Ịmarakayị 3:8 - IWE ỌNỊNỊ

⁸ Ẹnẹyịmavara ộ họ̀ use ka, a vọrọ ka ọza ọ́ọ́ mẹ Ohomorihi rị? Eeyiye de! Ama ẹnịnị aa mẹ̀ ọnị rị, dị ẹ ka ẹnịnị mẹmẹ aa mẹ̀ ẹ rị kẹ? Dị ọ ka ẹnịnị aa mẹ̀ ọnị rị ịnị oze ịrẹyị agẹẹwụ ọnịrị ịsa ẹnẹ ẹ yaa sị va yị ọnị.

Ịmarakayị 3:8 Referans Kwoze

Imatiwu 22:21

Dị ẹnịnị kà a yọ ka óohinọyị Aniroomi yọ nị. Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi yị Ohomorihi nịnị!”

Ịmaakị 12:17

Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi, yị ohinọyị ọnọọ nịnị; dị ụ wa rẹ sị ịsa ana àa vị ịsa Ohomorihi, yị Ohomorihi nịnị!” Ịrẹyị Ijeesu o si hí wa irenu.

Ahẹ Ụgama 29:2

Mị ka waā kà ịrẹkụkụ ụbanyị ọnị ọ nyị nịnị, dị waā tanaa tụra ẹtẹẹ kụ́ ọ, Wa vavọọ kụ́ ọ ka ọnị ọ nyị ụbanyị obooro nị.

Aniroomi 2:22

Ụ ka asị ọza rẹ̀ sẹ̀ ịrẹka, áá vọrọ ka ẹwụ áá sẹ̀ ịrẹka? Ụụ̄ nyị ịhyẹrẹ ori, ama dị waa kụ́ ẹnyaa hụụnị eehi ẹnịnị.

Aniroomi 13:7

Ụta ọnị wàa rị wa, u sí ọọ nịnị! Tụ́ ẹkẹhị irehi irenyi-irenyi ẹnịnị yị wa nịnị; dụ wa rẹ nyị ịrẹsụ ọkahi, dụ wa sị ụbanyị yị ọzọza, anka ọ mẹ̀ vọrọ!

Iruuku 20:25

Dị Ijeesu kà a yị wa ka, “Ẹ̀hẹẹ, sị ịsa ana àa vị óohinọyị Aniroomi yọ! Dị ụ wa rẹ sị ịsa ana àa vị ịsa Ohomorihi, yị Ohomorihi nịnị!”

Ịmarakayị 1:13

Dị Ẹnẹyịmavara ana vị Ochẹtẹẹngụ kà, aza ẹnẹẹ ka ịsọvọ anị o ku du eni eyi, dị ẹyaa jị ọ agụ nị, dị ẹyaa sị ịsụpa ẹnẹ sị ụkata-ụkata dọ ọza ọnịrị ịsụpa ene che ahụ beri ịsụpa ọnị ẹngụ aa zị va mẹ̀ ịsọvọ yị ọnị nị. Éé ro ka ọnị va dọ ẹngụ ịsọvọ ẹnịnị ọnọọ nị?

Ijosuwa 7:11

Dị ọ ka Anisirẹrị ẹ sị ịvị mẹ. Ẹnịnị ẹ ra va jịnẹ ọda ọnị ọnị mẹ yị wa. Ẹnịnị ẹ ra sị ịsa enyisi na tụ́ ịnị eehi ẹnịnị. Ẹnịnị ê yi oyi dị ê cheeche vakaa nị.

Ịmarakayị 1:8

Ẹ̀ẹ vị avọọ, áá vọrọ ka ẹẹ sị ịsụpa ene gu eyi ọnịrị ene che ahụ beri ẹnị ụkụ za va mẹ̀ ịsọvọ yị ọnị? Ẹ́ẹ́ zụ sị ẹngụ ịsa ẹnẹẹ na yị Ịgọvọnọ ẹnịnị? Ẹnẹyịmavara Ochẹtẹẹngụ kà, ẹnịnị éé ro ka ayị Ịgọvọnọ ẹnịnị ọnọọ vee hine tụ ẹnị?

Ịzakaraya 5:3

Dị anggẹẹrị kà yọ ka ini iwe ọnọnị a chẹrẹ ozirenu ana a tụ́ hi avaba anẹhẹ. Akaha ọnya ịnị iwe ọnọọ a chẹrẹ ẹ ka Ohomorihi vaa wụ̀ ọza tụra ọza ene yi oyi. A rẹ chẹrẹ tụ́ ịnị akaha ọsa ka Ohomorihi vaa wụ̀ ọza tụra ọza ene cheeche dị a hị́ eku tụ́ ọ.

Ireevi 19:25

Ama ịnị ịrayị ọhụhị anị, ẹnịnị ẹ́ zụ aa rị ẹtụtụ ọchị ẹnẹẹ, ọ ka ẹnịnị ẹ̀ẹ maanị mẹ avaba ẹsẹnị, ọchị ẹnịnị vaa tụ́ ẹtụtụụ yị wa hu avọọ. Ọnị ọ vị Ẹnẹyịmavara, Ohomorihi ẹnịnị nị.

Ụhịrẹyị 11:24

Ọza anaā mẹ̀ ẹyịza vị ọnị ụvọ anị hi kà a wa ama eneyiche vị ọnị ụvọ anị vaa wụ̀.

Ayịsaya 43:23

Wẹ yị kụ atẹmẹ ẹnịrị ẹvụ awụ nịnị va mẹ̀ ịsọvọ ana aā rị ịra yị mị nịnị. Wẹ yị mẹ̀ ịsọvọ ka wa sị ụbanyị yị mị nịnị. Mẹ yị kụ́ kata wụ nịnị ẹngụ ka wa va mẹ̀ ịsọvọ yị mị nịnị. Mẹ yị kụ́ kata wụ nịnị ẹngụ ka wa sị eturare vẹ nịnị.