Imatiwu 10:20 - IWE ỌNỊNỊ

²⁰ Agụvị ka ẹ yị vị ẹwụ nịnị ọ vaa kà ịrẹyị nịnị. Ụhwẹ Ọnịnị Ada awụ nịnị ana yà ịnịnẹ awụ nịnị, ọ vaa zị oze ịnị ụvọ awụ nịnịị kà ịrẹyị nị.

Imatiwu 10:20 Referans Kwoze

Odeyi 6:10

Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị.

Iruuku 21:15

Mị vaa sị ịrẹyị tụ́ wụ nịnị irenu, dị mị rẹ sị ịrẹyọyẹ wụ nịnị, ana ahịka ọnịvị awụ nịnị ẹ yị va zụụ jẹẹ pe wu nịnị, e yi re ve zuu yi ịrẹyị ọnị ụ wàa kà nịnị.

Iruuku 12:12

Ịjị ụmẹ òo si tù, Ụhwẹ Ọnịnị vaa sịị zụ̀ wụ nịnị ịrẹyị ana a vọrọ ka wa kà nịnị.”

2 Ịsamụwẹrị 23:2

Ọ kà; ụhwẹ Ohomorihi aa sị mị kà ịrẹyị. Ịrẹyị anị yà ịnị irenu amị.

2Ipita 1:21

agụvị ka ẹ́ yị nyị ụmẹ ana aza zụ sị kwẹẹtẹ kẹnẹ, dị ẹ̀ẹ kà ịsẹ, anka e mè sì ọ. Ama aza ọnịnị Ohomorihi ệ kà ịrẹyị anka Ụhwẹ Ọnịnị màa zụ̀ wa ịrẹyị nị.

Odeyi 4:8

Ụhwẹ Ọnịnị ộ dọ avaba ayị Ipita, di o tụ́ wa ohi dị ọ ka, “Ẹwụ nịnị ọdọvịdị ọnịrị azọkụ anda ayị!

Odeyi 2:4

Dị Ụhwẹ Ọnịnị dọ ayị avaba ẹnịnị ene hi ịzọọ, dị ẹ kụkụ aa sị ẹkụra ọsaa kà ịrẹyị, anka Ụ́hwẹ Ọnịnị mẹ̀ sị ụkata yị wa nị.

2 Anịkọrịntị 13:3

Avaba ịsị u wee sì ka we re nịnị dị ụ wa yẹ ka Ikirisiti aa sị mị ị kà ịrẹyị nị, u vee re e nịnị. Ịhị Ikirisiti èee pe wu nịnịị mẹ, ọ yị vaa vị ọkụmị, ama ọ vaa sị ụkata anịị zụ̀ ịnị akakana awụ nịnị.

1Ipita 1:12

Ohomorihi ộ sị zụ wa ka ẹwụ nịnị ẹyaa mẹ ụkọrọọ yị nị, ẹ́ yị vị ẹngụ ẹnịnị. Aza anaā kà enube ọyịza ệ kà a wụ nịnị, anka Ụhwẹ Ọnịnị ana a tụ́ hụrị ẹbẹẹba vẹ mẹ̀ sị ụkata yị wa. Anggẹẹrị nịnị nyẹmba bẹẹ ee sì ka eni è re ịsa ẹnẹnị.

Odeyi 28:25

Ẹnịnị ê pe ẹngụ nyị ahankata. Dị Ịpọọrụ kà ịrẹyị ọnya, di e si hu aa na nị. Ịpọọrụ ka, “Ịrẹyị ọnị Ụhwẹ Ọnịnị mẹ ka Ayịsaya ọ̀ kà yị ada awụ nịnị, ộ da gẹẹ kẹnẹ.” Ọ kà,

Odeyi 13:9

Ụhwẹ Ọnịnị ộ dọ avaba ayị Ịsọọrụ ana a rẹẹ̄ hị́ Ịpọọrụ. Dị ọ jị eyi ngụ ọnịsẹ ireche ọnọọ nị.

Iruuku 11:13

Ẹwụ nịnị ana vị aza edivi, wàa yẹ ka â vọrọ ka wa sị ịsa ọyịza yị ezi ewu nịnị. Ụ mẹmẹ va yẹ ka Ada awụ nịnị ẹbẹẹba ọ yị vaa sị Ụhwẹ Ọnịnịị yị aza ana àa họ̀ ọ use anị.”

Ịmaakị 12:36

Idevidi ọnị nyẹmba ộ sị ụkata Ụhwẹ Ọnịnị kà a ka: ‘Ohomorihi ộ kà a yị Ananyị mị ka: Yaayịtẹ éyi ụvọrị amị pooro dị ma sị ọnịvị awụ tụ́ ịzị ụ waa kụ́ ahụụ hi!’

Imatiwu 6:32

Agụvị ka avaba ịsa ẹnẹnị ánẹhẹ ee sìi zị nị. Ada awụ nịnị ẹbẹẹba ộ yẹ ka áa vọrọ ka wa nyị ịsa ẹnẹnị nịnị.

Ọyịkụra 4:12

Dị ọ ka ọ̀ọ na, ka ọnị vaa mẹ ka ọ zụ ka ịrẹyị. Ọ rẹ ka ọnị rẹ vaa sị zụ̀ ọ ịsị a vọrọ ka ọ̀ kà.”

1 Anịtẹsaronika 2:13

Iruvo ọsa ọnị ị raa sịị kụ́ Ohomorihi avọ pooro yị: Ị mẹ̀ va kà ịrẹyị Ohomorihii wụ nịnị, wâ wụ́ ọọ nịnị, dị ụ rẹ dọ ọ nịnị nị. Wẹ yị dọ ọ nịnị anka ịrẹyị ọza kẹnẹ, ama anka ịrẹyị Ohomorihi. Ịzẹyịza, ịrẹyị Ohomorihi yọ nị, agụvị ka Ohomorihi aa mẹ̀ ụkọrọ ịnị ayị ẹwụ nịnị ana sị ayị tụraa ẹtẹẹtẹrẹ.