Ịmarakayị 3:16 - IWE ỌNỊNỊ

¹⁶ Aza ẹnịnị mẹ maanị a ka ịrẹyị, dị aza ana nyị angwahi Ẹnẹyịmavara ẹnị raà ka ịrẹyị yị ẹngụ nị. Dị Ẹnẹyịmavara batọ dị ộ wụ̀ ịsa ẹ ka nị. Eyi anị ịzọọ aa chẹrẹ ịrẹha aza ana nyị angwahi anị, dị ẹ sị ụbanyị yọ tụ ịnị iwe ana a sị tamayị ẹnịnị nị.

Ịmarakayị 3:16 Referans Kwoze

Ẹtore 20:12

Di mi re oku nịnị nị, ezweyi ọnịrị azọkụ, dị ẹ jẹẹ ọvịdị Ohomorihi nị. Áa hụ̀ iwe ẹnyị, dị a rẹ hụ̀ iwe ọsa nị, ana vị iwe aza ana yàra pooro zịna-zịna. Dị a hị́ ka ịsa anaa chẹrẹ tụ́ ini iwe ọnọọ, aa sịị mẹ̀ ọkarẹyị oku nịnị nị anka ịsa ọnị ọzọza mẹ.

Ahẹ Ụgama 56:8

Wê re m maa rị ụya dị maa ka ẹgọ eyi mâ yẹ ka wâ chẹrẹ ẹ tịtẹ.

Ịmarakayị 4:2

Ama ẹwụ nịnị ana dọ ịrẹyị amị wụ, mị va sị ụkata ọnị mịī sịị dọ ọza ha sị wụ nịnị kwẹẹtẹ, dị mị mẹ ụkụ awụ nịnị anka ọyị mẹ ha dị ọ mẹ ọza ụkụ avọọ. Ụ vaa jẹ ịrajẹ di u ku iriga anka ozi imaaru ana jịnẹ hụụnị ịga avọọ.

Ẹtore 15:4

Ananyị yị, ẹnẹ ka oni o yi vee hí angwa awụ, dị ọnị ọ̀ ga ịrẹha awụ? Ẹwụ ịnya kẹnẹ ẹ̀ yị nyị ẹngụ anị nị. Avaba anẹhẹ vaa vẹ dị ẹ va và ku ẹtẹ ọvịdị awụ, agụvị ka avaba aza ẹ sị ụkọrọ ịzẹyịza awụ re.

Anihiburu 10:24

À vẹ yee ro ịrẹyị ẹngụ, dị yaa mẹ ka ye zuu sì ịrẹyị aza, dị ya rẹẹ mẹ ọyịza!

1 Anịtẹsaronika 5:11

Agụvị avọọ, waa sị ayohunẹnẹẹ yị ẹngụ nịnị, dị ụ waa gụ ẹngụụ ụvọ nịnị, anka ụ màa yịị mẹ nịnị aanị.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.

Odeyi 9:31

Dị avaba anịragụ Ohomorihi ene hi Ijudiya ọnịrị Igariri ne beri Ịsamarịya nyị ẹngwọọrọ yị ụmẹ chee nị. Ẹnịnị aa vịra, ệ nyị angwahi Ohomorihi, Ụhwẹ Ọnịnị aa mẹ ọgụvọọ yị wa, dị ẹyaa rụrụụ hu avọọ nị.

Ayịsaya 26:3

Ụ vaa sị ẹngwọọrọ yị aza ana ayị anị jẹẹ geri-geri dị ẹ sị ayị tụra wụ.

Odeyi 10:2

Ộ nyị ahẹkẹ ẹtẹẹtẹrẹ, ọnịrị aneehi anị ệ nyị angwahi Ohomorihi. Ọ rẹẹ̄ mẹ aza ẹyịza, dị ọ rẹẹ̄ mẹ̀ aduwaa hi Ohomorihi ụmẹ tụra ụmẹ nị.

Ezikẹẹrị 9:4

Ọ̀ ngụ avaba Ijerusarẹmị zịịzị, avaba aza enee du ayị agụvị ka aza aa mẹ ịsị aa nyị ọnị ịhyẹrẹ aanị ịnị ẹkụra, dị ọ̀ tọ̀ wa ịrẹwa ịnị ibe nị.

Ahẹ Ụgama 34:15

Ẹnẹyịmavara vị ana sị eyi pè aza ana aa mẹ̀ ebira ana vọrọ ini eyi anị ẹnịnị ẹ̀ẹ nowu na za a, dị ọ ba wa owu.

