Ịmarakayị 3:2 - IWE ỌNỊNỊ

² Ẹnẹ vaa zụ jẹẹ ịhị ọ̀ọ vẹ? Ẹnẹ vaa zụ jẹẹ ịhị ọ̀ọ sị ẹngụ zụ? Ọ́ vaa sị mẹẹ anka ọza ana sị ịra rị igooru ka ozoza avọọ nị. Ọ́ rẹ va sị mẹ anka ọza ana sị ụkwọ ana rẹ nyịna ịsa agụvị ọ nị avọọ nị.

Ịmarakayị 3:2 Referans Kwoze

Ịzakaraya 13:9

Ẹnẹyịmavara Ohomorihi kà a ẹnị ana vọ vị ọnị ọnị vaa zama a re anka á mẹẹ sị ịraa nyịna isiriva avọọ. Ọnị vaa zama wa re anka a mẹẹ̄ sị ịraa zama igooru avọọ. Ịjị ọnọọ ẹnịnị ẹ̀ẹ hị́ ọnị, ọnị vaa wụ́ wa. Ọnị vaa kà a ka aza anị ẹ vị nị, dị ẹnị rẹ kà ọnị ọ vị Ẹnẹyịmavara Ohomorihi ẹnịnị nị.

Ayịsaya 4:4

Ananyị yị vaa nyịna avaba ebira odivi ana yà ịnị ẹhẹ anẹẹ Anịzayọnị. Ọkarẹyị ịrịịra ọnị ọ vaa mẹẹ yị wa ọ vavọọ vaa sị nyịna Anijerusarẹmị hụụnị ịvị aza ẹnẹ sị wụ nị.

Ẹtore 6:17

Ệ kà avọọ, agụvị ka ẹkụhị ọbanyị ana aa sịị kụ́ ayị, o si tù; ẹnẹ va zụụ jẹẹ?

Iruuku 21:36

Agụvị avọọ, wee zí nịnị, dị ụ waa mẹ̀ aduwa nịnị ụmẹ tụra ụmẹ, agụvị dị ụ wa nyẹngụ há hụụnị avaba ịsa ana aa vẹ nịnị aanị, dị ụ wa zụ jẹẹ ọ́vịdị ẹmị Ozi ọza onigirima.”

Ahẹ Ụgama 2:7

Dị ọza ọnị ọ sị rị ohinọyị ka, ọnị vaa kà a yị avaba aza ọda ẹnị Ẹnẹyịmavara mẹ. Ẹnẹyịmavara ộ hị́ ohinọyị dị ọ ka Ẹwa vị ozi emi nị, ajịnị mị ma wụ nị.

Iruuku 3:17

Aa vaa tụ́ azịzẹ ahịị hụụ nị akụ obooro, di asị a kụkụ nyị azịzẹ ịzọọ vụrụ-vụrụ. Dị ọ kụ́ akụ anị hi ịnị ụhwọ, ama dị ọ kụ́ azịzẹ hi ịnị ịra ene è yi mē mi pooro.”

Iruuku 3:9

Booro aanị, a raà sị ịraga pe ọchị nịnị iruvo, agụvị avọọ avaba ọchị ẹnẹ ẹ̀ yị tụ́ ẹtụtụ ozoza, vị ana a vaa má, di ee ne e ngụ ịnị ịra.”

Ịmarakayị 4:1

Ẹnẹyịmavara Ochẹtẹẹngụ ka, ẹkụhị aa vẹ ọnị aza ana aa sị ẹngụ tụ ẹba ọnịrị enebira odivi va rị ịra anka azịzẹ avọọ. Ịnị ụmẹ ọnọọ, ẹ va rị ịra saka-saka, dị ẹ yị nyị ịzị ẹ da tịtẹ vụrụ-vụrụ.

