Ịmarakayị 3:5 - IWE ỌNỊNỊ

⁵ Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Ịmarakayị 3:5 Referans Kwoze

Anihiburu 13:4

Ọzọza ọ̀ sị ụbanyị yị oze ana a zịị nyị ọnẹẹ, àa vị ọnọrụ! Ẹvarose è re ka ẹnị ẹ́ẹ nyị ịzẹyịza hi ẹngụ! Aza ana aa mẹ̀ ebira kẹnẹ-kẹnẹ ọnịrị ọsẹrẹka nịnị, Ohomorihi vaa mẹ̀ ọkarẹyị yị wa.

Iwe Ọhụhị Imosiisi ana aa hị́ Ọyịvatụrọda 5:11

Ẹnịnị ẹ̀ yị nyayịnẹ sị ịrẹha Ẹnẹyịmavara ana vị Ohomorihi ẹnịnị hị́ eku ireche, Ẹnẹyịmavara kà a yẹ ka ọza ọnọọ ọọ rị.

Ijemiisi 5:4

Aza ọnị ụ dọ ụkọrọ hi ịnị aarẹ, we yi si wa ụta, ẹnịnị ee nowu. Yẹ nịnị ka Ohomorihi Ochẹtẹngụ, aa wụ́, aza ana aa kụ́ ịsa ịnị aarẹ awụụ gụ, mee nowu.

Ịmarakayị 2:14

Ama dị ẹ ya họ̀ use ka sị ẹ vẹ nị? Dị ọ ka agụvị ka Ohomorihi ọ vị onivenu amẹrị ọnị ẹ yaa mẹ̀ hi ese ẹnịnị ẹnị ẹ nyị hụụnị ozweyi ẹnịnị. Anẹẹ ẹnẹẹ ẹ vị ọnọhụva ẹnịnị ini eku ọnị ẹ hị́ yi ẹngụ nị. Ama ẹnịnị ẹ yi mẹ̀ ịzẹyịza ka ese ẹnịnị na.

Iwe Ọhụhị Imosiisi ana aa hị́ Ọyịvatụrọda 27:19

O yi vee ze yị ọza tụra ọza ẹnẹ ẹ yị zẹ ka ọnị ọ sị ịsị vọrọ tụra azọga, ezi-oku ọnịrị esoku yị wa. Dị avaba aza ọ̀ ha aamị!

Ẹtore 22:15

Eyi ẹhẹ ẹ́ngụ aza ẹnẹnị vee hi nị: aza edivi nịnị ọnịrị ẹnẹbẹ nịnị beri ọsẹrẹka nịnị ọnịrị ọwọza nịnị ne beri aza ana aa hẹkẹ ori, ọnịrị aza ene sì ịrẹyị ireche, di e re yee cheeche.

Ẹtore 21:8

Ama anangwahi ọnịrị aza ẹnẹ ẹ̀yị vị ọdọwụ, beri aza ana aā mẹ̀ ịsa enyisi, ọnịrị ọwọza nịnị beri ọsẹrẹka nịnị beri ẹnẹbẹ ọnịrị aza anaā hẹkẹ ori, ọnịrị avaba onireche nịnị vaa nyị aha ẹnịnị ini adagu ịra anaa sị ohuru tụ́; ọnọọ ọ vị isu ụpẹ ọhụva nị.”

Ireevi 20:27

Ọnọrụ ọnyọọnyị à vị ọnyẹnẹẹ ana àaa na họ̀ usirẹyị hụụnị ụvọ ụhwẹ aza ene sú, vị ana vaa sị ịrẹta-ịrẹta wụ. Ọza ana àa mẹ ẹngụ ịsa ọnọnị o sì ẹngụ anị isu nị. À sị a nyị ọza ana tụ ohuvọ.

Ireevi 20:6

Ọza àa nọ ịdị aza ana aā họ̀ ụhwẹ aza ene sú usirẹyị, dị ahịka ẹnị ẹ kụkụ aa sị ajuwee yị ọ nị, ọnị Ẹnẹyịmavara vaa và eyirazịị ka ọza ọnọọ, dị ọnị ẹ́ yị kụkụ za a ịrịka beri aza anị.

Ireevi 19:13

Ọ kà à sị ẹ mẹ ẹvaya yị ọnọhụva ẹnịnị à vị ka ẹ̀ mẹ akoo yị ọ. Ọza ọnị ẹ̀ẹ dọ ka ọ̀ mẹ̀ ụkọrọ yị ẹnị, à sị ẹ́ za a ku tu eyinẹhẹ anị dị è si ọ ụta.