Anẹhwẹsọsị 5:19

Waa jị ahẹ irenyi-irenyi nịnị, anka Ụ́hwẹ Ọnịnị ọ̀ọ mẹ̀ sị zụ̀ wụ nịnị, di u we sii pe ẹngụụ kà ịrẹyị nịnị! Waa jị ahẹ ịnị ayị awụ nịnịị ga Ananyị yị.

Odeyi 1:13

Ẹ mẹ̀ vẹ, dị ẹ nọ ịnị aku ịnị ọtụrọsa ịzị ẹnịnị hi nị. Aza ene hi ịzọọ yị: Ipita, Ịjọọnụ, Ijemiisi ọnịrị Andụrụ, Ihwiripi ọnịrị Ịtọmọsị, Ibatoromiwu ọnịrị Imatiwu, Ijemiisi ozi Arịhwịyọsị, Ịsayịmọnị ana aā hị́ Izirọtị (Anakwẹngụhi) beri Ijudasi ozi Ijemiisi.

Ịdanịyẹrị 7:10

Dị ịra â dà wụụrụ ọvịdị anị nị. Ọkọnị aza ee ku ẹtẹ kụ ọ, dị aza otomiroku ẹnị rẹ jẹẹ ọvịdị anị nị. Ịjị ọmọkarẹyị nịnị sị yaatụ, dị ẹ hụ̀ iwe ana a chẹrẹ ịsa ọnị ọzọza mẹ hi ịnị anị nị.

Iruuku 2:38

Ụmẹ ana a sị Ijeesu vẹ gẹdẹ-gẹdẹ, dị ọnị rẹ vẹ, dị ọnị raa kụ́ Ohomorihi avọ nị. Dị ọ kà ịrẹyị ini oze ozi ọnọọ yị avaba aza ene ee zí Ohomorihi eyi ka ọ̀ va dọ Ijerusarẹmị tụ́ nị.

Ẹsịta 6:1

Ịnị ịrahụ ịhị ọnọọ gẹdẹ-gẹdẹ, ohinọyị Ahasẹrọsị ọ yị zụ sụ ara. Ọ́ mẹ̀ vavọọ jị areyi, dị ọ tụ́ ká à kụ́ iwe ana a chẹrẹ ịsa ana a mẹ eyinị-eyinị ịnị ẹtẹ ọnọọ va yị ọnị nị. Ịjị a raà kụ́ ọ va yọ, dị a za a ịrịka yọ nị.

Odeyi 2:1

Ịhị ẹkụhị ana a sịị̄ rị eche ana aā hị́ Ịpẹntịkọsị si tù, dị avaba ọdọwụ nịnị kụ́ gụ aha ọnya nị.

Ayịsaya 65:6

Me ree tenyi ẹngụ ụya ẹnịnị, a sị ọkarẹyị ẹnịnị chẹrẹ tịtẹ ọvịdị amị. Mẹ yị vaa sị eyii hụụnị ịsị ẹ mẹ, mi vee sí wa atọ.

Ayịsaya 50:10

Avaba aza ene hí angwa Ẹnẹyịmavara, dị ẹ saasa ịrẹyị ozi ahụ anị; oze ọnị ẹ zị ọ daka hozi, ẹ sị ayị tụra Ẹnẹyịmavara, e chi ayị za Ohomorihi.

Ayịsaya 26:8

Ẹnẹyịmavara, ọda awụ ẹyị aa saasa nọ. Ẹwụ ị sị eyi tụra nị. Yàa tamayị ịsa ọnị ụ mẹ, dị ịnẹ sị yị há.

Ụhịrẹyị 13:20

Ọza anaā zị ògù ọyẹrẹyị vị ana yẹ ịrẹyị ama ọza ene e pe ọnụra za ọta vị anaā mẹ ẹngụ anị ịrẹyị.

Ahẹ Ụgama 147:11

Aza ẹnị Ẹnẹyịmavara sị̀ ịrẹyị anị ẹ vị́ aza ana nyị angwahi anị dị ẹ sị ayị tụra nị, agụvị ka ệ yẹ ka vi oō sì ịrẹyị ọza pooro nị.

Ahẹ Ụgama 139:4

Ẹnẹyịmavara, dị ma hyakụ va kà ịrẹyị ọchị ọnya jịnẹ, wa sị avaba anị yẹ.

Ahẹ Ụgama 119:63

Avaba aza ene hí angwa awụ dị ẹ yaa saasa ọda awụ vị ọta amị.

Ahẹ Ụgama 111:10

Ọza ọ̀ọ nyị angwahi Ohomorihi, o si nyima aa yẹ ịrẹyị. Avaba aza ana a saasa ọda anị vi ana nyayịnẹ ẹ yẹ ịrẹyị Ohomorihi a vọrọ ka àa kụ́ avọ pooro zịna-zịna nị.

