Biblia Todo Logo
Bib sou entènèt

- Piblisite -




Ịmarakayị 4:1 - IWE ỌNỊNỊ

1 Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Gade chapit la Kopi




Ịmarakayị 4:1
37 Referans Kwoze  

Dị ọ sị ịra giri-giri vẹ, di o ve si atọ yị aza ẹnẹ ẹ̀ yị yẹ Ohomorihi, dị ẹ̀ yị rẹ dọ enube ọyịza Ijeesu Ananyị yị wụ́.


Ẹbẹẹba ọnịrị ẹhẹ ana yà booro aanị, ịrẹyị Ohomorihi ó re si tenyi ọ tịtẹ ka ọnị ọ̀ va sị ịra vú ọ ẹtẹ nị. Ô tenyi ọ tịtẹ ne tù ẹkụhị ọnị ọ vaa mẹ̀ ọkarẹyị yị aza edivi, di ò vú wa ẹtẹ.


Ẹnẹ vaa zụ jẹẹ ịhị ọ̀ọ vẹ? Ẹnẹ vaa zụ jẹẹ ịhị ọ̀ọ sị ẹngụ zụ? Ọ́ vaa sị mẹẹ anka ọza ana sị ịra rị igooru ka ozoza avọọ nị. Ọ́ rẹ va sị mẹ anka ọza ana sị ụkwọ ana rẹ nyịna ịsa agụvị ọ nị avọọ nị.


Re, ẹnịnị vị ana sị mẹ ẹpọmọ avọọ, ịra o vee vu wa ẹtẹ nị. Ịra ọnọọ va ngụraa yị wa ẹnẹmẹhị, ẹnịnị ẹ yị va zụụ dọ ẹngụ ẹnịnị ha. Ẹ yị vị akịna ana aa wà ọsọnị vị, ẹ yị vị ịra ana aā yaatụụ pe ọ vị.


Wâ yẹ ịra mẹ̀ẹ rị avị ana sị wụ ịra, dị ẹpa anị ọnịrị ododo anị vụ̀ va ha. Avọọ gẹdẹ-gẹdẹ a mẹ̀ vaa mẹ aza ẹnẹẹ nị, agụvị ka ẹ ka ẹnị ẹ yị dọ ọda Ẹnẹyịmavara Ochẹtẹẹngụ. Ẹ raà sị eyi ịyẹyẹ re ịrẹyị Ohomorihi Anisirẹrị.


Ezi Ijekọvụ ọnịrị ezi Ijosẹẹhụ vaa sịị mẹẹ anka ịra ana vaa rị ezi Iisọ anka ịra mẹẹ̄ rị ugugu ọchị akụ ịnị aarẹ avọọ nị. Ẹnẹyịmavara kà ẹ yị nyị ezi Iisọ ana vaa ha vụrụ-vụrụ.


Ye re kà a ọza ana aa sị ẹngụ anị tụ ẹba vị ọnị ọ rọ ẹngụ Aza ọhịmị vị ọnị o zee yi. Ẹ yaa sị ebira odivi zama Ẹnẹyịmavara re, dị ẹ sị rị.


Ịhị Ẹnẹyịmavara aa kụ ayị hi wa, avaba ẹkẹhị ọnị ẹ nyị ọ yị vaa dọ wa ha hụrẹ ẹ ụvọ. Ẹnẹyịmavara vị ana vaa sị ọyịkụ-ọyịkụ vu avaba aza ene hi ẹhẹ ẹtẹ. Dị ọ da ẹhẹ ẹnịnị ẹjịjị ịnị asigiri.


Ẹ̀pa ẹnịnị ọnịrị avọ́ vị ana vaa wụ̀.


“Ịhị wèe re nịnị ka isoja tatarata ẹ sị kara Ijerusarẹmị okiri-okiri, yẹ nịnị ka vi ee vee vú ọọ ẹtẹ avọọ nị.


