Imatiwu 10:3 - IWE ỌNỊNỊ

³ Ihwiripi beri Ibatoromiwu; Ịtọmọsị ọnịrị Imatiwu ọdẹkẹhirehi, Ijemiisi ozi Arịhwịyọsị, ne beri Ịtadịyọsị;

Imatiwu 10:3 Referans Kwoze

Odeyi 1:13

Ẹ mẹ̀ vẹ, dị ẹ nọ ịnị aku ịnị ọtụrọsa ịzị ẹnịnị hi nị. Aza ene hi ịzọọ yị: Ipita, Ịjọọnụ, Ijemiisi ọnịrị Andụrụ, Ihwiripi ọnịrị Ịtọmọsị, Ibatoromiwu ọnịrị Imatiwu, Ijemiisi ozi Arịhwịyọsị, Ịsayịmọnị ana aā hị́ Izirọtị (Anakwẹngụhi) beri Ijudasi ozi Ijemiisi.

Ịmaakị 3:18

Andụrụ, Ihwiripi, Ibatoromiwu, Imatiwu, Ịtọmọsị, Ijemiisi ozi Arịhwịyọsị, Ịtadịyọsị, Ịsayịmọnị Anikenaani,

Ịmaakị 2:14

Ọ màa parahu, di o re Ireevi, ozi Arịhwịyọsị, ka ọ yaayịtẹ ịzị a yàā dọ ẹkẹhị irehi. Dị Ijeesu kà a yọ ka, “Vẹ, dị ụ waa dụ mị ịrẹma!” Dị Ireevi kwẹẹtẹ, dị aa dụ ọọ na nị.

Imatiwu 9:9

Íjeesu mẹ̀ hụụ ịzọọ, dị aa na, ô re ọnọrụ ọnya ana aā hị́ Imatiwu, ka ộ yaayịtẹ ịzị a yàā dọ ẹkẹhị irehi. Dị ọ kà a yọ ka ọ̀ọ dụ ọnị ịrẹma nị. Dị ọ kwẹẹtẹ, dị aa dụ ọọ na nị.

Ịjọọnụ 21:2

Ịsayịmọnị Ipita ọnịrị Ịtọmọsị ana aā hị́ Ejima, beri Inatanẹrị Anikana ịnị ẹtẹ Igariri, ọnịrị ezi Izebedi beri ezirẹma Ijeesu ẹẹva ọsa ệ kụ́ gụ.

Ịjọọnụ 11:16

Dị Ịtọmọsị ana aā hị́ Ejima kà a yị ezirẹma ana vọ ka, “Vẹ ya saasa a na, dị ẹyị rị ọọ ò ne sú nịnị!”

Ijudi 1:1

Ẹmị Ijudi ọyịnyara Ijemiisi ana vị ozi ahụ Ijeesu Ikirisiti. Maa chẹrẹ iwe ọnọnịị túu hi ẹwụ nịnị aza oni Ohomorihi hị́ ka wa vị aza anị nịnị. Ohomorihi Ada ayị ô sì ịrẹyị awụ nịnị, di ee sere wu nịnị ịnị oze Ijeesu Ikirisiti nị.

Ijemiisi 1:1

Ẹma vị Ijemiisi ana vị ozi ahụ Ohomorihi ọnịrị Ijeesu Ikirisiti Ananyị yị nị. Maa chẹrẹ iwe ọnọnịị tụ́ụ hi ẹwụ nịnị aza Ohomorihi ana gara hi avaba ẹhẹ. Wáá dahi nịnị?

Anigaratiya 2:9

Ijemiisi ọnịrị Ipita beri Ịjọọnụ ana anịragụ Ohomorihi sị mẹ ọdọvịdị ẹnịnị, ée re ka vi Ohomorihi vavọọ re mi eyi nị. Agụvị avọọ ẹ́ẹ dọ ẹmịrị Ịbanabasị ụvọ anka ọnụkọrọ ọnya. Yâ dọ ka ẹ yà nọ ịda aza ẹnẹ ẹ̀ yị vị Aniju, dị ẹnị ẹ̀ nọ ịda Aniju nịnị.

Anigaratiya 1:19

Ẹ yị nyị odeyi ọsa oni mi re, àyị vị Ijemiisi kẹnẹ ana vị ọyịnyara Ananyị yị.

Odeyi 21:18

Eyinẹhẹ anị, dị ẹyịrị Ịpọọrụ zị ne hee Ijemiisi nị. Avaba azọkụ ịragụ Ohomorihi hi ịzọọ.

Odeyi 12:17

Di o mi wa ụvọ ka è kú irenu nị. Dị ọ kà a yị wa, Ánanyị yị mẹmẹ sị ọ hụụnị ẹngwa nị. Dị ọ hụụ ịzọọ nọ aha ọsa nị.

