Ịmarakayị 4:2 - IWE ỌNỊNỊ

² Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Ịmarakayị 4:2 Referans Kwoze

Ijeremaya 33:6

Tizọ-tizọọ, Ẹnẹyịmavara kà ọnị vanaa sị Ijerusarẹmị ọnịrị aza anị ẹngụụ nịya. Ọnị vaa mẹ ka ò zee yị wa eyi ụvọnị-ụvọnị, dị ọnị ee sere wa.

Ahẹ Ụgama 84:11

Ẹnẹyịmavara ana vị Ohomorihi ọ vị ohinọyị ayị nị, ọnị aa dọ yịị tụ́ nị. Ẹnẹyịmavara ọọ̄ vayị ọza dị ộ sị ụbanyị yọ nị. Ịsa ozoza-ozoza Ohomorihii mẹẹ yị aza ẹnẹ ẹ̀ yị mā zị ụsẹ akụvị nị.

Ayịsaya 30:26

Ẹnẹyịmavara ana vịdị tụ̀ aza anị ụnava rẹ vaa mẹ ụnava ẹnịnịị yị wa. Ịhị àa mẹ ụnava ẹnịnịị yị wa aanị, ụhwẹ vị ana vaa zẹtẹ anka ọyị avọọ. Dị ọyị ọnị há hu ọ mẹ̀ vịdịị há ụpẹ ịhịmba. Ọyị ana vaa há ẹkụhị ọnya vị ana vaa sị mẹ anka èe rere kụ́ ọyịha ọnị ọ vịdị há ẹkụhị ịhịmba vabẹ avọọ. Avọọ ọ mẹ̀ vaa yà nị ịhị Ẹnẹyịmavara aa mẹ ụnava ọnị ọ vịdị tụ̀ aza anị, dị aa kụ́ wa ẹngụụ nịya nị.

Iruuku 1:78

Ohomorihi ayịị̄ vayị ọza ẹtẹẹtẹrẹ, agụvị avọọ ọ vaa mẹ ka ẹtohweyi ana sị mẹẹ anka ọyị anaa tụ̀ụ vẹ avọọ ọ̀ và ọpa tụra ayị.

Ịjọọnụ 8:12

Dị Ijeesu rẹ kà a yị aza, dị ọ ka, “Ẹma vị ẹtohweyi yị anẹhẹ nị. Ọza ana àa dụ mị ịrẹma, o vee re ẹtohweyi anaā mẹ ka ọza ọ̀ yàra obooro. Ọza ọnọọ ọ yị kụkụ vaa zị ụsẹ ịrahụ.”

Ayịsaya 53:5

Ama agụvị ịvị ọnị rị a sị tọ ọ ụnava nị, Ê tụ́ ọ agụvị ebira odivi ọnị ị mẹ. Ụya ọnị ọ rị asị sị mẹ yị ụkụ nị. Upono ene e tụ́ ọ, ọ mẹ ka ẹngụ ayị ọ̀ nịya nị.

Ịmarakayị 3:16

Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị.

Ẹtore 22:16

Ọ kà, Ọnị Ijeesu ọ tụ́ anggẹẹrị anị ka ọ̀ kà ịsa ẹnẹnịị wụ nịnị ịnị ịragụ Ohomorihi nị. Ọnị ọ chị hụụnị ovwoovu Idevidi vẹ nị. Ọnị ọ vị ụzọmị ana aa zẹtẹ ẹnẹnẹ nị.

Ịjọọnụ 1:4

Ịrẹyị ọnọọ ọ mẹ ka ịsavị-ịsavị ẹ̀ yàra nị. Ọyịyàra ọnọọ aa sị ẹtohweyi zụ̀ aza nị.

2 Ịsamụwẹrị 23:4

Irima ẹngụ aza ẹnẹẹ, vị ana sị mẹẹ ẹtohweyi ẹnịnị. Ẹnịnị vị ana sị mẹẹ ọ́yị ana yaa tụ̀ụ vẹ. Ọyị ẹnẹnẹ ẹnẹ ẹ̀ yị nyị eguhi ana dà kú ọ. Aa zẹtẹ ini orihi ana yaā zụ̀ hi avị eteesu.