Ẹkụhị aa vẹ ọnị ọnịvị vaa kụ́ ezii pe ugene ana kara wụ, dị ẹ rẹ kara wụ okiri-okiri ka asị u re oze zị.


Ọ vaa tụ́ azịzẹ ahịị hụụnị akụ obooro, dị a si a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịhị ụhwọ; ama dị ọ kụ azịzẹ hi ịnị ịra ene è yi mē mi pooro”.


Dị ọ ka, ree nịnị, mị vaa tụ Erija ọnịsẹ tụ ọvịdị ẹkụhị ọnị Ẹnẹyịmavara vaa sị mẹ̀ ọkarẹyị. Ẹkụhị ọnọọ ee vee tu. Aza vee hí angwa ẹtẹẹtẹrẹ.


Ịjọnọọ aza re ve re irenyi ana ya ịnị akakana ọnịzẹyịza ọnịrị aza edivi, aza ana aa hẹkẹ ẹ ọnịrị aza ẹnẹ yị ẹẹ hẹkẹ ẹ nị.


Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ. Ịhị ọnọọ dị anẹkụra ọsa vaa kụ́ ogu Ijerusarẹmị, dị ẹ ga hi ẹngụ ụvọ eyi ẹnịnị.


Ẹkụhị ọnị Ẹnẹyịmavara vaa sị ụya rị wa aa gụrị ẹtẹ. Ẹ yị jẹẹ dị eyi anị ọ nị. Ẹkụhị odivi ọnọọ aa vẹ ọnị ọka ịrẹkụ ọnọrụ nịnị vee nowu ịjị ẹtẹ ọ̀ọ ka za wa.


Ọnịvị Ẹnẹyịmavara sị mẹẹ anka aza ọnị eche hu ẹtẹ tịtẹ avọọ. Ị vaa rị ịra anka igegenechi ọnịrị avị ọyịwụ̀ mẹẹ rị ịra avọọ.


Ẹnẹyịmavara kà e hú ọpanyị, di e na owu tụ ẹhẹ ịrẹsụ Ịzayọnị ana vị ataba anị, dị avaba aza ene hi Ijuda e hí angwa! Ẹkụhị ọnị Ẹnẹyịmavara vaa sị mẹ̀ ọkarẹyị aa gụrị ẹtẹ.


Wâ sị ụkata ọbanyị awụ hú ọnịvị awụ ẹtẹ Ịjị ụ kụ́ ayị ana ngụra dị ọnịvị awụ rịra va ha anka avị avọọ nị.


Dị ọyị vene hozi, dị ụhwẹ ee vi anka anya tụ́ ẹbẹẹba. Ịvọpa ẹnẹnị aa sị zụ̀ ka ẹkụhị ọbanyị ọnị Ẹnẹyịmavara vee si du ayị hi aza anị aa gụrị ẹtẹ


Ẹnẹyịmavara kà eyi Anisirẹrị nịnị ọnị wụ̀ Anamọnị ha nị. Aza ẹnẹẹ vị ana hụ anka ụchẹba, dị ẹ nyị ụkata anka ọbanjere. Ẹ yị nyị ọza ana vọ ẹtẹ ịnị ẹnịnị vụrụ-vụrụ.


Ọ kà, ẹwụ nịnị Anisirẹrị ẹkụhị ọnị ụ vaa sị rị ụya nịnị aa vẹ. Ebira jugu-jugu vị ọnị ọzọza kụkụ aa mẹ o me zee e eyi. Ọzọza vị ana kụkụ à sị ẹngụ tụ ẹba ọ mẹ zụ mẹ zụ.


Ẹnẹ sị ohinọyị hụrẹ eyi ịzị ọyịị̄ hụrẹ vẹ? Ẹnẹ sị ụkata yọ anaa sịị nyị ehuna aha tụra aha ọnị ọọ nọ? Ẹnẹ hụrẹ ẹkụra nịnị ọnịrị Ohinọyị ẹnịnị chire e ụvọ? Ộ sị ụhwọ anị wù wa va ha anka ọza o rere banyị edudu ha avọọ. Ọpa anị vị ana gara wa ha anka ahị mẹẹ̄ kụ azịzẹ avọọ.