Iruuku 5:27

Ịrẹma ịsa ẹnẹnị, dị Ijeesu nyima ụsẹ anị nị. Ô re ọdẹkẹhirehi ọnya ana aā hị́ Ireevi, ka ộ yaayịtẹ ịzị a yàā dọ ẹkẹhị irehi. Dị Ijeesu kà a yọ ka, “Vẹ, dị ụ waa dụ mị ịrẹma!”

Odeyi 15:13

Ịjị ẹ sị ịrẹyị ẹnịnị kà ta, dị Ijemiisi tụ́ ohi nị, dị ọ ka, “Ẹwụ nịnị ẹyịnyara amị! Batọ ịrẹyị amị nịnị!

Ịjọọnụ 14:22

Dị Ijudasi, ẹ yị vị Ijudasi Isikarịyọtị aa kà, ka, “Ananyị yị, ụ mẹmẹ vaa sị ẹngụụ zụ̀ ẹyị, dị ụ wẹ yị sị zụ̀ anẹhẹ?”

Ịjọọnụ 14:9

Dị Ijeesu kà a yọ ka, “Ẹhụ ọnị mị hụrẹ yà pe wu nịnị aanị, wẹ yị yẹ mịị, Ihwiripi? Ọza ene èe re mi, ọ rẹ sị Ada amị re. Sị ẹ vẹ dị ụ kụkụ rẹ ka ma sị Ada amị zụ̀ wụ?

Imatiwu 27:56

Imeri Anịmagịdara, ọnịrị Imeri ọnyị Ijemiisi ọnịrị Ijosẹẹhụ, ne beri ọnyị ezi Izebedi yà ịnị ẹnịnị.

Imatiwu 18:17

Òo yi, dị ọ̀ yị wụ́ ẹ́ẹnịnị nị, dị ụ kà a yị anịragụ Ohomorihi. Ama òo yi yi, dị ọ̀ yị wụ́ áanịragụ nị, dị ụ kụkụ za a anka anarịmadọwụ ọnịrị ọza odivi avọọ.

Ịmaakị 15:40

A rẹ nyị anẹẹ ẹnyị aanị ana jẹẹ ẹ́nẹẹnẹ, di eyee re ẹtẹ nị. Imeri Anịmagịdara ọnịrị Ịsarọmị yà ịnị ẹnịnị; Imeri ọnyị Ijemiisi oweyi ọnịrị Ijosẹsị ọnị rẹ yà ịzọọ bẹẹ.

Iruuku 18:10

“Â nyị aza ẹnị ẹẹva ana hịrẹ nọ ini irehi Ohomorihi ka ẹnị ẹ̀ na mẹ̀ aduwa. Ọnyara vị Anihwarisi, dị ọsa ọnị vị ọdẹkẹhirehi nị.

Iruuku 18:11

Dị Anihwarisi ọnọọ kwẹẹtẹ jẹẹ aha anị irenyi, dị ọ maanị aa mẹ̀ aduwa nị ka: ‘Ohomorihi, mâ kụ́ wụ avọ ka mẹ yị yà aza ana vọ mẹ̀ yà: aza anaā họ́họ̀ha, dị ẹyaa mẹ irikichi, dị ẹ rẹ yaa sẹ̀ ịrẹka. Mẹ yị hyakụ yà anka ọdẹkẹhirehi ọnọnị bẹẹ.

Iruuku 18:13

Dị ọdẹkẹhirehi ọnọọ ọnị jẹẹ ẹ́nẹẹnẹ nị. Ọ yị hyakụ nyayịnẹ sị eyi anị tụ́ ẹba. Dị ọ sị ụvọ kú ịrẹsụ, dị ọ ka: ‘Ohomorihi, aarịhịnị, vayị ẹmị ọnịvị!’ ”

Iruuku 19:2

 nyị ọza ịnya aanị ịzọọ ana aā hị́ Ịzakịyọsị. Ọnị ọ vị ohinọyị ọdẹkẹhirehi nịnị nị, ọzọbanyị ọ rẹ vị nị.

Ịjọọnụ 1:48

Dị Inatanẹrị họ̀ ọ ka, “Ho! Ịzị ụ yà yẹ mị?” Dị Ijeesu tụ́ ohi, dị ọ ka, “Mê re wu, ụ mẹ̀ yaayịtẹ íruvo ọchị ihwigi, di Ihwiripi va hị́ wụ.”

Ịjọọnụ 14:5

Dị Ịtọmọsị kà a yọ ka, “Ananyị yị, yẹ yị hyakụ yẹ ịzị ụ waa nọ. Ị mẹmẹ va yẹ oze ịzọọ?”