Ịmarakayị 2:17

Ẹnẹyịmavara kà, ịsị ẹnịnị aa ka ô du ọnị eyi. Ama dị ẹyaa họ̀ ọ use ka, sị ẹnị ka ene du ọ eyi? Dị ọ ka ẹnịnị aa kà a ka, Ẹnẹyịmavara o sì ịrẹyị aza ana mẹ̀ ebira odivi, Dị ẹnịnị re họ̀ o use ka, ịzị Ohomorihi anaā mẹ̀ ọkarẹyị ya?

Ijeremaya 29:23

Ẹnẹyịmavara kà, aanị ọ́ mẹ vaa yàa yị wa nị, agụvị ka ẹnịnị ẹẹ rị ịvị ebira odivi irenyi-irenyi ẹnẹ ẹ́ mẹ. Ẹnịnị ệ sị ose ọnọhụva ẹnịnị dị e re yee cheeche ka ọnị Ẹnẹyịmavara ọ tụ ẹnị ụtụ nị. Ẹnẹyịmavara é yi sì ẹngụ ịrẹyị ọnọnị. Ộ yẹ́ ịsị ẹnịnị mẹ, dị ọ́ rẹ vị onivenu tụ ọ nị.

Ụhịrẹyị 16:6

Ọza eneē hí angwa Ẹnẹyịmavara vi ene zwe yi ebira odivi. Ohomorihi vaa vagu ebira odivi ẹngụ ọza ọnọọ agụvị ka o sì ịrẹyị anị, dị ọ wụ́ chire e nị.

Ụhịrẹyị 8:13

Ọza ana sị ụbanyị yị Ẹnẹyịmavara ẹẹ̄ nyị ịhyẹrẹ ịsa edivi nị. Ẹngụ ọza ọnọọ ọọ̄ nyị ịhyẹrẹ aza ana sị ẹngụ tụ ẹba, dị ẹ rẹ mẹ ịkanggụ. Ọnị ọ nyị ịhyẹrẹ ebira odivi ọnịrị ịrẹyị kẹnẹ-kẹnẹ ọ yị ka nị.

Ahẹ Ụgama 98:9

Ẹnịnị è hi ọvịdị Ẹnẹyịmavara dị ẹ̀ẹ jị ahẹ, agụvị ka a vaa mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị anẹhẹ nị, ọ yị vaa mẹ eyida.

Aniroomi 3:8

A vị ị kụkụ vaa kà a ka: À vẹ yaa mẹ̀ ịsa odivi, dị ọyịza ọ̀ zụ hụụnị anị vẹẹ? Â hyakụ nyị aza ene ee du mi ka máa vavọọ kà. A vaa jị ịvị ana vọrọọ yị wa.

Imika 1:2

Batọ nịnị o, avaba ẹwụ nịnị anẹhẹ; avaba ẹwụ nịnị ene hi ẹhẹ ò batọ dị ọ̀ wụ́ ịrẹyị. Ẹnẹyịmavara Ohomorihi vaa dọ ivenu ịsa ọn ị ụ mẹ̀. Batọ! Ọ vaa ka ịrẹyị hụrị ini eehi anị ịnị ihinẹba.

Ahẹ Ụgama 96:13

Ẹnịnị vavọọ vaa jị ahẹ kụ́ Ẹnẹyịmavara, agụvị ka aa vẹ dị ọ̀va mẹ̀ ọkarẹyị anẹhẹ. Ịzẹyịza ọ vaa sị mẹ̀ ọkarẹyị ana vọrọọ yị anẹhẹ ọnịrị aza nịnị.

Ahẹ Ụgama 81:8

Ohomorihi rẹ ka Ẹwụ nịnị Anisirẹrị, batọ nịnị. Wàa sị ụtọ pè ịrẹyị amị nịnị, mị vaa kà wụ nịnị ọ̀nọ̀.

Inehemaya 5:15

Avaba Ịgọvọnọ nịnị ana vịdị rị di o ve tu mị vị ana vị ẹnya yị aza. Ẹnịnị vana sị ụkata-ụkata za aza ka è si ụta ịsọyịrị ọnịrị eche ẹnịnị. Dị aza e si akana-akana ẹkụhị-ẹkụhị nị. Avọọ ẹnịrị ọdọvịdị ẹkụra nịnị mẹ vị ẹngụkata yị aza nị. Ama agụvị ka mê hí angwa Ohomorihi, mẹ yị vavọọ mẹ.

Iwe Ọhụhị Imosiisi ana aa hị́ Ọyịvatụrọda 24:17

Asị ụ zẹ ka a mẹ azọga a vị ezi-oku rị. Asị ụ dọ osoku achị jẹẹ yị erere ọnị ọ dọ wụ.

Ireevi 20:10

Ọza ọ̀ọ sị ose ọnọhụva anị, à wụ ọnọrụ ọnọọ ọnịrị ọnyẹnẹẹ ọnọọ.

