Ịmarakayị 3:13 - IWE ỌNỊNỊ

¹³ Ẹnẹyịmavara kà ẹnịnị ee du ọnị. Ama dị ẹnịnị aa họ̀ ka sị ẹ vị ịrẹyị odivi anị ọnị ẹnị kà?

Ịmarakayị 3:13 Referans Kwoze

Ịmarakayị 2:17

Ẹnẹyịmavara kà, ịsị ẹnịnị aa ka ô du ọnị eyi. Ama dị ẹyaa họ̀ ọ use ka, sị ẹnị ka ene du ọ eyi? Dị ọ ka ẹnịnị aa kà a ka, Ẹnẹyịmavara o sì ịrẹyị aza ana mẹ̀ ebira odivi, Dị ẹnịnị re họ̀ o use ka, ịzị Ohomorihi anaā mẹ̀ ọkarẹyị ya?

Aniroomi 9:20

Ẹ yị vị avọọ ọ mẹ̀ vị, oo. Ẹwụ ọzarẹyịrẹsụ kẹnẹ, ẹnẹ vị ẹwụ ana aa và Ohomorihi ị̀karenu? Ụnọkọ ọ yị zụ kà a yị ọza ana jị ọọ ka, “Ho, sị ẹ vẹ dị ụ maanị jị mị?”

Ayịsaya 37:23

Eni u ro ka ụ maanị aa kụ̀ ụhụ, dị waa sị ọ me enyinyị? Wẹ́ yị sị ụbanyị yị ẹmị Ohomorihi Anisirẹrị ẹnẹ ẹ̀ yị nyị ẹngụ anị.

2 Anịtẹsaronika 2:4

Ọnị ọọ̄ kụ̀ụ hịrẹ avaba ịsa ana aza aa hị́ Ohomorihi, ọnịrị avaba ịsa ana aza aa sị ụbanyịị yị. Dị ọ rẹ sị ẹngụ anị tụ́ ẹba ka ọnị ọ hyakụ huna avaba ẹnịnị nị. Ọ vá naa yaayịtẹ ini irehi Ohomorihi, dị ọ ka ọnị ọ vị Ohomorihi nị.

Ịmarakayị 2:14

Ama dị ẹ ya họ̀ use ka sị ẹ vẹ nị? Dị ọ ka agụvị ka Ohomorihi ọ vị onivenu amẹrị ọnị ẹ yaa mẹ̀ hi ese ẹnịnị ẹnị ẹ nyị hụụnị ozweyi ẹnịnị. Anẹẹ ẹnẹẹ ẹ vị ọnọhụva ẹnịnị ini eku ọnị ẹ hị́ yi ẹngụ nị. Ama ẹnịnị ẹ yi mẹ̀ ịzẹyịza ka ese ẹnịnị na.

Ijeremaya 8:12

Ọ kà, ụhị waa vanaa nyị aza anị ka ẹnị ệ maanị mẹ ịsị edivi ẹnẹnị da? Ịzị ọ na vị. Ụhị ọ ma nyị waa vụrụ-vụrụ. Ẹnịnị ẹ ma sị eyi tẹ ka aza ee re ẹnị, avọọ ẹnịrị aza ana vọ ẹ vaa hyẹdụ nị. Ẹ́ ẹnịnị vaa ta ịhị ọnị aa sị ụyaa rị wa.

Ijoovu 40:8

Ijoovu wáá vị ana kụ ịzẹyịza anị ha nị? Ọ́ọ́ vị anaa jị ịvị yị ọnị dị ọ sị ịhị rị nị?

Ọyịkụra 5:2

Di Ihwarawo ka, “Ẹ̀nị aā hị́ Ẹnẹyịmavara nịnị kẹ? Ẹ̀nị ọnọọ vị ana aa kà ịrẹyị ana vọrọ ka ọnị ò batọ anị, ọnị ọnị vaa hụ agụvị anịị hụrẹ Anisirẹrị nịnị ụvọ? Ọ kà ọnị ọ yị yẹ ka â vavọọ nyị Ẹnẹyịmavara. Dị ọ ka dị asị a kụ́ ịrẹka gọdọ, ọnị ọ yị vaa zẹẹ ka Anisirẹrị ẹ̀ na.”