Ẹnịnị sị mẹ anka avị ohwoohu avọọ nị, ịịjịjọọ dị ẹ chị ama ẹpa ẹnịnị ẹ yị ngụ ẹtẹ. Ẹnẹyịmavara ọ̀ọ tụ ahị ku wa, dị ẹ wụ̀, dị ahị kụ wa anka azịzẹ avọọ.


Avaba aza ana aa mẹ̀ ebira odivi vị ana yà anka ụsẹmụsẹ ini itutu avọọ éyi awụ. Emee sì ịrẹyị ọda ọnị ụ mẹ.


Waa jẹ nịnị, ịhị àa vavọọ mẹ wụ nịnị; di u we ji iriga, ụ wàa màa jẹ nịnị, agụvị ka Ohomorihi ọ raà sị ọgụ ọbanyị tẹ wụ nịnị tụ́ ẹbẹẹba. Avọọ gẹdẹ-gẹdẹ óhiku ẹnịnị mẹ̀ rẹ mẹ hi ọnịsẹ nịnị ịyẹẹyẹ nị.


Ebira edivi aza ẹnẹẹ vị ana aa za anka ọrịra mẹ̀ẹ rị avaba avị ịra avọọ. Areyi vị ana maanị aa dà dụụmẹ aanị.


Ẹnẹyịmavara Ochẹtẹẹngụ vị ana nyayịnẹ aa kụ́ ayịị hi aza ẹnẹẹ. Ọyịkụ vaa ngụraa za aza ẹnẹẹ, dị ẹ yaa rị ịra anka ọkụ avọọ, ọzọza ọnịrị ọhụva anị vị ana vaa và eyii kà ẹngụ.


Avaba aza anaā kụ̀ụ hịrẹ ọnị, dị ẹẹ̄ mẹ̀ ebira odivi-odivi vị ọnị ọnị vaa tọ̀ọ kwooze, ọnị vaa kụ waa hụrị ẹtẹ ẹnẹ ẹ́ ra booro aanị, ama ọnị ẹ́ yị vaa zẹẹ ka ẹnịnị ẹ̀ vavẹ ẹtẹ Isirẹrị. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.


Ọnịvị awụ nịnị vaa jị wụ nịnị hi ẹtẹ ịnị ẹkụra awụ nịnị, dị a rị wụ nịnị ịra ọza ẹ́ yị ma vana tamayị awụ nịnị. Avọọ Ẹnẹyịmavara mẹ kà nị.


Booro aanị, ọ ka, à varẹma sị ụnọkọ enyusẹ ọnọọ osusu hí akịna. Navọ dị oo ví ọ́ọọ mẹ ngụra, dị avaba ịdọtị ene kurẹ zaa ẹ̀ hụ̀ và ha.


Ẹnẹyịmavara kà àa vị ẹwụ nịnị ịsụpa anị yọ, ọnị vaa mẹ̀ ọkarẹyị ịrẹyị ọzịnya-ọzịnyara awụ nịnị. Ọnị vaa ha atẹmẹ ọyịza ọnịrị edivii hi, dị ọnị rẹ ha ịdẹba ọnịrị ịdẹ nịnị hi.


Ọ vaa vẹ vaa mẹ̀ ọkarẹyị yị wa anka ọza ana a sị ịra rị enyusẹ isiriva a vị igooru agụvị o hụrẹ eyi. Avọọ ọnụtụ Ẹnẹyịmavara mẹ va mẹ Anireevi nịnị agụvị ẹẹ sị ịsa ịsọvọ ana vọrọ vaa yọ nị.


Aza ana sị ayị tụra Ẹnẹyịmavara vị ẹnị ẹ vaa nyị ẹtẹ ọnọọ nị ama aza edivi vị ọnị ọ vaa dụụ hụụ ịzọọ.


Swiv nou:

Piblisite


Piblisite