Ọyịkụra 18:21

Re sì aza ana zụ mẹ ẹkụra ịnị ẹngụ aza ẹnẹẹ, aza ana nyị angwahi Ohomorihi ana rụra sị ayị tụra. Asị ẹnịnị vị aza ana aa dọ ochirerenu. Dị wa nyị wa dị ẹnị ẹ̀ rẹ dà aza sị eyi pè. Aza ẹnyị ẹ zụ si eyi pè aza ẹnị akahị, dị aza ẹnyị sị eyi pè aza ẹnị ẹchẹhị, dị aza ẹnyị rẹ sị eyi pe aza ẹnị ẹvarẹwụ dị áaza ẹnyị vị ẹẹwụ.

Ọyịkụra 1:17

Ama anẹẹ ana aā mẹ ọgụvọọ yị anẹẹ Anihiburu aanị ẹnị ệ nyị angwahi Ohomorihi. Ẹnịnị ẹ yị sị ịrẹyị ohinọyị Anijipiti mẹ̀ ụkọrọ. Èe re ka ozi ana aa ma vị ọnọrụ, ẹnịnị ẹ yị wụ̀ ọ.

Oyinyima 42:18

Ịhyẹgwẹta anị di Ijosẹẹhụ va hị́ wa dị ọ ka, “Ọnị ộ nyị angwahi Ohomorihi. Ẹ̀ẹ mẹ ịsị ọnị kà ọza ọ yị vaa wụ̀ wa.

Ijemiisi 5:12

Ẹwụ nịnị ẹyịnyara amị, ịrẹyị obooro yị: Asị ụ sị ihinẹba, àa vị ẹhẹ hị́ eku! Asị a hyakụ nyị ịsị ụ sị hị́ eku vụrụ-vụrụ. Wâ kà a ka Hịịn, ọ̀ vị hịịn; wàa kà a ka Eyiye, ọ rẹ vị eyiye, agụvị asị Ohomorihi Ananyị yị na jị ịvị wụ nịnị.

1 Anịtẹsaronika 4:6

Asị a nyị ọza ana na mẹ ịvị, dị ọ̀ na rị ọdọwụ ọnọhụva anị ẹtẹ ahụ ịnị ịsọnyị-ịsọnyị! Ọza ana àa vavọọ mẹ, vị Ohomorihi Ananyị yị ee sí ọọ atọ nị. Yáa vịdị vavọọ sị ọọ kà wụ nịnị, dị ị kà wụ nịnị ọ̀nọ̀ nị.

Iruuku 23:40

Ama dị ọsa tụ́ ohi, dị aa tụ́ ịịpaapa ohuvọ nị. Dị ọ ka, “Wẹ yị daba hí angwa Ohomorihi, ka â mẹ̀ ọkarẹyị ọnyọọnya yị ẹwụrị ọọ?

Ahẹ Ụgama 36:1

Aza edivi vị ana nyayịnẹ sì ịrẹyị ebira odivi ịnị ayị ẹnịnị Ẹnịnị ẹ yị hyakụ hị́ angwa Ohomorihi vụrụ-vụrụ.

Oyinyima 20:11

Di Abụrahamị ka, “Ịsị ẹ mẹ ka ọnị ọ̀ vavọọ mẹ yị: ọnị o ro ka ẹ yị nyị ọza ene hí angwa Ohomorihi ịnị ẹkụra ọnọnị, di oni ro ka ẹ nyayịnẹ hụ agụvị ose anị dị ẹ wụ ọnị.

Iwe Ọhụhị Imosiisi ana aa hị́ Ọyịvatụrọda 18:10

A sị a nyị ọza awụ nịnị ana rị ozi anị ịra ịrẹsụ ụta mẹ̀ ịsọvọ o. A sị ụ há ẹva nịnị, a sị u re ẹtẹ yị ọza nịnị, dị a sị ụ mẹ ahọnọ nịnị.

Ayịsaya 57:3

Ẹwụ nịnị aza edivi, vẹ vị à mẹ̀ ọkarẹyị yị wụ nịnị. Wẹ yi dahi huna ọpọchị nịnị; wẹ yị dahi huna aza anaa hẹkẹ ori, ọnịrị aza ana navọ Ohomorihi tịtẹ naa hẹkẹ ịsa ọsa.

Ijeremaya 5:2

Dị ụ daka aa yịị kà a nịnị ka waa hẹkẹ Ẹnẹyịmavara nịnị aanị, ireche u we che nịnị nị.

Ijeremaya 5:29

Ẹnẹyịmavara kà, áá vọrọ ka asị ọnị sị ụya rị wa ụvị ebira ẹnẹnị, dị ọnị ọ̀ họ̀ oponu ịrẹyị ẹngụ anị ịrẹsụ ẹngụ aza ẹnẹnị?

