Ịmarakayị 3:10 - IWE ỌNỊNỊ

¹⁰ Ọ kà ẹnịnị ẹ kụ avaba agẹẹwụ ẹnịnị vị ịzị aā kụ ogu hi ịnị irehi anị, agụvị dị aa nyị ịsọyịrị ịzọọ. Dị ọ ka ẹnịnị ẹ zama ọnị re daa re, ọnị ẹ yị rẹ vaa na ozokete ihinẹba yị wa, dị ọnị mẹ ka o ze yi wa hyọvọ-hyọvọ.

Ịmarakayị 3:10 Referans Kwoze

Imatiwu 6:33

Ama we vidii sì ka Ohomorihi ọ̀ọ mẹ ịjọva tụra wụ nịnị ịrẹsụ da, dị ụ wa rẹẹ mẹ̀ ịsa ana vọrọ nịnị, ka ọ vaa sị avaba ịsa ana vọ aanịị tụ̀ ọọ yị wụ nịnị.

Ahẹ Ụgama 37:3

Sị ayị tụra Ẹnẹyịmavara, dị waa mẹ̀ ebira ene zoza Tangwa ra ịnị ẹtẹ ọnị ọ sị wụ dị asị a nyị ịsị ẹ mẹ̀ wụ.

Iwe Ọhụhị Imosiisi ana aa hị́ Ọyịvatụrọda 28:12

Ẹnẹyịmavara vaa na oze irehi ọnị ọ kụ ịsa hi ẹbẹẹba, dị ọ zụ̀ orihii yị wụ nịnị, ọ vaa mẹ ka ò ze yị wụ nịnị ịnị avaba ụkọrọ ọnị ụ waa mẹ nịnị, dị ụ wa zụụ sị ịsaa rèré anẹkụra ọrụrụ-ọrụrụ nịnị, ama wẹ yị vaa dọ ọza ọnyọọnyị ịsaa rèré nịnị.

Ireevi 27:30

Avaba achehi ẹẹwụ ịsa ọnị ẹtẹ ọ̀ọ mẹ vị Ẹ́ẹnẹyịmavara, ọ̀ọ vị akụ, ọ̀ọ va vị ẹtụtụ ọchị.

Inehemaya 12:44

Ụmẹ ọnọọ dị a nyị anọrụ ẹnyị ka ẹ̀ sị eyi pe aku ana a kụ ịsa ana aza kụ́ vẹ hi nị beri agẹẹwụ ọnịrị ịsa ịnị aarẹ ịpaapa nị. Ẹnị aa dọ ịsaa hụụnị aarẹ ene hi ẹkụra-ẹkụra vaa yị ohirẹsụ irehi Ohomorihi ọnịrị Anireevi nịnị anka ọda mẹ kà a nị. Ayị avaba aza ene hi Ijuda ê hine yị ohirẹsụ irehi Ohomorihi ọnịrị Anireevi nịnị anaa mẹ̀ ụkọrọ Ohomorihi.

Ịrịka 18:21

Ẹnẹyịmavara kà ọnị ọ sị agẹẹwụ avaba Anisirẹrị nịnị si Anireevi nịnị ụta ụkọrọ ẹnịnị.

Ireevi 26:10

Ịsa ẹnẹ ẹ́ vaa kụụ hụụnị aarẹ vaa rụrụ ẹtẹẹtẹrẹ, dị ẹ rị ọ mẹ ịrayị ọyịvụrụ. Vị́ ẹnịnị vaa kụ́ ịsa ọkụkụ ana vẹtẹẹ kwooze, di è ré aha kụ ịsa ọwọọwa hi nị.

2 Ohinọyị 7:2

 nyị ozi ahụ ohinọyị ọnya ọnị ọ hụraa tụ́ ụtụ. Ộ kà a yị Erisa ka, ịzị ọ na vị̀. Ẹnẹyịmavara ọ̀ọ daka na ozokete ihinẹba, dị ọ zụ̀ orihi ka ịsa ẹ̀ mẹ nị, ọ́ọ́ zụ vavọọ yà? Ama Erisa ộ kà a yọ ka, ọ vaa sị eyi anịị re e, ama ẹ yị vaa rị ịnị anị.

2 Ohinọyị 7:19

Ọdọvịdị ọnọnị ộ kà a yọ ka, Ẹnẹyịmavara ọ̀ọ daka na ozokete ihinẹba hi ẹtẹ ka ịsọyịrị ọọ zụ̀ụ anka orihi avọọ, ịrẹyị ọnị Erisa kà ẹ̀ yị zụ mẹ. Dị Erisa tụ́ ọ ohi ka, ọ vaa mẹ di o re e, ama ẹ yị vaa rị ịnị ịsọyịrị ọnọọ.