Ahẹ Ụgama 94:19

Ịjị ayị amị kụ́ vazi, Ohomorihi ô sị ayị amị hunẹnẹ, dị mị kụkụ aa jẹ nị.

Ahẹ Ụgama 66:16

Avaba ẹwụ nịnị ana nyị angwahi Ohomorihi, vẹ dị ma kà a zụ̀ wụ nịnị ịsa oni Ohomorihi mẹ mị.

Ahẹ Ụgama 33:18

Ẹnẹyịmavara ô si eyi pè aza avaba ene ee hí angwa anị Avaba aza ana jẹẹ zi ọ, dị ẹ sị ayị tụra ayamva anị.

Ahẹ Ụgama 20:7

Aza ẹnyị vi ene ee woo zị ka ẹnị ệ nyị ịkẹkẹ ịrẹkụ ọnịrị umaata Ama Ẹnẹyịmavara ana vị Ohomorihi ayị ẹ́ yị sị ayị tụra nị.

Ahẹ Ụgama 16:3

Aza Ohomorihi ene hi ini ẹtẹ ọnọnị ẹmị yẹ ka ệ vị aza ana nyị ụbanyị nị Ẹnịnị ê zee mi eyi ẹtẹẹtẹrẹ

Ahẹ Ụgama 10:4

Aza edivi vi ene ee wo otoo zị ẹ yị kà ka ẹnị ee sì Ohomorihi. Ẹ yị nyị ụmẹ ọnị ẹ hyakụ sị tamayị Ohomorihi ịnị ayị ẹnịnị.

Ijoovu 28:28

Dị Ohomorihi ka yị ọza ka: ịzẹyịza, ọza ọ̀ nyị angwahi anị ọ vị ịrẹyọyẹ nị. Ọza ana va hụụnị ebira odivi ọ yẹ ịsa aa mẹ nị.

Ẹsịta 2:23

Ohinọyị me ne si iruvo ịrẹyị ọnọọ dị ọ ne tụ́ ka ịzẹyịza yọ nị. Dị ohinọyị zù ezi ahụ anị ẹyịva ọnọọ gẹ ọchị dị e su nị.

2 Ịtọpa 6:7

Isoromọnị kà a, ada anị Idevidi ộ mẹ̀ eto ka ọnị ọ dà irehi yị Ẹnẹyịmavara ana vị Ohomorihi Anisirẹrị.

1 Ohinọyị 18:12

Màa sị huu ịda awụ kẹnẹ, dị ụhwẹ Ẹnẹyịmavara va raà sị wụ nọ ịzị mẹ̀ yị yẹ. Màa na sị ọ kà yị Ahabị, di ò yi rè vee re wu nị, dị ọ za mị dị ọ wụ̀ mị. Wâ yẹ ka hụụnị ozweyi amị mị hụrẹẹ̄ hí angwa Ẹnẹyịmavara nị.

2 Ịsamụwẹrị 7:1

Ịjị Idevidi reè ku ayẹtẹ ini eehi anị. Ẹnẹyịmavara ọ raà mẹ ka asị ọnịvị anị ana ra kara kụkụ kụ́ ọ kata a ẹngụ.

Anihiburu 12:15

Sị eyi pe ẹngụ awụ nịnị, agụvị asị a nyị ọza ana ahịka ọ rẹ̀ vaa dọ ayamva Ohomorihi! Asị a rẹ nyị ọza ana na yà anka ẹpa ọchị ọnyịrẹyị ana ha dị ọ̀ọ kụ́ ịrẹyịị hi ẹtẹ! Ẹngụ aza ẹnẹẹ vee du aza ọrụrụ-ọrụrụ ẹngụ.

Anihiburu 3:13

Agụvị asị a nyị ọza ene vene ịvị na mẹ ka ayị anị ọ̀ katẹngụ, wee hú ẹngụ ụvọ nịnị eyinị-eyinị m màa yịị kà a ajịnị aanị.

1 Anịtẹsaronika 5:14

Ẹwụ nịnị ẹyịnyara amị, aarịhịnị, aza ana aa mẹ̀ ebira jugu-jugu, re ka waa tụ́ wa ọhụva nịnị. Aza ana angwa ee hí, waa tụ́ wa ọtụtụrụma. Wa rẹẹ gụ ọkụmị nịnị ụvọ. Re ka waa nyị isuuru hi avaba aza.

