ apọtẹrẹwa nịnị?” Ẹnịnị ẹ kụ́ gà hi.

Ịjọọnụ 8:6

Ịrẹyị ọnọnị vị ene eyee sii be Ijeesu, agụvị di è zụ re ịrẹyị ẹnẹ ẹnị vaa sị za a. Ama di Ijeesu nyima nẹtẹ, dị aa sị igegee chẹrẹ ịsa tụ́ ini eteesu nị.

Ịjọọnụ 5:10

Dị Aniju nịnị kà a yị ọza ana a mẹ ụkụ aanị ka, “Ajịnị vị ẹkụhị ụhwọtụ, ọ! Ẹ yị vọrọ ka waa za odooro zị ajịnị.”

Iruuku 11:54

Di eyee be e, di eyee sì ka ọ̀ kà ịrẹyị ẹnẹ ẹnị vaa sị za a nị.

Imatiwu 12:2

Ịjị Anihwarisi nịnị vavọọ re e, dị ẹ kà a yị Ijeesu ka, “Re! Wée re ézirẹma awụ màa mẹ̀ ịsa ọnị ọda ọ̀yị zẹẹ ka à mẹ ịnị ẹkụhị ụhwọtụ!”

Ịzakaraya 11:17

Oseratẹmẹ kẹnẹ-kẹnẹ ọnọọ ọ sị da, ọ raà para atẹmẹ anị hu. Ịrẹkụ vee du avaba ụkata anị. Ụvọ anị vaa su, di eyi ụvọrị anị gu.

Ayịsaya 32:6

Ọnụra vi ana aā kà ebira ụra, di ee ro ebira odivi ọnị ọ vaa mẹ. Ebira ẹnị Ẹnẹyịmavara ò yi sì ọọ̄ mẹ nị, dị aa tụ́ aza ịrẹyị ka asị ẹ kụkụ sị ayị yị ẹnẹ ẹ̀ yị mā vara. Aza ọnị ụngwẹ àaa kụ̀, ẹ mā dà ịsa yọ, ẹ ma rẹ ká enyi yi aza oni onyi aa kụ̀.

Ịjọọnụ 5:3

Ịnị ajẹngụ ẹnẹẹ, ọnịkụ ọrụrụ-ọrụrụ vị anaā gwẹtẹ ịzọọ: Ogweyi, oswahụ ọnịrị oswẹngụ nịnị. [Eyee zí ka à va vara enyi ọnọọ.

Iruuku 23:2

Dị ẹyaa sị ịrẹyị anịị tụ́ ịrẹka nị ka, “Yâ za ọnọrụ ọnọnị ka ee du ẹkụra ayị; ọ ka asị ẹ rẹ̀ tụ́ ẹkẹhị irehi yị ohinọyị Aniroomi. Ọ rẹ ka ọnị ọ vị Ikirisiti ana vị ohinọyị nị.”

Iruuku 23:14

Dị ọ kà a yị wa ka, “Wâ za ọnọrụ ọnọnị vẹ ịdị amị nịnị ka ee du aza. Re nịnị, eyi awụ nịnị mị zama ịrẹyị anị re nị, ama me yi re ka â nyị ịsa odivi ọnị ọ mẹ ịnị ịrẹyị anị ọnị ụ sị va tụ́ ịrẹka nịnị.

Iruuku 20:22

Ọ́ọ́ vọrọ ka yaa tụ́ ẹkẹhị irehii yị ohinọyị Aniroomi, à vị ọ yị vọrọ?”

Imatiwu 19:3

Anihwarisi ẹnyị ệ ká Ijeesu vẹ ka ẹnị ẹ̀ va zama a re. Dị ẹ kà a yọ ka, “Ọ́ọ́ vọrọ ka ọza ọ̀ hụ agụvị ịsị òo re kẹnẹ yi ose anị tịtẹ?”

Ayịsaya 59:13

Ẹnị ẹ raà mẹ akamawụ hi Ẹnẹyịmavara, di e yi ọ tịtẹ, dị ẹ yị saasa a nị. Ẹnịnị ẹ raà mẹ ẹvaya yị aza, dị ẹ va ịrẹma Ohomorihi nị. Eē vene ọza, di e yee cheeche nị.

Ayịsaya 59:4

Ẹ yị nyị ọza ana sị ịzẹyịza nọ ikootu, ọza ẹ yị ka ịzẹyịza, ireche kẹnẹ e che ayị ka ọ dọ ẹnị ha agụvị ẹnị e re oze mẹ̀ ịsa ọhịmị ene ro ka ọza na.

Ịmaakị 3:2

Aza ẹnyị ệ sị eyi pe Ijeesu gegege ka ahịka ọ vaa mẹ osuvọ ọnọọ ụkụ anị ịnị ẹkụhị ụhwọtụ, agụvị dị ẹ̀ nyẹngụ re ịrẹyị ẹnẹ ẹ vaa sị za Ijeesu.

Ịjọọnụ 7:23

Waa jị ozi ewu nịnị ụvẹvẹnẹ ịnị ẹkụhị ụhwọtụ, agụvị asị ụ jịnẹ ọda Imosiisi nịnị. Sị ẹ vavẹ dị ụ waa kụ́ ayịị hi mi nịnị, agụvị ka mâ mẹ ọza ụkụ saka-saka ịnị ẹkụhị ụhwọtụ?