Ịmarakayị 4:3 - IWE ỌNỊNỊ

³ Dị Ẹnẹyịmavara Ochẹtẹẹngụ ka ẹkụhị ọnị ọnị maanị va mẹ, ẹ vaa nyị ẹbẹẹba aza ọhịmị. Ẹ vaa sị mẹẹ anka atịtọ iruvo ahụ ẹnịnị nị.

Ịmarakayị 4:3 Referans Kwoze

Ijoovu 40:12

O re wa dị ọ ka wa chi. O vu aza ọhịmị ẹtẹ aha tụra aha ene ee hi kẹ.

Aniroomi 16:20

Ohomorihi anaā sịị ẹngwọọrọ yị, o yi vee kù dị ọ̀ kà Echu ngụ ẹtẹ, dị waa kụ́ ahụụ hi ọọ nịnị. Ẹyịza ọọhẹ Ananyị yị Ijeesu Ikirisiti ọ̀ yà pe avaba awụ nịnị.

Ịmarakayị 3:17

Ẹnẹyịmavara Ochẹtẹẹngụ ka aza anị ẹ vaa vị nị. Ogu ọtirenyi ẹ vaa vị yị ọnị ịnị ẹkụhị ọnị ọnị vaa sị mẹ̀ ọkarẹyị nị. Ọnị vaa vayị ẹnịnị anka ada mẹẹ̄ vayị ozi anị anaa hẹkẹ ẹ avọọ.

Ịzakaraya 10:5

Anijuda nịnị vaa nyị ehuna anka isoja mẹẹ̄ nyị ẹbẹẹba ọnịvị ịnị oze ana nyị ụvụ avọọ. Ka Ẹnẹyịmavara ya pe wa, ẹ vaa kụ́ ịrẹkụ dị ẹ nyị ẹbẹẹba aza ana aa sị umaata kụ ịrẹkụ nị.

Imika 7:10

Ọnịvị ayị ò re e dị ahịka ụhị ọ kụkụ nyị wa nị. Aza ọnyị vị ene ee họ̀ use ka ịzị ayị ka Ohomorihi ayị ộ yà Ị ka eyee họ̀ use ka ịzị Ẹnẹyịmavara vị ana yà kẹ? Eyi ayị ẹ vaa hyẹdụ dị aa kụ́ ahụụ hi wa zẹtẹ nị Ị ka ẹnịnị vaa hyẹdụ dị ahịka vị ẹ vara eteesu nị.

Imika 5:8

Anisirẹrị ana vọ vị ana a vaa navọ hi ịnị ẹkụra irenyi-irenyi. Ẹnịnị vị ana vaa sị mẹ anka idu ene ee sì ịsọyịrị ngụ ịnị avịị zị avọọ. Mị ka vị ẹ vaa sị mẹ anka idu ana yà ịzị atẹmẹ hi nị. Ọnị ọ̀ọ za, dị ọ na a pẹrẹ-pẹrẹ, ẹ yị nyị ọza ana aā dọ ọ tụ́.

Ayịsaya 26:6

Di onosiye nịnị ana a vịdị aa mẹ ehunaa yị kụkụ aa kụ́ ahụụ hi wa.

Ẹtore 14:20

Dị a kwọrọ ẹtụtụ ẹnẹẹ ị́rẹma ẹkụra nị. Dị anya ee sìi hụụnị ụkọ ọnọọ ẹtẹẹtẹrẹ nị. Óo sì gọdọ gụ ahụ akahịnta (1,600). Ọ́ọ nẹba tù irenu umaata.

Ẹtore 11:15

Anggẹẹrị ọhụhịmba ô hú ọpanyị anị. Dị ọngwẹ ẹbanyị-ẹbanyị aa kà ịrẹyị ẹ́bẹẹba nị, dị ẹ ka, “Ịjọva ẹhẹ ọnọnị, ọ sị vara ịjọva Ohomorihi ọnịrị Óohinọyị anị ọnị ọ nyị ka ọ̀ dọ ọza há. Ọnị ọ vaa vị ohinọyị pooro zịna-zịna nị!”

