Ịmarakayị 3:11 - IWE ỌNỊNỊ

¹¹ Dị ọ ka ọnị ẹ yị vaa zẹ ka akụvarịva e du ịsa ịnị aarẹ ẹnịnị ha. Ọnị ẹ va zẹ ka ẹtụtụ ịvayịnị ẹnịnị ẹ wọrọ ẹbazị.

Ịmarakayị 3:11 Referans Kwoze

Iwe Ọhụhị Imosiisi ana aa hị́ Ọyịvatụrọda 11:14

Ẹ̀ẹ vavọọ aa hẹkẹ ẹ, Ọ vaa zụ orihi yị wa ịnị ụmẹ ana vọrọ. Ọ vaa zụ orihi yị wa hụụnị orihi ịpaapa na ngụ orihi ọdịrẹma agụvị dị ẹ nyị ịsọyịrị ọnịrị eche ne beri angwẹ orivi.

Ijowẹrị 2:22

Asị uye ịnị avị nịnị hụrẹ ayịnẹ agụvị ka avị vaa jẹẹ hụtụ-hụtụ. Ọchị nịnị vaa tụ ẹtụtụ ẹnịnị. Ọchị ihwigi ọnịrị ịvayịnị vaa tụ́ hyọvọ-hyọvọ.

Ịzakaraya 8:12

Ẹnịnị vaa chire ịsa ịnị ẹngwọọrọ. Ọchị ịvayịnị ẹnịnị vaa tụ́ ẹtụtụ, dị ẹtẹ zoza dị ọ mẹ̀ ịsa ẹtẹẹrẹ, Dị orihi aa zụ a mẹ vọrọ. Ẹnẹyịmavara kà ọnị vaa sị ịsa ẹnẹnị mẹ ogu yị aza ana vọ tụ́ ịzọọ.

Ijowẹrị 2:20

Dị Ẹnẹyịmavara kà, ọnị vaa dụ akụvarịva ana hụrị eyi ẹbẹẹba vẹ. Ẹnyị ẹnịnị vị ọnị ọnị vaa dụ nee hí ụnọmị osusu. Ẹnị ene hi ọvịdị ịrẹkụ vị ọnị ọnị va dụ nee hị́ Irehu Anọ, dị ọ kụ́ ẹnị ene hi akakaha na va hi Òkū Imeditareniya. Di oku ẹnịnị vụ, dị agụ anị gara hi ẹtẹ. Ẹnẹyịmavara kà ọnị vee vu wa ẹtẹ agụvị ịsị ẹ mẹ̀ aza anị.

Ijowẹrị 1:4

Ọkọnị akụvarịva tụra ẹngụ tụra ẹngụ vaa chaka hi wa aarẹ; Avị ọnị ọba ẹnyị rị vọ, dị ọba ọsa va rị avaba ana vọ za ẹtẹ.

Ịhagayị 2:17

Dị Ẹnẹyịmavara kà, ọnị ộ tụ́ ahị ịrịịra, dị ọnị zụ ịrẹta hụrẹ ẹbẹẹba ka o du avaba ụkọrọ ọnị ẹ mẹ̀ ha, ama ẹnịnị ệ yị hụ agụvị avọọ ro ịnẹ varẹma.

Emọsị 4:9

Ẹnẹyịmavara kà, ọnị tụ́ ahị ịrịra ka ọ wụ ịsa ịnị aarẹ ẹnịnị. Dị akụvarịva rị avaba ịsa ene hi ịnị ụbazị ịvayịnị ọnịrị orivi ne beri ihwigi ẹnịnị. Avaba ẹnẹnị ọ yị hụ ọ tura wa ka pe Ẹnẹyịmavara.

Ihabaku 3:17

Ọ daka vị ka ọchị uhwigi nịnị ẹ yị jị ododo, dị ẹ yị nyị ẹtụtụ ịnị ọchị ịvayịnị nị; ọchị orivi nịnị ẹ yị daka tụ́, dị ẹ yị nyị ịsọyịrị ịnị aarẹ nị, dị ịsụpa sù ha, dị ịga vị osusu nị,

Ijowẹrị 1:12

Ọchị ịvayịnị ọnịrị ọchị ihwigi ệ raà wụ̀. Avaba ọchị anaā tụ́ ẹtụtụ ẹ kụ̀ wụ̀: Ipomegiraneti, adevino ọnịrị apụrụ. Agụvị avọọ dị ayị aza kú du chuku-chuku nị.

Ijeremaya 8:13

Ẹnẹyịmavara kà, ọnị vaa dọ wa ịsị ịnị aarẹ ẹnịnị. Ẹ yị vaa nyị ẹtụtụ ịnị ọchị ịvayịnị ẹnịnị. Ọchị ihwigi ẹnịnị ẹ yị rẹ vaa nyị ẹtụtụ. A vaa dọ wa avaba ịsị ọnị vịdị sị yị wa.

Ijowẹrị 1:7

Ẹnịnị e reè du avaba aarẹ ịvayịnị ẹnịnị ha. Ẹ raà rị avaba ọchị ihwigi. Dị ẹ hụ̀ uguha ọchị ẹnẹẹ va haa nị, dị avọ́ ọchị ẹnẹẹ wụ̀, dị ẹ kụkụ aa vwẹtẹ nị.

Ihoseya 2:21

Ộ kà ọnị vaa mẹ̀ ọda yị eguhi dị ọ zụ orihi yị ẹtẹ,

Ijowẹrị 2:25

Ẹnẹyịmavara kà ọnị vaa va ịsa ana mẹ wa ihi ịnị ụmẹ ọnị akụvarịva sị rị ịsa ịnị aarẹ ẹnịnị ịrẹma yị wa.

Ịhagayị 1:11

Ohomorihi ộ mẹ̀ ọda ka ọyọjị ọ̀ wara avaba ịsa ene hi inozi ọnịrị ịrẹsụ ataba, dị ộ zàmà ịsa ịnị aarẹ ọnịrị ụbazị ịvayịnị anaā sịị mẹ̀ eche ọwọọwa ne beri ọchị orivi anaā sịị mẹ angwẹ. Dị ụngwẹ kụ avaba aza ọnịrị uye, di ô du avaba ịsa ẹnị ẹ rị ụya tụra ịrẹsụ ha.