Ẹtore 22:2

Enyi ọnọọ vị ene ee sìi vàa tụra ụpatẹsị ịzọọ. Â nyị ọchị ana aa mẹ ka ọza ọ̀ yàra ana jẹẹ akaha irehu ọnọnị eyi ẹnyị, eyi ọsa. Ụpẹ ẹwụrẹva ộ tụ́ ẹtụtụ ịnị ịrayị nị. Ọnị ọ vị ka ụpẹ ọnya-ọnya ộ tụ́ ụhụụhwẹ nị. Avị anị vị ana a sịị mẹ anẹhẹ nịnị ụkụ.

2Ipita 1:19

Agụvị ịsa ẹnẹẹ, yâ yẹ hu avọọ ka ịrẹyị ọnịsẹ nịnị vị ịzẹyịza. Wàa sị ụtọ pe ịrẹyị ẹnịnị o vee zoza; agụvị ka vị ịrẹyị ọnọọ sị mẹẹ ozotupa ana aa za ịnị ịrahụ avọọ nị, pooro dị eyi ọ va nị. Ịhị ọnọọ, ụzọmị ẹnẹnẹ (ana vị Ikirisiti) vaa zẹtẹ ịnị ayị awụ nịnị.

Iruutu 2:12

Ẹnẹyịmavara ò si wu ụta ịsị ọnị wụ mẹ. Ẹnẹyịmavara Ohomorihi Anisirẹrị ọnị wụ vẹ va vaka vee si wụ ụta gụ.”

Ẹtore 2:28

Ọnị rẹ vaa sị ụzọmị ẹnẹnẹ anaā zẹtẹẹ yị wa.

Ahẹ Ụgama 147:3

Aza ana ayị anị kú du vi oni o vee hunẹnẹ ayị, di o si isuuru yị wa.

Ahẹ Ụgama 103:3

Ọnị ọ và hụụnị avaba ebira odivi ọnị mị mẹ yị mị, dị ọ mẹ avaba ịhị ana za mị nị.

Imatiwu 11:5

Ogweyi nịnị ee re ẹtẹ, oswahụ nịnị aa zị ụsẹ, aa mẹ ọnịkụ ọbanyị nịnị ụkụ. Ogutọ nịnị raa wụ́ ịrẹyị, aa ha oku nịnị kwẹẹtẹ hụụnị isu. Dị a raa kà enube ọyịza yị onosiye nịnị nị.

Ayịsaya 35:6

Oswahụ nịnị vaa kwẹẹtẹ di e yee ji iriga anka ẹdọ avọọ, di ogurenu nịnị ee nowu ẹ màa jẹ ịrajẹ. Orosi nini vaa ha irenu ịnị ụnọmị ọpaapara di enyi ee si.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Odeyi 13:47

Ọda oni Ohomorihi mẹ yị yị. Ọ kà: “Ma sị wụ nyị ka wa vị ẹtohweyi yị anẹkụra ẹnẹ ẹ̀ yị vị Aniju; dị ụ wa na zụ avaba anẹhẹ oze ana zụ zị dọ wa ha.”

Ịjọọnụ 9:4

 nyị ka ya mẹ̀ ụkọrọ Ọza ana tụ́ mị vẹ ẹhẹ dị ọyị ọ̀ va ta. Ọyị vaa ta, ịjọnọọ ọza ọ yị kụkụ va zụụ mẹ̀ ụkọrọ.

Ihoseya 6:3

Dị ẹnị ẹ yẹ ẹ, dị ẹnị ẹ yẹ huu avọọ. Ẹnẹyịmavara vee tu ẹnị ohi dị ẹtẹ o vee hozi. Ọ vaa vẹ anka orihi ịpaapa ị̀rẹ̀sụ̀ avọọ nị.

