Imatiwu 10:22 - IWE ỌNỊNỊ

²² Dị avaba aza aa nyị ịhyẹrẹ awụ nịnị kẹnẹ agụvị amị. Ama ọza ana àa zụ sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Imatiwu 10:22 Referans Kwoze

Imatiwu 24:13

Ama ọza ana àa sị ẹngụ dọ ọ pooro ne tù ẹzẹtẹ, ọnị a vaa dọ ọ há nị.

Ijemiisi 1:12

Ọza ana àa zama re dị ẹ̀ yị rẹ vaa hyẹdụ nị, ọ vaa daa jẹ; agụvị ka ịjị àa sị ọ zama re, dị ọ jẹẹ geri-geri nị, Ohomorihi vaa sị ẹyịza ọnị o wo oto anị yọ, ana vị ka ọ̀ yàra ịdị anị pooro zịna-zịna. Ohomorihi ka ẹ́ yị zụ nyị ka ọnị ọ́ yị vaa sị ọyịyara ọnọọ yị aza ene èe sì ịrẹyị anị.

Ẹtore 2:10

Asị u hí angwa ọnyọọnyị ịnị ụya ọnị ụ waa vaa rị! Re, Echu vaa zama wụ nịnịị re, dị ọ kụ́ aza ẹnyị awụ nịnị ne hi ịnị ẹngwa. Ụ vaa rị ụya nịnịị mẹ̀ ẹkụhị ẹẹwụ. Sị sị ayị yị mị nịnị pooro, wàa daka ee sú nịnị! Mị vaa sị ọgụụ wụ nịnị, ọnị ọ vị ka mị vaa mẹ ka wa yàra nịnị pooro zịna-zịna ị́dị Ohomorihi.

Ịmaakị 13:13

Dị avaba aza aa nyị ịhyẹrẹ awụ nịnị kẹnẹ agụvị amị. Ama, ọza ana àa zụ sị ẹngụ dọ ọ pooro ne tù ọdịrẹma, ọnị a vaa dọ ọ há nị.

Imatiwu 10:39

Ọza ana àa ka ọnị aa sị ụhwẹ anịị tẹ, vi ee vú ọọ nị. Ọza ene èe ne ụhwẹ anị ta agụvị amị, vị aa sị ọọ tẹ nị.

1 Ịjọọnụ 3:13

Ẹwụ nịnị anda ayị, anẹhẹ àaa nyị ịhyẹrẹ awụ nịnị, asị o hí wu nịnị irenu!

Imatiwu 24:9

Ịjọnọọ a vaa za wụ nịnị dị a ka à sị ụya rị wụ nịnị, dị a wụ wụ nịnị. Avaba anẹhẹ vaa nyị ịhyẹrẹ awụ nịnị agụvị amị.

Aniroomi 2:7

Aza ẹnyị aa mẹ̀ ebira ozoza. Eyee sì ka Ohomorihi ọ̀ sị ụbanyị yị ẹnị, dị ọ̀ rẹ mẹ ka ẹnị ẹ̀ yàra pooro zịna-zịna. Ẹngụ aza ẹnẹẹ, Ohomorihi vaa mẹ ka ẹ̀ yàra ị́da anị pooro zịna-zịna.

Anihiburu 6:11

Ịsị yee sìi hu, ọ vị ka, ọzịnya-ọzịnya awụ nịnị ọ̀ yịị sịị vụrị pooro ne tù ọdịrẹma, agụvị dị ụ wa zụ dọ ịsị ụ waa tụra eyi anị nịnị,

Ịjọọnụ 17:14

Ma sị ịrẹyị awụ kà yị wa. Ama anẹhẹ aa nyị ịhyẹrẹ ẹnịnị, agụvị ka ẹ yị vị áanẹhẹ ẹ vị. Avọọ gẹdẹ-gẹdẹ ẹ́mị ẹ̀ yị mẹ̀ rẹ vị ẹ́ẹhẹ nị.

Anigaratiya 6:9

Agụvị avọọ à vẹ vị yaa mẹ ọyịza, dị asị ọ ngụ yị ẹngụ! Agụvị ka ọ̀yị ngụ yị ẹngụ, i vee re ọgụ anị ọdịrẹma.

Iruuku 6:22

Ẹwụ nịnị vaa daa jẹ, aza àaa kụ́ ayị awụ nịnị, di e si wu nịnị yi tịtẹ, dị ẹ rẹ yaa kụ̀ wụ nịnị ụhụ, dị ẹ ka aza edivi ụ vị nịnị nị agụvị ẹmị Ozi ọza onigirima.

