Imatiwu 10:5 - IWE ỌNỊNỊ

⁵ Dị Ijeesu tụ́ wa nọ ẹhẹ, dị ọ kà a yị wa ka: Asị ẹ nọ ịdị Anigiriki u! Asị ẹ rẹ ngụ ẹkụra Anịsamarịya nịnị.

Imatiwu 10:5 Referans Kwoze

Ịjọọnụ 4:9

Dị ọnẹẹ Anịsamarịya ọnọọ tụ́ Ijeesu ohi, dị ọ ka, “Ho! Ẹ́wụ ana vị Aniju mẹmẹ nyẹngụ kà a yị ẹmị Anịsamarịya ka ma ká enyi wụ di u we hú ọọ?” Ẹ yị nyị ịsị ẹẹ̄ kụ́ Aniju ọnịrị Anịsamarịyaa gẹ.

1 Anịtẹsaronika 2:16

Ẹ yị hyakụ zẹẹ ka ya kà ịrẹyị Ohomorihi yị aza ẹnẹ ẹ yị vị Aniju, ana zụ mẹ ka ẹ̀ zụ há. Ẹnịnị ẹ sị ịvị za ịrẹsụ. Ẹ mẹ̀ vavọọ mẹẹ pooro, ọyịkụ Ohomorihi ọ zị vẹ ịrẹsụ ẹnịnị.

Iruuku 17:16

Dị ọ tana tụra ẹtẹ ọ́vịdị Ijeesu, dị aa kụ́ ọọ avọ nị. Ọza ọnọọ vị Anịsamarịya.

Odeyi 10:45

Ô hí ọdọwụ Aniju nịnị ana saasa Ipita vẹ irenu ka Ohomorihi ộ sị Ụhwẹ Ọnịnị mẹ Anigiriki ẹyịza bẹẹ.

Iruuku 9:2

Ộ tụ́ wa ka ẹ̀ naa kà enube ọyịza, Óhomorihi mẹmẹ aa mẹ ịjọva, dị ẹ̀ rẹẹ mẹ aza ụkụ.

Odeyi 1:8

Ịjị Ụhwẹ Ọnịnị ọ̀ọ ká wụ nịnị vẹ, ụ vaa dọ ụkata nịnị, dị ụ waa kà ịrẹyị amị nịnị Íjerusarẹmị ọnịrị ịnị avaba Ijudiya ne beri Ịsamarịya ọnịrị ịzị ẹhẹ na ta ịrẹsụ hi.”

Ịjọọnụ 20:21

Dị Ijeesu rẹ kụ́ wa ka, “Ẹngwọọrọ ọ̀ vị awụ nịnị!” Dị ọ ka, “Áda amị mẹ̀ tụ́ mị vẹ ẹhẹ, avọọ ẹ́mị mẹ̀ rẹ tụ́ ẹwụ nịnị aa nọ ẹhẹ nị.”

Ịjọọnụ 7:35

Dị Aniju nịnị aa kà a yị ẹngụ ka, “Ịzị ị yẹ ka ọ vaa nọ, di ye yi zụ re e? Ẹwáá ka vị ọ vaa nọ ịdị Anigiriki ịzị Aniju gara hi, dị ọ̀ naa zụ̀ Anigiriki nịnị ịsa ịzọọ nị?”

Ịjọọnụ 4:5

Dị ọ va ngụ ẹkụra ọnya Ịsamarịya ana aā hị́ Ịsayịka nị. Ịzọọ vị ana gụrị ẹtẹ oni Ijekọvụ sị yị ozi anị Ijosẹẹhụ.

Iruuku 10:33

Ama a va nyị Anịsamarịya ọnya aanị, ana rẹ zị oze avọọ aa jịnẹ, di oni re ve tù ọza ọnọọ nị. O mè ree, ayị anị ộ va.

Imatiwu 4:15

“Ẹwụ ẹtẹ Izeburuni ọnịrị ẹtẹ Inahwitari ana yà ọgụrị ụtọ irehu, ákẹnẹ Ijodani, ana vị Igariri ẹtẹ anarịmadọwụ nịnị.

Odeyi 8:1

Ịsọọrụ yà ịzọọ, ộ sị ụvọ tụ́ ọọ ka à wụ Isitivini. Ịhị ọnọọ gẹdẹ-gẹdẹ, ê nyima aa sị ụyaa rị anịragụ Ohomorihi ene hi Ijerusarẹmị ẹtẹẹtẹrẹ. Avaba ọdọwụ nịnị vị ana gara hi avaba ẹkụra Ijudiya ọnịrị Ịsamarịya. Apositeri nịnị kẹnẹ ẹ vọ tụ́ Ijerusarẹmị nị.

Ịjọọnụ 8:48

Dị Aniju nịnị tụ́ Ijeesu ohi, dị ẹ ka, “Aanịka yẹ yị vịdị yị kà a ka Anịsamarịya ụ vị nị, ka wâ nyị ụhwẹ echu?”

Ịjọọnụ 4:20

Ohiku ẹyị Anịsamarịya vị anaā hẹkẹ Ohomorihi ị́rẹsụ ataba ọnọnị. Ama ẹwụ nịnị Aniju ka Ijerusarẹmị a vọrọ ka à yàa hẹkẹ Ohomorihi nị.”

Iruuku 10:1

Ịrẹma ịsa ẹnẹnị, dị Ijeesu rẹ tụ́ ezirẹma anị ẹtarẹwụ ẹvẹẹva jịnẹ dọ ọvịdị anị nọ ịnị avaba ẹkụra ọnị ọnị ụvọta vaa nọ nị.

Imatiwu 22:3

Dị ọ tụ́ ozi ahụ anị ka ẹ̀ na hị́ aza ana a vịdị kà a yị, ka ẹ̀ vẹ ịnị ịrẹyị ọnẹẹ ọnọọ nị. Ama ẹnịnị ê yi, ẹ yị vẹ.

Ịmaakị 6:7

Ijeesu ộ hị́ ezirẹma anị ẹwụrẹva, dị ọ tụ́ wa ẹvẹẹva jịnẹ nọ ẹhẹ nị. Ộ sị ụkata yị wa ka ẹ̀ẹ dụ ụhwẹ echuu jịnẹẹ hụụnị ẹngụ aza.

Iruuku 9:1

Ẹkụhị ọnya, Ijeesu ộ hị́ ezirẹma anị ẹwụrẹva gụ, dị ọ sị ọda ọnịrị ụkata yị wa ka ẹ̀ naa dụ avaba ụhwẹ echu nịnị ị jịnẹ hụụnị ẹngụ aza, dị ẹ̀ rẹẹ mẹ aza ụkụ nị.

Ịjọọnụ 17:18

Maa tụ́ waa nọ ịnị ẹhẹ, anka ẹwụ mẹ̀ rẹ tụ́ mị vẹ ẹhẹ.