Ịmarakayị 3:4 - IWE ỌNỊNỊ

⁴ Ịjọnọọ ayị Ẹnẹyịmavara ve hine tu ịsa ịsọvọ Anijuda ọnịrị Anịjerusarẹmị nịnị anka ọ mẹ vịdị ya ịnị ịyẹẹyẹ nị.

Ịmarakayị 3:4 Referans Kwoze

Ịzakaraya 8:3

Ịsị Ẹnẹyịmavara Ochẹtẹẹngụ kà yị: Ọ kà ọnị vaa vavẹ Ịzayọnị, dị ọnị ra Ijerusarẹmị. A vaa hị́ Ijerusarẹmị ẹkụra ọnịrẹyịzẹyịza, dị a hị́ ataba Ẹnẹyịmavara Ochẹtẹẹngụ ataba ọnịnị

Ayịsaya 56:7

Ọ kà, “Mị vaa sị wụ nịnị vẹ Ịzayọnị, ataba ọnịnị amị. Mị vaa mẹ ka ẹẹ jẹ ịnị irehi amị ana yaā mẹ̀ aduwa. Mị vaa dọ ịsọvọ ẹnẹ ẹ̀ẹ mẹ ịrẹsụ ụta ịsọvọ amị. A vaa hị́ irehi amị irehi aduwaa yị avaba anẹkụra nịnị.

Ahẹ Ụgama 51:19

Ịjọnọọ aza vaa mẹ̀ ịsọvọ obooro ene zee wu eyii wụ, u re vee sì ịsọvọ ana aza aa mẹ dị ẹ rị ọ ịra wụ Dị aza raa kụ́ imaaru dị ẹ yaa sị vaa mẹ̀ ịsọvọ aha ịsọvọ awụ.

2 Ịtọpa 1:6

Ọvịdị ajẹngụ Ohomorihi ọnọọ, Isoromọnị hịrẹ nọ ịrẹsụ ụta enyusẹ na mẹ̀ ịsọvọ oze akawụ (1,000) nị.

1 Ịtọpa 21:26

Idevidi ô hí ụta ọ̀ yị mẹ̀ ịsọvọ hi Ẹnẹyịmavara tụ́ ịzọọ. Dị ọ mẹ̀ ịsọvọ ana aā rị ịra ọnịrị ịsọvọ ọ̀ yị mẹ uzee ịzọọ hi Ẹnẹyịmavara nị. Ộ mẹ̀ aduwa, dị Ẹnẹyịmavara tu ọ ohi nị. Ộ mẹ ka ịra ọ̀ hụrẹ ẹbẹẹba va rị ịsa ịsọvọ anị ịrẹsụ ụta nị.

1 Ịtọpa 15:26

Ẹnịnị ệ wụ ụnọ ịhịmba beri ịdẹba ịhịmba ẹnẹ ẹ́ sị mẹ̀ ịsọvọ ka Ohomorihi ọ̀ mẹ ọgụvọ yị ẹnị Anireevi ana za apoti oto ọnọnị.

Ahẹ Ụgama 51:17

Ọza ana ayị anị du ka ọnị ọ raà mẹ̀ ebira odivi, ẹnị ẹ mẹ̀ ịsọvọ oni Ohomorihi sì nị Ẹnẹyịmavara, ẹngụ ọza ana ayị anị ọ̀ọ vavọọ du, we yi vee yi waa tịtẹ.