Ihoseya 6:1

Anisirẹrị nịnị ệ hị́ ẹngụ ka ẹnị aa varẹma ka Ẹnẹyịmavara na. Ệ kà ọnị ana gara ẹnị ha chẹkẹ-chẹkẹ ọ rẹ zụ mẹ̀ ẹnị ụkụ nị. Ọnị ana tọ̀ ẹnị ụnava, ọ rẹ zụ sị ịsa sụ yị ẹnị nị.

Ezikẹẹrị 47:12

Ọchị irenyi-irenyi vee hi ụtụụtọ okuha ọnọọ eyi ẹnyị eyi ọsa ana aza vaa rị ẹtụtụ anị. Avị ẹnịnị ẹ́ yị vaa wọ̀rọ̀; ẹnịnị vị ana vaa tụ́ ẹtụtụ pooro kẹnẹ. Ụhụụhwẹ vị ọnị ẹnịnị vaa tụ́ ẹtụtụ ọwọọwa agụvị ka enyi enee sii hụụnị irehi Ohomorihi eyee hu nị. Ẹtụtụ ọchị ẹnẹẹ vị ana a vaa rị, dị aà sị avị ẹnịnịị mẹ aza ụkụ.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ayịsaya 9:2

Aza ene hi ịnị ịrahụ e reè ẹtohweyi ọbanyị ọnya. Ẹtẹ ene vịdị hozi kara wa ama ẹ sị ẹtohweyi re.

Ụhịrẹyị 4:18

Ọnịrẹyịzẹyịza ọọ̄ ma hụrẹ ayịnẹ. Ẹhẹ anị ọ mā nyị ọjịrẹka.

Ahẹ Ụgama 85:9

Mâ yẹ kaakara ka Ohomorihi vaa dọ aza ene hí angwa anịị tụ́, dị ẹ̀ yẹ ịnị ẹtẹ ayị ka Ohomorihi yà pè ẹnị.

Ahẹ Ụgama 67:1

Ohomorihi ọ̀ navọ ọ̀ vayị ayị, dị ọ̀ mẹ ka ò zee yi. Mị ka ọ̀ navọ kwogwo ọ̀ mẹ ka ò zee yi.

Ẹtore 11:18

Ayị anẹkụra nịnị aa dà ọva, ọyịkụ awụ ộ vẹ. O si tù ka à mẹ̀ ọkarẹyị yị oku nịnị, dị ụ wa sị ọgụ yị ezi ahụ awụ ọnịsẹ nịnị ọnịrị aza awụ beri aza ana nyị angwahi awụ, ẹ̀ẹ vị ozweyi, ẹ̀ẹ vị ọzọkụ. Ama aza ene vịdị ee du ẹhẹẹ ha, di u vu wa ẹtẹ.

1 Ịjọọnụ 2:8

Ama áa nyị ịsa ọwọọwa ọnị maa chẹrẹ ẹ tụ́ụ hi wu nịnị ana yà ịnị ọda ọnọọ. Ijeesu ọnị ụvọta ộ sị zụ ka ịzẹyịza ọwọọwa yọ, ọnịrị ẹwụ nịnị bẹẹ; agụvị ka ịrahụ aa tá, ẹtohweyi obooro o si nyima aa vẹ.

2Ipita 3:18

Waa vịra nịnị ini oze Ijeesu Ikirisiti Ananyị yị ọnịrị Ọdọzaha ayị, agụvị dị ọ̀ọ mẹ ọyịzaa yị wụ nịnị hu avọọ, dị ụ wa rẹẹ yẹẹ hu avọọ nịnị! Ụbanyị ọ̀ vị áanị booro aanị ọnịrị pooro zịna-zịna, Aamị.

2 Anịtẹsaronika 1:3

Ẹwụ nịnị ẹyịnyara amị, áa nyị ka yaa kụ́ Ohomorihi avọ pooro agụvị awụ nịnị. Iruvo ọ vị ka waa yị sị ayị tụra Ikirisiti hu avọọ nịnị ẹtẹẹtẹrẹ, dị ụ rẹ nyayịnẹ ee sì ịrẹyị ẹngụụ hu avọọ ẹtẹẹtẹrẹ nị.

