Ịmarakayị 4:6 - IWE ỌNỊNỊ

⁶ Ọ kà ọnị va mẹ ka ada ozi ọnịrị ezi ee zee. Ẹ yị vavọọ zee, dị ọnị wụ̀ aza ene hi ịzọọ, dị ọnị du ẹtẹ ọnọọ.

Ịmarakayị 4:6 Referans Kwoze

Ayịsaya 11:4

Ịzẹyịza kẹnẹ ọnị vaa sị mẹ̀ ọkarẹyị nị. Ọ yị vaa rara ọkarẹyị ọza agụvị ka ộ mẹhị vi onosiye. Ịrẹyị ọnị ọ ka vi inori ana vaa sị ụyaa rị anẹhẹ. Irenu aa sịị tụ́ ụhwẹẹ kú aza edivi, di e sú va ha nị.

Ịdanịyẹrị 9:11

Ọnị ka avaba ẹnị Anisirẹrị ệ raa sị ahụ jịnẹ ọda anị. Ẹnị ệ yị saasa ịrẹyị anị. Agụvị avọọ aa sị ụya rị ẹnị anka a mẹ chẹrẹ ẹ tụ ịnị ọda ọnị ộ sị tụ Imosiisi ana vị ọnụtụ anị hi ẹnị nị.

Ẹtore 19:15

Dị ụhwọ ọnya aanị ana rẹ ẹtẹẹtẹrẹ hụụnị irenu anị vẹ nị. Ọnị ọ vaa sị nyị ehuna anẹhẹ nịnị nị. Okutẹ enyusẹ-enyusẹ ọ vaa sị mẹ ịjọvaa tụra wa nị. Ọ vaa sị ahụụ kwọrọ aza ẹhịmịị há anka a mẹ̀ẹ kwọrọ asẹ ịnị ụkọ avọọ. Ọnọọ vị ana jẹẹ yị ọyịkụ Ohomorihi Ochẹtẹngụ.

Iruuku 1:76

Ẹwụ ozi emi, ọnịsẹ Ohomorihi ana yà ẹbẹẹba keekere a vaa hị́ wụ nị. Ẹwa vaa dọ ọvịdị Ananyị yị, di u we ne tenyi oze tịtẹ zí ọọ nị;

Ayịsaya 65:15

Aza amị ẹnị mị nyị vị ana vaa sị ịrẹha awụ nịnịị chìi hi ọza. Ẹmị Ẹnẹyịmavara Ohomorihi vaa mẹ ka we su nịnị. Ama mị vaa sị ịrẹha ọwọọwaa yị aza anaa saasa ịrẹyị amị.

Ayịsaya 61:2

Ẹnẹyịmavara ọ raà tụ́ mị ka ma kà a aza ana barịwẹ Ka ụmẹ ọnị Ẹnẹyịmavara vaa dọ aza anị ha, o sí tụ́ dị ọ nyị ehuna ịrẹsụ ọnịvị ẹnịnị ọ raà tụ́ mi ka ma sị́ ayị aza anaa zị ẹngụ nẹtẹ.

Ẹtore 22:3

Ẹ yị nyị ịsa oni Ohomorihi si chi hi ene vee re ịzọọ. Aga Ohomorihi ohinọyị ọnịrị Ozi Atẹmẹ ẹ vaa yà ịzọọ nị. Dị ezi ahị anị aa hẹkẹ ẹ.

Ịzakaraya 14:12

Aanị Ẹnẹyịmavara mẹ ka ọnị vaa kụ ụkụ tù avaba anẹkụra ana gẹ ịrẹkụ tu Ijerusarẹmị nị. Ẹnịnị e yi yee su dị ụpẹngụ ẹnịnị ẹẹ vụ, dị eyi ẹnịnị vụ hi wa eyirẹsụ, dị ịrarẹ ẹnịnị vụ hị́ wa irenu.

Ịzakaraya 14:2

Ẹnẹyịmavara vaa kụ́ anẹkụra ana vọ vabẹ, dị ẹ gẹ ịrẹkụ tu Ijerusarẹmị. Dị ẹ rị ẹkụra ọnọọ, dị kụ́ avaba ogu ẹnịnị, dị ẹ sị ụkata-ụkata pe ese ẹnịnị sụ̀. Achẹva aza ene hi Ijerusarẹmị vị ana vaa za ọrịhị na ẹkụra ọsa, dị a navọ ẹnị ana vọ hi ịzọọ.

Ịzakaraya 13:8

Àa ga aza ana ra hi avaba ẹtẹ ọnọọ tụ́ oze ẹẹta, oze ẹẹva ẹnịnị vị ene vee su, di oze ọnya kẹnẹ ya ra.

Ịzakaraya 5:3

Dị anggẹẹrị kà yọ ka ini iwe ọnọnị a chẹrẹ ozirenu ana a tụ́ hi avaba anẹhẹ. Akaha ọnya ịnị iwe ọnọọ a chẹrẹ ẹ ka Ohomorihi vaa wụ̀ ọza tụra ọza ene yi oyi. A rẹ chẹrẹ tụ́ ịnị akaha ọsa ka Ohomorihi vaa wụ̀ ọza tụra ọza ene cheeche dị a hị́ eku tụ́ ọ.

Ayịsaya 43:28

Agụvị avọọ mị mẹ̀ ụhị nyị ohirẹsụ irehi Ohomorihi awụ nịnị nị. Mâ mẹ ka è vu Isirẹrị ẹtẹ, dị aa kụ̀ Anisirẹrị nịnị ụhụ.

Ayịsaya 24:6

Agụvị avọọ Óhomorihi chì hi anẹhẹ nị. Anẹhẹ vaa rị ọgụ ebira odivi ẹnị ẹ yaa mẹ. Aza ene hi ịnị ẹhẹ aa ta, aza chee kẹnẹ ọ kụkụ vọ nị.

Ịmaakị 11:21

Ipita ộ tamayị ịrẹyị ọnọọ, dị ọ ka, “Ọga, re! Ọchị oni u chì hi avọọ, ọ sị wụ ọ!”

Imatiwu 22:7

Ịjị ohinọyị ọnọọ maanị wụ́, ayị ọ sị kụ́ ọọ, dị ọ tụ́ isoja anị nịnị dị ẹ na wụ ọwọza ẹnẹẹ, dị ẹ rị ẹkụra ẹnịnị ịra nị.

Ịzakaraya 11:6

Ẹnẹyịmavara kà ọnị ẹ yị kụkụ vaa vayị ọzọọnyịzọnyọ ịnị ẹhẹ. Ọ kà ọnị ụvọta vaa sị avaba aza chẹrẹ ohinọyị ẹnịnị ụvọ. Ẹnịnị vaa mẹ ẹtẹ ẹsẹvẹsẹvẹ, dị ọnị ọ yị dọ wa ha hụụnị ụvọ aza ana vavọọ vaa mẹ ẹvaya yị wa.

Anihiburu 6:8

Ama àa vị ikeyi ọnịrị avị kẹnẹ-kẹnẹ e nyị hi ịnị anị nị, ẹ́ yị nyị ịsị aa sị ẹtẹ ọnọọ mẹ, Ohomorihi ọ́ọ hyakụ nyayịnẹ chì hi ọọ, dị a vana rị ọ ịra ọdịrẹma.

Ayịsaya 40:3

 nyị ọza ịnya ana vaa yà ịnị ụnọmị ana aa nọ̀ọ ka: “Tenyi oze Ẹnẹyịmavara tịtẹ yọ nịnị! Tenyi oze anị, dị ọ̀ vọrọ ẹtẹẹtẹrẹ!