Ẹtore 2:23

Ọnị vaa wụ̀ aza ana aa saasa a, dị avaba anịragụ Ohomorihi ẹ̀ yẹ ka ẹmaa yẹ ariro aza ọnịrị ịsa ana ayị anị sì nị. Mị vaa sị ọgụ ụkọrọ awụ nịnịị yị wụ nịnị.

Anihiburu 12:25

Agụvị avọọ, sị eyi pe ẹngụ awụ nịnị, asị u ne yi ọza ana aa kà ịrẹyịị wụ nịnị! Aza ẹnẹẹ ene yi dị ẹ̀yị wụ́ ọnọ ọza ana a kà ịrẹyị Ohomorihi yị wa ịnị ẹhẹ ọnọnị, ẹ yị há. Ẹyị èe re ve yi, dị yẹ̀ yị wụ́ ọnọ ana aa kà a hụrẹ ẹbẹẹba vẹ nị, wéé ro ka ya zụ há vụrụ-vụrụ?

Ịjọọnụ 8:55

Ama wẹ yị yẹ ẹ nịnị, ẹmị â yẹ ẹ. Màa na kà a ka mẹ yị yẹ ẹ, ẹmị rẹ sị vị onireche anka ẹwụ nịnị. Ama ẹmị â yẹ ẹ, ma rẹ sị ụvọ za ịrẹyị anị.

Iruuku 2:34

Dị Isimiyọnị rẹ mẹ̀ aduwa yị wa nị. Dị ọ kà a yị Imeri ọnyị Ijeesu ka, “Ohomorihi ọ sị ozi ọnọnị nyị ka ini oze anị aza ẹnyị ịnị Anisirẹrị nịnị vaa yàa hyẹdụ, dị aza ẹnyị rẹ varẹma kwẹẹtẹ nị. Ohomorihi ọ raà sị ọọ mẹ apọtẹrẹwa ọnị aza ẹnyị vee yii tịtẹ;

Ijeremaya 2:22

Ẹnẹyịmavara Ohomorihi ka ẹnịnị ẹ̀ẹ daka sị ụkwọ ene zoza hu kere-kere dị ẹ sị hụ enyi nị, vị ọnị ọnị ee yii re ịdọtị ebira odivi ẹnịnị.

Ayịsaya 1:18

Ẹnẹyịmavara kà. Ro tụ́ ịnị ịrẹyị ọnọnị booro aanị Ịzẹyịza ebira odivi o si wu nịnị du ha anka ịta ana che kú avọọ, ama mị vaa nyịna wụ dị ụ nị sẹnẹ-sẹnẹ aanị. Mị ka ebira odivi ọ̀ọ daka mẹ ka we du ha anka ịsa ovivi mèe du ịta ha avọọ mị vaa mẹ ka wa nị kẹẹkẹrẹ.

Imatiwu 25:10

Di e si hu aa na nị. Ẹ màa naa hị́ angwẹ, dị ọza ana aa nyị ọnẹẹ vẹ nị. Dị ẹnị ene tenyi ẹngụ aanị saasa a ngụ eehi nọ ini ịrẹyị ọnẹẹ, di e gu oze nị.

Ịmaakị 9:3

Dị awuru anị kụkụ aa vwẹtẹ sẹnẹ-sẹnẹ nị. Ẹ yị nyị ọza ịnya ịnị ẹhẹ ọnọnị, ana zụ vavọọ mẹ ka ịsa ọ̀ vwẹtẹ.

Ezikẹẹrị 22:14

Ọ kà ịjị ọnị ọ̀ọ tana ụvọ za wụ nịnị, wéé ro ka, ụ kụkụ yị vaa nyị ọtụtụrụma jẹẹ nịnị? Wéé ro ka, ụ yị vaa nyị ụkataa jẹẹ nịnị? Ẹnẹyịmavara kà ọnị mẹ kà a aanị, avọọ ọnị mẹ vaa mẹẹ nị.

