Imatiwu 11:27 - IWE ỌNỊNỊ

²⁷ Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi anị, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi anị ọnịnya ọnịrị aza ene èe zé Ozi anị eyi ka ọnị ọ̀ sị zụ̀.

Imatiwu 11:27 Referans Kwoze

Imatiwu 28:18

Dị Ijeesu ve tù wa, dị ọ kà a yị wa ka, “A raà sị avaba ụkata ịnị ẹhẹ ọnịrị ẹbẹẹba yị mị.

Iruuku 10:22

Ada amị ọ raà sị avaba ịsa chire mi ụvọ. Ẹ yị nyị ọza ana yẹ Ozi, ẹ̀ yị vị Ada ọnịnya. Ẹ yị rẹ nyị ọza ana yẹ Ada, ẹ̀ yị vị Ozi ọnịnya ọnịrị aza ene èe zé Ozi eyi ka ọnị ọ̀ sị zụ̀.”

2 Ịjọọnụ 1:9

Ọza ẹnẹ ẹ̀ yị jẹẹ pe ịrẹyị ọnị Ikirisiti sị zụ̀ yị, ama di ee benee hi ọ nị, ọ yị yẹ Ohomorihi. Ama ọza ana àa jẹẹ pe ịrẹyị ọnị Ikirisiti sị zụ̀ yị, ọza ọnọọ ọ́ọ yẹ Ohomorihi Ada ayị ọnịrị Ozi Ohomorihi nị.

1 Ịjọọnụ 2:23

Ọza ẹnẹ ẹ̀ yị dọ Ozi Ohomorihi, vị ẹ̀ yị rẹ dọ Ohomorihi Ada ayị avọọ nị. Ama ọza ana àa sị Ozi Ohomorihi dọ, vị ọ rẹ dọ Ohomorihi Ada ayị avọọ nị.

Ịjọọnụ 10:15

anka Áda amị mẹ̀ yẹ mị, dị ẹmị rẹ yẹ Ada amị. Mị vaa sị ụhwẹ amịị tịtẹẹ yị atẹmẹ amị.

Ịjọọnụ 3:35

Ohomorihi Ada ayị ô sì ịrẹyị Ozi anị, dị ọ rẹ sị avaba ịsavị-ịsavị chire e ụvọ nị.

Ịjọọnụ 6:46

Ọnọọ ọ yị vị ka â nyị ọza ene re Ada amị tụ́ eyi da, oo! Ẹmị ana hụụ ịdị Ohomorihi vẹ ịnya kẹnẹ, o re Ada amị nị.

Ịjọọnụ 1:18

Ẹẹ̀ yị nyị ọza ene re Ohomorihi tụ́ eyi da. Ozi ikonya gene-gene ọnị ọnịrị Ohomorihi vị ọnya, dị ọ gụrị Ada anị ẹtẹẹtẹrẹ ọ kà a zụ̀ yị, Áda anị mẹmẹ yà nị.

Ịjọọnụ 7:29

Ama ẹmị â yẹ ẹ, agụvị ka ịdị anị mị hụrẹ vẹ nị; ọnị ọ rẹ tụ́ mị vẹ ẹhẹ nị.”

Ịjọọnụ 17:6

“Ma raà sị wụ zụ̀ aza ọnị ụ sị hụụnị ẹhẹ yị mị. Ẹwa nyị wa, dị ụ sị wa yị mị nị. Ẹ raà sị ụvọ za ịrẹyị awụ.

Ịjọọnụ 13:3

Ijeesu ộ yẹ ka Ada anị ọ raà sị avaba ịsa chire ọnị ụvọ; ọ rẹ yẹ ka ịdị Ohomorihi ọ́nị hụrẹ vẹ, dị ọnị raa vàa nọ ịdị Ohomorihi nị.

1Ipita 3:22

Ikirisiti ọ zị nọ ịdị Ohomorihi. Ọ yaayịtẹ éyi ụvọrị Ohomorihi. Ọnị ọ vị Ohinọyị tụ́ ịrẹsụ anggẹẹrị nịnị ọnịrị avaba ịsa ana nyị ụkata ọnịrị ọda tụ́ ịdị Ohomorihi nị.