Ịjọọnụ 1:14

Ịrẹyị ọnọọ ộ vara ọzarẹyịrẹsụ, dị ọ ra ịnị akakana ayị yị ụmẹ chee nị. Yê re igirima anị ana vị igirima ana vọrọ tụra ọza ana vị ozi ikonya Ada anị kẹnẹ. Ộ nyị ayamva ẹnẹmẹhị, dị ọ rẹ vị ọnịzẹyịza nị.

Ịjọọnụ 1:8

Ẹ yị vị Ịjọọnụ ọ vị Etohweyi ọnọọ, ama vị a tụ́ ọ ka ọ̀ dọ ivenu ịrẹyị Etohweyi ọnọọ yị aza nị.

Iruuku 2:32

Ọnị ọ va ẹtohweyi ana vaa sị oze zụ̀ Anigiriki nị, dị ọ raa sị ụbanyịị yị Anisirẹrị ana vị aza awụ.”

Iruuku 1:50

Ọọ̄ vayị aza ana nyị angwahi anị pooro nị.

Imatiwu 23:37

“Ijerusarẹmị! Ijerusarẹmị! Ẹwụ nịnị aa wụ ọnịsẹ nịnị, di u ree ne aza oni Ohomorihi tụ́ hi wu nịnịị ịrẹta nị. Wáá yẹ ụ́pẹ ịrịka yà oni mi sì ka ma sị avaka amị za wụ nịnị kú, anka ụ́ụhwẹ mẹ̀ẹ̄ sị avakaa za ezi anịị kú avọọ, ama dị ụ wẹ yị zẹẹ nịnị.

Ijeremaya 17:14

Ijeremaya ka, Ẹnẹyịmavara ọ̀ mẹ̀ ọnị ụkụ, ka ẹngụ anị vaa nịya saka-saka. Ọ̀ ka Ẹnẹyịmavara ọ̀ dọ ọnị tụ, dị asị á nyị ịsị ẹ mẹ̀ ọnị vụrụ-vụrụ. Ẹnẹyịmavara, ẹwụ ọnị aa sị ụgaa yị nị.

Ayịsaya 49:6

Ộ ka, ẹ yị hụ ka ma vị ozi ahụ kẹnẹ. A nyị ka ma kụ ezi Ijekọvụ ana vị Isirẹrị ana ha nọ udi ụbanyị ẹnịnị. Ẹnẹyịmavara kà ọnị ọ raà nyị ọ ka ọ vị ẹtohweyi yị avaba anẹhẹ agụvị ọ sị ẹdọha yị ọza ọnyọọnya.

Odeyi 13:26

Ẹwụ nịnị anda ayị, ẹwụ nịnị ezi Abụrahamị, ọnịrị ẹwụ nịnị aza ana vọ ene hí angwa Ohomorihi, ẹyị a sị ịrẹyị ẹdọha ọnọnị tụ́ hi nị.

Ịjọọnụ 12:40

“Ohomorihi ọ sị wa gu eyi, ọ rẹ raà mẹ ka ayị ẹnịnị ọ̀ katẹngụ, agụvị asị eyi ẹnịnị re ẹtẹ, dị asị ẹnịnị zụ hụra yẹ ịrẹyị, dị asị ẹ rẹ và ká a vẹ, dị ọ̀ va mẹ wa ụkụ.”

Ahẹ Ụgama 61:5

Ohomorihi wâ wụ́ ịsị mị ka mị vaa mẹẹ wụ Aza ana àa sị ụbanyị wụ â nyị ịsị u sịị̄ yị wa wa raà sị ịsa ọnọọ mị.

Ijeremaya 30:17

Ẹnẹyịmavara kà ọnịvị awụ nịnị ẹẹ daka kà a ka asị Anịzayọnị du tụ ẹhẹ, ẹ́ yị nyị ọza ọnị ịrẹyị anị kụkụ jị areyi, ọnị vanaa mẹ ka ẹngụ awụ nịnị ọ̀ nịya. Ọnị vaa mẹ ka ụnava awụ nịnị ọ̀ vị.