Ịmarakayị 3:8

Ẹnẹyịmavara ộ họ̀ use ka, a vọrọ ka ọza ọ́ọ́ mẹ Ohomorihi rị? Eeyiye de! Ama ẹnịnị aa mẹ̀ ọnị rị, dị ẹ ka ẹnịnị mẹmẹ aa mẹ̀ ẹ rị kẹ? Dị ọ ka ẹnịnị aa mẹ̀ ọnị rị ịnị oze ịrẹyị agẹẹwụ ọnịrị ịsa ẹnẹ ẹ yaa sị va yị ọnị.

Ayịsaya 5:19

Ẹngụ ẹwụ nịnị ẹnẹẹ aa kà a ka ịsa Ohomorihi ọ̀ọ ka ọnị aa mẹ ò jintu mẹ di we re e nịnị. Ụ ka Ohomorihi Anisirẹrị ọ̀ mẹ̀ ịsa ọ̀ọ nyị tụ́ ịnị ayị dị a re di we re e nịnị.

Ahẹ Ụgama 10:11

Ama di e yee ro o ka Ohomorihi ọ yị vaa tamayị Ẹ ka Ohomorihi ọ yị hyakụ vee re ẹnị pooro.

Ayịsaya 46:12

Sị ụtọ pe ẹtẹ nịnị, ẹwụ nịnị ana ayị anị katẹngụ, ẹwụ nịnị ana hịka o vee ku dị ụ wa va ha nịnị.

Ijeremaya 44:18

Ama ẹnị mẹ hụrẹ hụụnị ịsọvọ ọ̀ yị mẹ hi ohinọyị anyẹnẹẹ ana yà ẹbẹẹba, dị ẹnị ẹ̀ yị kụkụ và eche hi ẹtẹ yị ọ, ẹ̀ yị kụkụ vana nyị ịsị ẹnị nyị, dị ịrẹkụ ọnịrị ụngwẹ va wụ ẹnị va ha nị.

Ezikẹẹrị 18:25

Ama ẹwụ nịnị ka, ịsị Ananyị yị aa mẹ aanị ẹ́ yị vọrọ. Ẹnẹyịmavara kà avaba ẹwụ nịnị Anisirẹrị ẹ̀ sị ụtọ pe ẹtẹ. Vi wéé ro nịnị ka oze ọnị ọnị zịị mẹ ịrẹyị ẹ́ yị vọrọ nị? Ẹwụ nịnị aa mẹ ịsị ẹnẹ ẹ̀ yị vọrọ nị.

Ihoseya 7:16

Ẹnịnị e yi si ọgụvọ hụrị ẹbẹẹba ịda Ẹnẹyịmavara. Ẹnịnị sị mẹẹ anka ọkịta ana rara enee zụ che ịsa avọọ nị. Ọnịvị ẹnịnị ẹ vaa wụ́ ọdọvịdị ẹnịnị ha nị.

Ịmarakayị 3:12

Ẹnẹyịmavara Ochẹtẹẹngụ kà avaba aza vị ana vaa kà ịrẹyị ize ọnịrị ịsa ohyozirenu ọnị ọnị sị mẹ yị wa ịnị ẹtẹ ọnọọ.

Ịmarakayị 3:14

Dị ọ ka ẹnịnị aa kà a ka, ẹ yị nyị ọgụ ka ọza ọ sị ụvọ za ịrẹyị Ohomorihi. Sị ẹ vị ọgụ ka ọza ọ sị ụvọ za ịrẹyị ọda anị, dị ọ hyakụ ka ẹngụ anị chi ọvịdị Ẹnẹyịmavara?

Ijoovu 15:13

Ọ kà Ijoovu aa kụ ayị hi Ohomorihi dị ọ raa ka chire e nị.

Ayịsaya 3:8

Ogwoo, Anijerusarẹmị ẹ sị và angga, Anijuda ẹ kụ hyẹdụ. Ịrẹyị ọnị ẹ yaa kà ọnịrị ebira ẹnị ẹ yaa mẹ ộ sị zụ̀ ka vị ẹ yaa kụ̀ụ hịrẹ Ẹnẹyịmavara nị. Ẹnịnị vị ana aa sị eyi oweyii re Ohomorihi ọnị ụvọta.

Ezikẹẹrị 35:13

Ọnị ộ wụ oto odivi ọnị wee wo nịnị, dị waa kà ịrẹyị ẹnẹ ẹ̀ yị vọrọọ hi ọnị nịnị.