Ijeremaya 23:10

Aza ẹnẹ ẹ̀ yị mẹ ịzẹyịza hị́ Ẹnẹyịmavara vị ana gụ ẹtẹ kẹnẹ ịnị ẹkụra. Ẹnịnị aa mẹ̀ ebira odivi-odivi, dị ẹyaa sị ụkata ẹnịnịị mẹ ịsị ẹnẹ ẹ̀ yị vọrọ nị. Ẹnẹyịmavara o ree chi hi ẹtẹ ẹnịnị, dị ẹtẹ ẹnịnị aa rị ụya nị. Ịzị ịsụpa nịnị naa rị avị ọ sị wụ.

Ijeremaya 27:9

Ọ kà, asị ụ wụ́ ịrẹyị ọnị ọnịsẹ awụ nịnị, aza eneē ré ẹtẹ wụ nịnị, aza anaā kà iruvo ụraa wụ nịnị ọ̀ọ va vị ọmahọnọ awụ nịnị aa kà. Ẹnịnị ka wẹ́ yị vaa kụụ hẹkẹ ohinọyị Anibabironi nịnị.

Ijeremaya 27:10

Ireche e yee che wụ nịnị nị, ọ̀ vavẹ ịrẹma anị vị ọnị ọnị vaa dụ wụ nịnị tụ ẹhẹ, dị a kụ wụ nịnị huu hụrẹ ẹtẹ awụ nịnị, dị ụ ne vú ẹtẹ nịnị nị.

Ijeremaya 42:5

Dị ẹnịnị ka, Ẹnẹyịmavara ọ̀ vị onivenu ẹnịnị, ẹnị ẹẹ na mẹ avaba ịrẹyị ọnị Ẹnẹyịmavara, Ohomorihi ẹnịnị ọọ sị tụ́ ọnị hi ẹnị nị.

Ihabaku 1:12

Ihabaku ka Ẹnẹyịmavara ọ vị Ohomorihi hụrị ụmọrụmọ, ụmẹ ọbọba. Ẹ yị nyị ẹngụ anị. Ọnị ọ vị ịda ọnị ẹnị sị ịrẹma ka nị. Ẹ yị vaa zẹ ka ẹnị e vú ẹtẹ. Ộ sị Anibabironi nịnị ka ọnị ọ sị sị ụya rị ẹnị agụvị ebira odivi ẹnịnị nị.

Ịzakaraya 11:12

Ịzakaraya kà yị wa ka ẹ̀ẹ dọ ka ẹnị o sì ọnị ụta, ama ẹ̀ẹ yị vị avọọ, ẹ naavọ. Agụvị avọọ di e sì ọnị ụta isiriva ohurẹẹwụ.

Ọyịkụra 20:7

Wẹ yị nyayịnẹ sị ịrẹha Ẹnẹyịmavara ana vị Ohomorihi awụ hị́ eku ireche, ẹmị Ẹnẹyịmavara vị ana aa sị ụyaa rị ọ.

Ọyịkụra 22:20

Ọza ọ̀ọ na mẹ̀ ịsọvọ yị ori dị ahịka ẹ yị vị ẹmị Ẹnẹyịmavara kẹnẹ aa mẹ ịsọvọọ yị nị, à wụ̀ ọza ọnọọ.

Iwe Ọhụhị Imosiisi ana aa hị́ Ọyịvatụrọda 15:13

Asị ọga anị hụrẹ ẹ ụvọ ka ọọ na ịnị osusu.

Ijoovu 7:2

Ọ sị mẹẹ anka ọnụkọrọ ene zi ụmẹ ana na tụ́ ụhwọ́, a vị ụmẹ ana a dọ ẹkẹhị anị avọọ nị.

Ijoovu 31:12

Ọ vavọọ ya, Ohomorihi ọ vu ọnị ẹtẹ, dị ịsa ịnị aarẹ anị ọ rị ịra va ha.

Ịmarakayị 1:6

Ẹnẹyịmavara Ochẹtẹẹngụ ộ kà a yị ohirẹsụ irehi Ohomorihi nịnị ka, ozi vị anaā sịị ụbanyị yị ada anị, di ozi ahụ ọnị rẹ sị ịrẹsụ nẹtẹ yị ọga anị. Ọnị ọ̀ọ vị ada ẹnịnị, dị ọnị vị ọga ẹnịnị nị, sị ẹ vị ụbanyị ada ọnịrị angwahi ọga ẹnị ẹ nyị yị ọnị? Dị ọ rẹ ka ẹ raa si eyi oweyi re ọnị nị. Ama dị ẹ yaa họ̀ ọ use ka, ẹnị mẹmẹ sị eyi oweyi re e nị?