Ịmarakayị 4:5 - IWE ỌNỊNỊ

⁵ Dị ọ ka, ree nịnị, mị vaa tụ Erija ọnịsẹ tụ ọvịdị ẹkụhị ọnị Ẹnẹyịmavara vaa sị mẹ̀ ọkarẹyị. Ẹkụhị ọnọọ ee vee tu. Aza vee hí angwa ẹtẹẹtẹrẹ.

Ịmarakayị 4:5 Referans Kwoze

Iruuku 1:17

Ụkata Erija ọnịrị ebira anị ọ vaa nyị nị. Ọnị ọ vaa dọ ọvịdị Ananyị yị nị. Ọ vaa mẹ ka ada ọnịrị ezi è ze. Dị ọ rẹ mẹ ka anakamawụ nịnị ẹ̀ varẹma va zị oze ọnịrẹyịzẹyịza. Dị ọ re tenyi aza ẹngụ tịtẹ yị Ananyị yị.”

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Ịjọọnụ 1:21

Dị ẹ yaa yịị họ̀ ọ ka, “Ẹnị ụ va vị? Ẹ wáá vị Erija nị?” Dị Ịjọọnụ re tụ́ ohi ka, “Mẹ yị vị Erija!” Dị aza ẹnẹẹ rẹ họ̀ ọ ka, “Ẹ wáá vị Ọnịsẹ ọnọọ nị?” Dị Ịjọọnụ kà: “Eyiye” nị.

Ijowẹrị 2:31

Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ

Ayịsaya 40:3

 nyị ọza ịnya ana vaa yà ịnị ụnọmị ana aa nọ̀ọ ka: “Tenyi oze Ẹnẹyịmavara tịtẹ yọ nịnị! Tenyi oze anị, dị ọ̀ vọrọ ẹtẹẹtẹrẹ!

Ẹtore 6:17

Ệ kà avọọ, agụvị ka ẹkụhị ọbanyị ana aa sịị kụ́ ayị, o si tù; ẹnẹ va zụụ jẹẹ?

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ịjọọnụ 1:25

Dị ẹnịnị va họ̀ Ịjọọnụ kà: “Wàa ka ẹ yị vị ẹwa vị Ikirisiti, dị ụ wẹ̀ yị rẹ vị Erija, dị ẹ̀ yị rẹ vị ẹwa vị Ọnịsẹ ọnọọ nị, sị ẹ vavẹ dị ụ wa hụ́ aza enyi ẹdọwụ?”

Iruuku 9:30

Re, aza ẹnị ẹẹva, Erija ọnịrị Imosiisi, ee beri Ijeesuu kà ịrẹyị.

Ịzẹhwanaya 1:14

Ẹkụhị ọnị Ẹnẹyịmavara vaa sị ụya rị wa aa gụrị ẹtẹ. Ẹ yị jẹẹ dị eyi anị ọ nị. Ẹkụhị odivi ọnọọ aa vẹ ọnị ọka ịrẹkụ ọnọrụ nịnị vee nowu ịjị ẹtẹ ọ̀ọ ka za wa.