Ịdanịyẹrị 7:27

Ịjọnọọ, Ohomorihi ene hu keekere vaa sị ụkata ọnịrị ụbanyị ọ yị mẹ ịjọvaa chire aza anịị ụvọ. Ẹnịnị vaa mẹ ịjọva pooro zịna-zịna. Avaba ohinọyị ẹkụra nịnị vee ku ẹtẹẹ kụ́ wa, dị ẹ yaa wụ́ụ chire wa.

Ịdanịyẹrị 7:18

Ama, Ohomorihi ene hu kere-kere vaa sị ụkataa yị aza anị ẹnẹ ẹ vaa sị mẹ ohinọyị pooro zịna-zịna.

Ezikẹẹrị 28:18

Ẹnẹyịmavara kà wâ mẹ̀ ebira odivi ẹnẹmẹhị ịnị ohu ọnị waa sẹẹ zị, wa kụkụ sị ịzị ụ yaā mẹ ahẹkẹ du ha. Avọọ ọnị jị ịra da ẹkụra ọnọọ, dị ọnị rị ọ ịra na ka ẹtẹ nị. Avaba aza ê re ka wa sị su atịtọ va hi ẹtẹ.

Ayịsaya 25:10

Ẹnẹyịmavara vee sere ataba Ịzayọnị. Ama Imowabi vị ọnị ọ vaa kụ́ ahụụ hii za ẹtẹ, dị ọ mẹ̀ ụhị nyị ọ ẹtẹẹtẹrẹ.

Ahẹ Ụgama 91:13

Ụ maanị vaa kụ́ ahụ hi iku irenyi-irenyi ọnịrị ẹwụ edivi irenyi-irenyi, dị waa na haara kẹnẹ.

2 Ịsamụwẹrị 22:43

Ẹma pá ịva yị wa, ẹnịnị ẹ sị vara eteesu. Dị maa kụ́ ahụụ hi wa eteesu avọọ nị.

Oyinyima 3:15

Ohomorihi ka ọnị vaa mẹ ka ẹwụ ọnịrị ọnẹẹ ọnọọ ọ̀ vị ọnịvị ẹngụ. Ọ kà Irima ezi anị ọnịrị irima ezi ẹwụ vị ana vaa vị ọnịvị ẹngụ. Ẹnị vị ana vaa chaka wụ ịrẹsụ, dị ẹwaa dà a ibezyahụ rị.

2 Ịsamụwẹrị 22:39

M mẹ̀ gụ ịsa chire wa za ẹtẹ, ẹnịnị ẹ yị kụkụ zụ kwẹẹtẹ. Ẹnịnị vị ana hyẹdụ hi ẹtẹ ọvịdị amị.

Ahẹ Ụgama 49:14

Ẹnịnị vi ene vee sú kẹnẹ anka atẹmẹ avọọ Di Iswọọza kụ́ wa aa nọ ini ikuta Ọza ana aa mẹ̀ ebira ana vọrọ ọ vaa nyị ẹbẹẹba ẹnịnị Ịjị eyi ọ̀ọ sị nị̄ nị Aza edivi vị ana vaa vụụ hi ini ikuta. Ẹnịnị ẹ yị kụkụ vaa yà anka ụbanyị ẹnị ẹ vịdị nyị tụ́ ini irehi ẹnịnị ana vịdị vavọọ zoza.

Arụwẹ 1:15

Ẹnẹyịmavara ô nyị isoja ayị ana kata hu kere-kere unyi; dị ọ tụ isoja hụrị aha ọsa dị e ve vu ezwọọmụha ayị ẹtẹ nị. Ệ kwọrọ avaba aza ayị và ha anka a mẹẹ kwọrọ asẹ ịnị ụkọ avọọ.

Ahẹ Ụgama 147:6

Aza ana kà ẹngụ ẹnịnị chi vi ẹnị Ẹnẹyịmavara gụ ụvọ, ama aza ana aa mẹ̀ ebira odivi vị ọnị ọ vaa gụụ hyẹdụ.