Ịmarakayị 3:12 - IWE ỌNỊNỊ

¹² Ẹnẹyịmavara Ochẹtẹẹngụ kà avaba aza vị ana vaa kà ịrẹyị ize ọnịrị ịsa ohyozirenu ọnị ọnị sị mẹ yị wa ịnị ẹtẹ ọnọọ.

Ịmarakayị 3:12 Referans Kwoze

Ịzakaraya 8:23

Ẹnẹyịmavara Ochẹtẹẹngụ ka, ịnị ụmẹ ọnọọ anẹkụra ọsa nịnị vaa vẹ vee tụ́ Aniju, dị ẹ sị ụvọ za ụtọ awuru anị, dị ẹ ka ẹnị a saasa a agụvị ka ẹnị ẹ wụ́ ka Ohomorihi ya pe e.

Ayịsaya 61:9

Avaba anẹhẹ vaa yẹ evere ẹnịnị A vaa sị ụbanyị yị wa ịnị akakana anẹkụra ana vọ. Ọzọza vaa yẹ ka aza ọnị Ẹnẹyịmavara raà mẹ̀ ize yị ẹ vị nị.

Ayịsaya 62:4

Ọza ẹ yị kụkụ vaa hị́ wụ eneyi, a vị dị aa hị́ ẹtẹ awụ nịnị Enezweyị, ama ịrẹha ọwọọwa awụ nịnị ọ rị onimisi, Ẹtẹ awụ nịnị ọ rị Anaanyị. Agụvị ka ayị Ẹnẹyịmavara ô hine tu wụ, ọnị ọ vaa nyị ẹtẹ awụ nịnị anka ọza ộ nyị ọnẹẹ avọọ.

Iruuku 1:48

agụvị ka ẹmị ozida anị ẹnẹ ẹ̀ yị nyị ịsị mị vị, o reè re mi eyi. Hụrẹ ọyaanị na, avaba aza vị ana aa vanaa hị́ mị ọnịrajẹ,

Ịdanịyẹrị 11:41

Ọ hyakụ va kụ ịrẹkụ na ngụ ẹtẹ Isirẹrị dị ọ wụ otomiroku aza ịzọọ. Ama a vaa dọ Anedomi ọnịrị Animowabi beri Anaamọnị ana vọ hụrẹẹ ụvọ.

Ịdanịyẹrị 8:9

Ịdanịyẹrị ka ọnyara ịnị ọpanyị ẹẹna ẹnẹnị ộ vàna nyí ụkata ẹtẹẹtẹrẹ ne tu ka ộ sị ụkata anị pịva yị Anijipiti ọnịrị Anipesiya beri Anipataya nịnị. Anisirẹrị nịnị vị ọnị ọ́ rẹ mẹ̀ ẹ yị bẹẹ.

Ijeremaya 33:9

Ọ kà Ijerusarẹmị vaa vị ayohine ọnịrị ụbanyịị yị ọnị, dị ọnị aa sị waa mẹ eyi. Avaba anẹhẹ vee hí angwa, dị ẹyaa dá ẹgahị ịjị ẹnịnị ẹẹ wụ́ ịrẹyị ịsị ọyịza ọnịrị ize ọnị mẹ yị Anijerusarẹmị ẹnẹnị.

Ahẹ Ụgama 72:17

Ohomorihi, navọ kwogwo asị ịrẹha ohinọyị vú pàá. Navọ àa tịị tamayị anị pooro zịna. Navọ ahịka vị anẹhẹ vaa kà a ka ò zee yị ẹnị anka o mè zee yị ohinọyị nị. Dị ẹ̀ rẹẹ mẹ̀ aduwa ka ò zee yị ohinọyị.

2 Ịtọpa 32:23

Aza ọrụrụ-ọrụrụ ệ vẹ Ijerusarẹmị sị ẹyịza va ya Ẹnẹyịmavara ọnịrị Ihezekaya. Hụrẹ ụmẹ ọnọọ avaba anẹkụra nịnị sị ụbanyị yị Ihezekaya agụvị ịsa ana mẹ nị.

Iwe Ọhụhị Imosiisi ana aa hị́ Ọyịvatụrọda 11:12

Ẹtẹ ọnị Ẹnẹyịmavara tẹsị anị ọ vị nị. Oō sị eyi pe e pooro dị ịrayị ọ gẹ ẹtẹ nị.

Ịmarakayị 3:13

Ẹnẹyịmavara kà ẹnịnị ee du ọnị. Ama dị ẹnịnị aa họ̀ ka sị ẹ vị ịrẹyị odivi anị ọnị ẹnị kà?

Ayịsaya 62:5

Anka ọnọrụ anaa nyị ozwoorihi ẹnẹ ẹ yị yẹ ọnọrụ, avọọ Ẹnẹyịmavara ana mẹ̀ wụ mẹ vaa nyị wụ nị. Ayị ọnọrụ meē hine tu oze avọọ, avọọ ayị Ohomorihi awụ nịnị mee hine tu wu nịnị