Ẹtore 19:8

 zẹẹ ka à kụ́ ẹnya ọvwọọvụ ana vwẹtẹ sẹnẹ-sẹnẹẹ yọ ka ò chire e. Ẹnya ọvụ ozoza ọnọọ vị ana jẹẹ yị ịzẹyịza ana aza Ohomorihi nyị.

Ẹtore 7:14

Dị mị ka: Nda, mẹ yị yẹ, ẹwa yẹ nọ. Dị ọ kà a mị ka: Aza ẹnẹnị ẹ vị aza ana sị ụya ọbanyị há va jịnẹ, dị ẹ nyịna awuru ẹnịnị ịnị anya Ozi Atẹmẹ ọnọọ, dị ẹ kụkụ aa vwẹtẹ sẹnẹ-sẹnẹ nị.

Iruuku 7:23

Ọza ẹnẹ ẹ̀ yị jị mị ịrẹka, vaa daa jẹ.”

1 Ịsamụwẹrị 6:20

Dị ẹ ka ẹnị ẹ nyayịnẹ jẹẹ zi Ẹnẹyịmavara ana vị Ohomorihi ọnịnị ọnọnị. Dị ẹ rẹ ka ẹnẹ ẹnị aa sị Apoti ọnọọ naa yị aanị.

Ahẹ Ụgama 76:7

Ẹwụ ịnya kẹnẹ a vọrọ ka ọza òo hú angwa anị nị, agụvị ka ịjị ayị aa kụ́ wụ, ẹ yị nyị ọza na zụ jẹẹ zi wu.

Ahẹ Ụgama 130:3

Ẹnẹyịmavara, wàa ka waa chẹrẹ avaba ebira odivi ọnị yaa mẹẹ tịtẹ, ẹnị ẹ ka ọnị ọ zụ há?

Ụhịrẹyị 25:4

Aa raa sị ịra hụ akịka hụụnị enyusẹ anaā hị́ isiriva, dị ọ vị ịsa ọkụmị-ọkụmị ana a nyẹngụ sị tu ịsa ene ozoza.

Ayịsaya 33:14

Aza edivi ana aa mẹ̀ ebira odivi ene hi aa banyị ángwa mèe hi wa. Ẹ ka ẹnị ẹ rị ẹnị ana zụ sị ẹngụ dọ ọkarẹyị Ohomorihi ana aā rị ọza anka ịra pooro aanị.

Ịdanịyẹrị 11:35

A vaa wụ̀ ọdọvịdị ẹnịnị, ẹnyị ana yẹ ịrẹyị aanị. Isu ọdọvịdị ẹnẹnị vaa mẹ ka aza ana vọ ẹ̀ nyịna ẹngụ ẹnịnị hụụnị avaba ebira odivi ẹnịnị.

Ijowẹrị 2:11

Dị Ẹnẹyịmavara ha iduma dọ ka ịrẹyị yi ọkụrẹkụ anị, dị ẹnịnị wụ́ chire e nị. Ẹkụhị ọnị Ẹnẹyịmavara vaa mẹ̀ ọkarẹyị vaa nyị ẹngụ anị. Ẹnẹ vaa ha?

Ịnahụmị 1:6

Ẹnẹyịmavara àa kụ́ ayị, ẹnẹ hụ ọ jẹẹ zi ọ? Ẹnẹ zụ ha hụụnị ọyịkụ ọkatẹngụ anị? Ọyịkụ anị vị ana sị mẹ anka ịra anaa rị ọsa avọọ. Dị avaba ịda nịnị sụ̀ atịtọ ọvịdị anị nị.

Oyinyima 19:28

Dị ọ kana eyi nọ oze Isodọmị ọnịrị Igomora ne beri avaba ini ozi ọnọọ nị, di o re ka areyi anị ee simaa vaa hịrẹ pọpọrọpọ anka areyi ọrịra avọọ nị.

Ijoovu 28:1

Igooru ọnịrị isiriva vị anaā ba hụụnị ẹtẹ dị a vaa sị ịra nyịna a;