Imatiwu 10:19 - IWE ỌNỊNỊ

¹⁹ Ịhị àa hị́ wụ nịnị ịrẹka, asị u ne roo tịtẹ nịnị ka u mè vee tụ́ ohi, à vị ka sị ụ vaa kà kẹ! Ịjị ụmẹ òo si tù, ịsị àa vọrọ ka wa kà nịnị, a vaa sị zụ̀ wụ nịnị.

Imatiwu 10:19 Referans Kwoze

Ọyịkụra 4:12

Dị ọ ka ọ̀ọ na, ka ọnị vaa mẹ ka ọ zụ ka ịrẹyị. Ọ rẹ ka ọnị rẹ vaa sị zụ̀ ọ ịsị a vọrọ ka ọ̀ kà.”

2 Itimoti 4:17

Ama Ananyị yị ộ jẹẹ pe mi, dị ọ sị ụkata mị ka ma zụ kà enube ọyịza ẹtẹẹtẹrẹ, dị avaba aza ẹnẹ ẹ̀ yị vị Aniju ẹ̀ zụ wụ́ nị. Ohomorihi ộ dọ mị hụrị irenu idu.

Iruuku 12:11

Ịhị àa za wụ nịnị nọ ini irehi Ohomorihi, àa vị ini ikootu, àa vị ịdị aza ana nyị ọda, asị u ne ro o nịnị ka u mè vee tụ́ ohi, à vị ka sị ụ vaa kà kẹ!

Ọyịkụra 4:15

Dị ọ ka Imosiisi ọ vaa kà a yọ ịrẹyị ana àa vọrọ ka ọ̀ kà nị. Ẹnẹyịmavara ọnị vaa jẹẹ wa ịrẹma ẹ̀ẹ yaa ka ịrẹyị. Ọ kà ọnị rẹ vaa sị zụ̀ wa ịsị a vọrọ ka ẹ̀ kà.

Ijemiisi 1:5

Ama àa nyị ọza awụ nịnị ẹnẹ ẹ̀ yị nyị ịrẹyọyẹ, ọza ọnọọ ọ̀ da ịpẹ anị yị Ohomorihi. Ohomorihi vaa sị ịrẹyọyẹ yọ, agụvị ka ọnị ọọ̄ sị ayị ọnyaa sị ịsaa yị ọza, dị ọ́ yị rị uhuhu nị.

Imatiwu 6:31

Agụvị avọọ asị ụ rẹ̀ mẹ ariro nịnị ka: ‘Sị ị vaa rị?’ À vị ka, ‘Si i vee hú’ ọnịrị ‘Si i ve sii kú ẹngụ?’

Imatiwu 6:25

Agụvị avọọ dị ma kà a wụ nịnị ka, asị ụ rẹ̀ mẹ ariro ini oze ẹhẹ awụ nịnị ka, sị ụ vaa rị kẹ, à vị ka si u vee hú. Asị ụ rẹ̀ rẹ mẹ ariro agụvị ọchẹngụ awụ nịnị ka si u ve sii kú ẹngụ nịnị. Aanịka ụhwẹ ọza o yi huna ịsọyịrị, à vị ẹngụ ọza o yi huna ịta?

Anihwiripi 4:6

Asị ụ và ayị awụ nịnị zi agụvị ịrẹyị ịsọnyị-ịsọnyị. Ama ịsị wèee sì nịnị, kà a yị Ohomorihi nịnị. Waa mẹ̀ aduwa ọnịrị ịpọda nịnị, dị ụ wa rẹ kụ́ Ohomorihi avọọ tụ́ ọ nịnị.

Odeyi 6:10

Ụhwẹ Ọnịnị ộ sị ụkata yị Isitivini, ana ahịka ọ mẹ̀ sị ịrẹyọyẹ kà ịrẹyị, vị ẹnịnị kuku ee re ẹtẹ kẹnẹ nị.

Ijeremaya 1:9

Ọ kà, dị Ẹnẹyịmavara sị ụvọ kanyị ọnị irenu, dị ọ kà a yị ọnị ka, re, ịrẹyị anị ọnị ọnị vaa kà ọnị sị tụ ọnị irenu aanị nị.

Ijeremaya 1:7

Ama dị Ẹnẹyịmavara kà a yị ọnị ka, a sị ọnị kà a ka ọnị ọ sị vị ozweyi, agụvị ka avaba aza ọnị ọnị ọọ tụ ọnị hi ọnị vaa nọ ịdị anị nị. Ịsa tụra ịsa ọnị ọnị ọọ ka yị ọnị, ọnị vaa kà nị.

Imatiwu 6:34

Agụvị avọọ asị ụ rẹ̀ mẹ ariro agụvị ụhwọọ. Ụhwọọ ọ vaa mẹ ariro ẹngụ anị nị. Sị eyi pe ariro ajịnị kẹnẹ!”

Imatiwu 10:18

A rẹ vaa za wụ nịnịị nọ ịda ịgọvọnọ nịnị ọnịrị ohinọyị nịnị agụvị amị kẹnẹ, ka wa kà enube ọyịza yị wa ọnịrị anẹhẹ ana vọ.

Iruuku 12:12

Ịjị ụmẹ òo si tù, Ụhwẹ Ọnịnị vaa sịị zụ̀ wụ nịnị ịrẹyị ana a vọrọ ka wa kà nịnị.”