Imatiwu 1:18 - IWE ỌNỊNỊ

¹⁸ Aanị a mẹmẹ ma Ijeesu Ohinọyị oni Ohomorihi nyị ka ọ̀ dọ aza há nị: Ijosẹẹhụ ộ nyị Imeri tụ́ oze ana vị ọnyị Ijeesu. Ama dị ẹ va nyị ẹngụ obooro, ô re ka Ụhwẹ ọnịnị ọ mẹ ka òo zyẹẹ.

Imatiwu 1:18 Referans Kwoze

Ijoovu 14:4

Ẹnẹ zụ sị ịsa ana nị hụụnị ẹvụvụ? Ẹ yị nyị.

Anihiburu 10:5

Agụvị avọọ Íkirisiti màa vaa vẹ ẹhẹ, ọ́ọ kà a yị Ohomorihi ka, “Wẹ yị sì ịsọvọ ọnịrị ẹyịza, ama wa raà mẹ ka ma nyị ọchẹngụ dị ma sị mẹ̀ ịsọvọ.”

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

Anihiburu 7:26

Ijeesu ọ vị ohirẹsụ ọbanyị irehi Ohomorihi ene rere yi nị. Ọnịnị ọ vị nị, ọ yị mẹ̀ ịsa odivi vụrụ-vụrụ. Ohomorihi ọ raà sị ọ hụụnị akakana ọnịvị nịnị, dị ọ sị ọ tụ́ ẹbẹẹba keekere nị.

Ijoovu 15:14

Ẹnẹ ka ọnị ọ nị ọvịdị Ohomorihi? Ẹnẹ ka ọnị aa mẹ̀ ịsa ana vọrọ?

Iruuku 1:25

“Aa, ịsị Ohomorihi mẹ mị yọ! Ananyị yị o reè nyị mị iyi. Ọ raà sị ụhị ana aa nyị mị ịnị akakana aza kwooze!”

Imatiwu 1:1

Ịrẹha ohiku-ohiku ịzị Ijeesu chị hụrẹ vẹ yị: Ijeesu vị ozi Idevidi, ana vị ozi Abụrahamị

Iwe Ọhụhị Imosiisi ana aa hị́ Ọyịvatụrọda 22:23

Ịsa a vọrọ ka a mẹ̀ àa za ọnọrụ ka ọ pe ozwoorihi ana a raà ga ọnọrụ sụ. Àa vị ịnị ẹkụra ẹ ya mẹ̀ ebira odivi ọnọọ nị,

Imatiwu 2:11

Ịjị ẹ sị ngụ ịnị irehi ọnọọ, ê re ozi ọnọọ ọnịrị Imeri ọnyị anị, dị ẹnịnị va ku ẹtẹ, dị ẹ kụ ọ nị. Â nyị ẹnya ẹnẹ ẹ za na, ịjị ẹ sị ọ hụ, dị ẹ sị igooru ọnịrị eturare ana aā rị ịra ne beri eturare ọsa ene e siī sisi ẹngụ, dị ẹ sị mẹ Ijeesu ẹyịza nị.

Imatiwu 12:46

Íjeesu màa yịị kà ịrẹyịị yị ọkọnị aza ẹnẹẹ, dị ọnyị anị ọnịrị ẹyịnyara anị vẹ, dị ẹ jẹẹ ẹhẹ nị. Eyee sì ka eni è pe e kà ịrẹyị.

Iruuku 2:5

Ọnịrị Imeri ọ zị na ka à na chẹrẹ ẹnị nị. Imeri vị oni Ijosẹẹhụ nyị tụ́ oze. Ịjọnọọ, Imeri ee zyẹẹ.