Ịmarakayị 3:18 - IWE ỌNỊNỊ

¹⁸ Ịjọnọọ aza re ve re irenyi ana ya ịnị akakana ọnịzẹyịza ọnịrị aza edivi, aza ana aa hẹkẹ ẹ ọnịrị aza ẹnẹ yị ẹẹ hẹkẹ ẹ nị.

Ịmarakayị 3:18 Referans Kwoze

Imatiwu 25:46

Dị aa kụ́ aza ẹnẹẹ ne hi ịnị ụyọrị ẹnẹ ẹ̀ yị mā ta pooro zịna-zịna, ama dị ọnịrẹyịzẹyịza nịnị ẹnị aa nọ ịnị ẹhẹ ẹnẹ ẹ̀ yị mā ta pooro zịna-zịna.”

Oyinyima 18:25

Ọchị ọnọọ ị́rẹsụ, ọnị ọ yẹ ka ộ yị zụ vavọọ mẹ, ọ ka ọ yị vaa wụ̀ aza ọyịza ọnịrị aza edivii vaa bẹ, dị ahịka ịngọ ọnya ọ vana sị aza ọyịza ọnịrị aza edivi nị. Ọchọnọyịrẹsụ! Ọ kà Ohomorihi ana vị ọmọkarẹyị avaba anẹhẹ, ẹ yị zụ nyị ka ọ yị mẹ̀ ịsa ana vọrọ.

Ijosuwa 24:15

Ama ẹnịnị e yi si ka ẹnị ẹ hẹkẹ Ẹnẹyịmavara, Ẹ nyị ịhị ọnọọ ịsa ọnị ẹnịnị e vaa kụ́ yị. Avị ori ohiku ẹnịnị, avị ori Anamọrị ịzị ẹ yaa aanị. Dị Ijosuwa ka ọnịrị ovwoovu anị vị ana vaa hẹkẹ Ẹnẹyịmavara.

Ijeremaya 12:15

Ama, ọnị ọọ raa kụ wa kwooze, ọnị varẹma vaa vayị ẹnịnị. Ọnị varẹma vaa kụ anẹkụra ọzọzaa vaa vẹ eehi ẹnịnị, ịnị ẹkụra ẹnịnị.

Odeyi 27:23

Anggẹẹrị Ohomorihi ana nyị mị, ọnị maa hẹkẹ, ộ jẹẹ pe mi ịrahụ”,

Ịjọọnụ 12:26

Ọza ana àaa hẹkẹ mị, ọ̀ rẹẹ dụ mị ịrẹma! Ịzị màa yà, ịzọọ aza ana aa hẹkẹ mị ọnị rẹ vaa yà nị. Ọza ana àaa hẹkẹ mị, ọnị Áda amị vaa sị ụbanyị yị nị.”

1 Anịtẹsaronika 1:9

Avaba aza aa kà a, u meme sì yi ọzọga nịnị, i mè ve hee wu nịnị. Ẹ rẹ yaa kà a, ụ mẹmẹ và hụụnị ori ọyịhẹkẹ và ká Ohomorihi vẹ nịnị, dị ụ kụkụ aa hẹkẹ Ohomorihi obooro ana yára nịnị.

Odeyi 16:17

Dị aa dụ ẹyịrị Ịpọọrụ zị, di ee nowu ka, “Aza ẹnẹnị vị ezi ahụ Ohomorihi ana nẹba hu kere-kere. Ẹ yaa kà a wụ nịnị, ụ mẹmẹ zụ há nịnị.”

Ịmarakayị 1:4

Ezi Iisọ ana vị anẹkụra Edomi ọnọọ ẹ̀ẹ kà ẹkụra ẹnịnị o si du, ẹnị aa varẹma tenyi ọ da. Ẹnẹyịmavara Ochẹtẹẹngụ kà a ẹnịnị èe tenyi ọ da, dị ọnị rẹ varẹma wu ọ za ẹtẹ nẹrẹ-nẹrẹ. Dị aza aa hị́ ịzọọ ẹkụra odivi, anẹkụra ọnị Ẹnẹyịmavara aa kụ ayị hi pooro.

Aniroomi 1:9

Mâ sị Ohomorihi ọnị maa sị ayị ọnyaa hẹkẹ, ịnị ka maa kà enube ọyịza Ozi anị tẹ̀ ivenu, ka ẹ yị nyị ka maa mẹ̀ aduwa dị mẹ̀ yị tamayị awụ nịnị.

Ịzakaraya 1:6

Ẹnẹyịmavara kà ọnịsẹ ẹnẹẹ ọnị ọnị tụ́ ka ẹ ka ọda anị yị wa, dị ẹẹ ka wa ọnọ. Ama dị ẹnịnị sị eyi wụ́ wa ana mẹ ka ẹnịnị ẹ̀ rị ụya ebira ẹnịnị. Ịrẹma ọnị ệ sị ụya rị ẹtẹẹrẹ, di e vee ro ịnẹ, dị ẹ dọ irenu ka ịsị ẹnị mẹ̀ Ẹnẹyịmavara Ochẹtẹẹngụ sị ụya anị rị ẹnị nị.

Ijowẹrị 2:14

Èe ro ịnẹ, ẹyịyara ọnị ana vị Ohomorihi ẹnịnịị vaa va ahụ vẹ ịrẹma, dị ọnị mẹ̀ ka o zee yị wa, dị akụ ọnịrị eche o zoza, dị ẹ zụ sị akụ ọnịrị eche va mẹ̀ ịsọvọ yị ọnị.

Ijoovu 17:10

Ijoovu ka ẹ yị nyị ịrẹyọyẹ ọnị ọta anị nịnị nẹngụ sị zụ ọnị.

Ijoovu 6:29

Ọnị ẹ yị rị ịvị asị ẹ jị ịvị yị ọnị.

Ịdanịyẹrị 2:18

Dị ọ kà a yị wa ka ẹ̀ vẹ dị ẹnị ẹ da ịpẹ yị Ohomorihi ka ọ vayị ẹnịnị dị ọ̀ sị iruvo ịrẹyị ọnọnị zụ ẹnị agụvị asị a wụ ẹnị beri ẹnị ọyẹrẹyị Anibabironi ana vọ nị.

Emọsị 5:15

Ọ kà ẹnịnị ẹ nyị ịhyẹrẹ odivi, dị ẹ sì ịrẹyị ebira ọyịza dị ẹ mẹ ịzẹyịza ịnị ikootu ẹnịnị. Ẹnẹ yẹ ẹyịyara Ẹnẹyịmavara vaa vagu aza anaa vọ ẹtẹ.

Ọyịkụra 11:7

Ama irezi ọ yị hyakụ vaa ha ọza àa vị ịsụpa ịda Anisirẹrị nịnị. Ọ kà ịjọnọọ ẹnịnị vaa yẹ ka Ẹnẹyịmavara ộ tẹ ẹhwị tụ́ ịnị Anisirẹrị ọnịrị Anijipiti.