Ahẹ Ụgama 104:33

Mị vaa jị ahẹ kụ́ Ẹnẹyịmavara pooro ịnị ẹhẹ amị nị. Mị ka mị vaa jị ahẹ kụ́ ọ pooro màa yị yàra nị.

1 Ohinọyị 18:3

Di Ahabị va tụ́ na hị́ Ọbadaya ana sị eyi pè irehi ohinọyị nị. Ọbadaya ọnọọ ọnị ộ nyị angwahi Ẹnẹyịmavara ẹtẹẹtẹrẹ.

Oyinyima 22:12

Dị anggẹẹrị ọnọ ka, “Asị ọ sị ụvọ kanyị ozi ọnọọ, asị a nyị ịsị ọ sị mẹ̀ ẹ. Ọ kà ọnị ọ sị yẹ aanị ka ô hí angwa Ohomorihi ọ yị kà a ka ọnị aa si ozi anị ana vị ozi anị ikonya gene-gene tẹẹ yị ọnị.”

Ọyịkụra 32:32

Aarịhịnị kwogwo, navọ wa vagu wa ini ebira odivi ẹnị ẹ maanị mẹ̀ aanị. Wàa ka wẹ yị vagu wa, ẹwa rẹ kụkụ nyee ịrẹha amị hụụnị iwe ọnị ụ chẹrẹ ịrẹha aza awụ hi.”

Ayịsaya 4:3

Aza ana vọ oni Ohomorihi zẹẹ ka ẹ̀ yị yara ene hi Ijerusarẹmị vị ana á vaa hị́ aza oni Ohomorihi nyị yị ẹngụ anị.

Ijeremaya 8:6

Ẹnẹyịmavara kà ọnị ộ si ụtọ pe ẹtẹ ẹtẹẹtẹrẹ, ama wẹ yị kà ịzẹyịza nịnị. Ẹ yị nyị ọza ịnị ẹngụ awụ nịnị ene ro ịnẹ varẹma hụụnị ebira odivi anị. Ẹ yị nyị ọza ana kà a ka sị ọnị vana mẹ aanị da. Ọzọza vanaa zị oze anị anka umaata anaa nọ ịrẹkụ avọọ.

Ijeremaya 31:18

Ẹnẹyịmavara kà ọnị ộ wụ́ Anisirẹrị nịnị mee du ayị dị ẹ ka, Ẹnẹyịmavara, vị́ ẹnị sị mẹẹ uye odivi avọọ nị, ama ọnị vị ana kọ ẹnị ka ẹnị ẹẹ saasa ịrẹyị anị. Ẹ ka ọnị ọ̀ kụ ẹnị vàka ẹngụ anị vẹ; ẹnị ee tenyi ẹngụ ka ẹnị aa vaa ka Ẹnẹyịmavara Ohomorihi ẹnịnịị vẹ.

Ịdanịyẹrị 12:1

Ụmẹ aa vẹ anaa vaa nyị ẹngụkata ana ahịka ẹ yị vịdị vavọọ nyị da á mẹ hụrẹ nyị ẹkụra anaā hị́ Isirẹrị. Ụmẹ ọnọọ Ịmayịkẹẹrị ana vị anggẹẹrị ana sị eyi pe Anisirẹrị nịnị vaa kwẹẹtẹ. Ịjị ụmẹ ọnọọ òo tu, Ohomorihi vaa dọ avaba Anisirẹrị ọnị ịrẹha ẹnịnị hi ịnị iwe anịị ha.

Inehemaya 1:11

Dị ọ ka, Ananyị yị ọ̀ navọ ọ̀ wụ́ aduwa anị ọnịrị aduwa ezi ahụ ana vọ anaa sị ụbanyị yị ọ. Ẹnẹyịmavara ọ̀ gụ ọnị ụvọ ịnị ịsa ọnị ọnị ọ̀ọ họ̀ use anị hụụnị ụvọ ohinọyị. Ọ̀ mẹ ka ohinọyị ọ̀ nyị ayamva yị ọnị. Ịnị ụmẹ ọnọọ, Inehemaya ọ vị ọza ene si eyi pe ịsọyịrị ohinọyị.

Ahẹ Ụgama 56:9

Ịhị màa hị́ wụ ka wa ba mi owu, ọnịvị amị vee zwee varẹma Ọnọọ vaa mẹ ka ma yẹ ka Ohomorihi jẹẹ mị ịrẹma.

Ahẹ Ụgama 115:13

Avaba aza ene hí angwa Ẹnẹyịmavara, vị ọnị ọ vaa mẹ ka ò zee yi, ẹ̀ẹ vị aza eweyi, ẹ̀ẹ vị aza ẹbanyị.