2 Anịkọrịntị 4:11

Ịnị avaba ẹhẹ ayị ịnị ụmẹ tụra ụmẹ, ye yi noze rịrị isu agụvị Ijeesu, agụvị dị aza ẹ̀ zụ zị oze ịnị ẹngụ ayị eneē súu re ẹhẹ Ijeesu.

Imatiwu 5:11

Ụ vaa daa jẹ nịnị, aza àa kụ̀ wụ nịnị ụhụ, dị ẹyaa sị ụyaa rị wụ nịnị nị, dị ẹyaa sị irechee kà avaba ịsa odivi hi wu nịnị nị agụvị amị.

Ẹtore 2:17

Ọza ana àa nyị ụtọ, ọ̀ sị ụtọ pe ịrẹyị ọnị Ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, ọnị vaa sị ịmana oni Ohomorihi sị tẹ̀, dị ọnị sị yọ ka ọọ rị ọọ. Ọnị rẹ vaa sị ịrẹta ọvwọọvụụ yọ; â chẹrẹ ịrẹha ọwọọwa tụ́ ịnị ịrẹta ọnọọ, ana ahịka ẹ yị nyị ọza ana zụ yẹ ẹ, ẹ̀ yị vị ọza ana nyị ọọ kẹnẹ.

Ịjọọnụ 7:7

Anẹhẹ ẹ yị zụ nyị ịhyẹrẹ awụ nịnị, ama ẹyaa nyị ịhyẹrẹ ẹmị, agụvị ka mịị̄ kà a yị wa ka ẹ yaa mẹ̀ ịsa odivi.

Iruuku 8:15

Ama aza ẹnẹnị vị ana yà anka ihu ene e mi tụ́ ịnị ẹtẹ ozoza. Ẹ mẹ̀ wụ́ ịrẹyị ọnọọ, ệ sị tụ́ ịnị ayị ẹtẹẹtẹrẹ, dị ẹ tangwa sị isuuru aa nyị ẹtụtụ nị.”

Ẹtore 3:21

Ọza ana àa nyị ehuna, mị vaa sị oze yọ ka ọ̀ yaayịtẹ pe mi ịnị aga ohinọyị amị, anka ẹ́mị mẹ̀ rẹ nyị ehuna, dị mị yaayịtẹ pe Ada amị ịnị aga ohinọyị anị.

Ẹtore 2:7

Ọza ana àa nyị ụtọ, ọ̀ sị ụtọ pe ịsa ọnị ụhwẹ Ohomorihi aa kà a yị anịragụ Ohomorihi! Ọza ana àa nyị ehuna, mị vaa sị ọdaa yọ ka ọ̀ rị ẹtụtụ ọchị ana aā mẹ ka ọza ọ̀ yàra pooro zịna-zịna, ana yà ịnị Aha Ọyịza ịdị Ohomorihi.

Anihiburu 3:14

Oyitureyi ọnị ị nyị ịpaapa, yàa yị sị ụvọ zaa pooro ne tù ẹtẹ, ị vaa nyịị tụ́ ịnị ịsa Ikirisiti.

Ẹtore 2:26

Ọ kà, Ọza ana àa nyị ehuna, dọ ọ sị ụvọ za ụkọrọ anị ne tù ịrẹsụ nị, ọnị vaa mẹ ka ẹ̀ nyị ọda tụ́ ịrẹsụ anẹhẹ,

Odeyi 9:16

Ẹmị ụvọta vaa sịị zụ̀ ọọ ụya ọnị ọ vaa rị agụvị amị.”

Ẹtore 2:3

Wâ nyị isuuru, wâ sị ẹngụ dọ ụya agụvị amị, ama wẹ yị zẹẹ ka ò du wu eyi nịnị.

Ụhịrẹyị 29:27

Aza ọyịza vị anaā nyị ịhyẹrẹ aza edivi, avọọ aza edivi ẹnị mẹ rẹẹ̀ nyị ịhyẹrẹ aza ọyịza nị.

Iruuku 21:17

Dị avaba aza aa nyị ịhyẹrẹ awụ nịnị kẹnẹ agụvị amị.

Iruuku 21:19

Wàa jẹẹ geri-geri nịnị, ọnị ọ vaa mẹ ka wa zụ yara nịnị obooro nị.”