Ịhagayị 2:19

Ẹnẹyịmavara ộ rẹ kà a ka, ẹnịnị ẹ yị daka nyị ihu ayị, dị ẹ yi nyị ẹtụtụ ịvayịnị ọnịrị, ihwigi beri orivi, ọnị vaa mẹ̀ ka o ze yị wa.

Inehemaya 13:5

Ộ navọ Itobaya ka ọ̀ ra ịnị aku ana a vịdị kụ akụ ana a sị va yị Ohomorihi ọnịrị eturare beri ẹnya ụkọrọ irehi Ohomorihi hi. Ịzọọ a rẹẹ kụ agẹẹwụ akụ, eche, ọnịrị angwẹ orivi, ọnị ọda ka aa sịị yị Anireevi, ọjahẹ, ọnịrị oserẹtẹ nịnị beri ẹyịza ana a kụ va yị ohirẹsụ irehi Ohomorihi nịnịị hi nị.

Inehemaya 12:47

Ịnị ụmẹ Izerubabẹrị ọnịrị Inehemaya, avaba Anisirẹrị nịnị vị anaa sị eyinị-eyinịị sị ẹyịza vaa yị ọjahẹ nịnị ẹnịrị aza ẹnẹẹ sere ẹtẹ ini irehi Ohomorihi ọyịmẹ̀ ọgụvọ yị wa nị. Ẹnịnị ệ ịsa ana vị Aanireevi nịnị yị wa, dị Anireevi nịnị ẹnị rẹ sị ene tú ohirẹsụ irehi Ohomorihi nịnị yị wa nị.

Oyinyima 7:11

Ịnị ịrayị oni Inowa gụ ịrayị akata ini ụhwẹ ọhụva ịrayị ọnọọ, ịnị ịhị ana tụ́ ọ ẹkụhị ẹwụrịhịmba ịnị ụhwẹ ọnọọ, ịhị ọnọọ gẹdẹ-gẹdẹ avaba ìrìkù enyi chaka hi ẹhẹ nị. Di avaba ozokete ihinẹba na,

Ịrẹyị Ọzwọzịsa 11:3

Orihi òo ka eyi vị ọọ zụ̀ nị.

1 Ịtọpa 26:20

 nyị Ahija ọnịrị ẹnị Anireevi ana vọ ene si eyi pe ogu ene hi ini irehi Ohomorihi ọnịrị aku-aku ana aa kụ ẹyịza ana a kụ tịtẹ yị Ohomorihii hi.

Ireevi 26:3

Ẹnịnị àa ra ẹhẹ ẹnịnị ọnị mẹ kà a yị wa, dị ẹ́ yaa saasa ọda anị nị,

Iwe Ọhụhị Imosiisi ana aa hị́ Ọyịvatụrọda 12:6

Ịzọọ ẹ vaa sị ịsa ịsọvọ ọyịrịịra ọnịrị ịsa ana vọ, agẹẹwụ, ẹyịza, ịzẹzẹ, ẹyịza kẹnẹ, ọnịrị ozi ịpaapa ịsụpa ọnịrị imaaru ẹnịnị.

Iwe Ọhụhị Imosiisi ana aa hị́ Ọyịvatụrọda 14:22

Sị agẹẹwụ awụ tụ aha irenyi. Agẹẹwụ avaba ịsa ịnị aarẹ awụ ịnị ịrayị.

Iwe Ọhụhị Imosiisi ana aa hị́ Ọyịvatụrọda 14:29

Ịsọyịrị ọnọnị vị Aanireevi nịnị ẹnị ẹ yị nyị ogu ụvọta ẹnịnị, ọnịrị azọga, ozi oku beri osoku, ana ra ini ẹkụra awụ nịnị. Ẹnịnị vị anaā va dọ ịsọyịrị hụrị ịzọọ. Wàa sị agẹẹwụ awụ nịnị vẹ, Ẹnẹyịmavara Ohomorihi awụ nịnị vaa mẹ ka o ze yị wụ nịnị ịnị ịsa tụra ịsa ọnị u waa mẹ.

Ahẹ Ụgama 78:23

Ama di Ohomorihi mẹ ka oze ihinẹba ọ̀ na ẹbẹẹba,

Ezikẹẹrị 34:26

Ọnị vaa mẹ ka ò zé yị wa, dị ẹnịnị rá kara ataba anị. Ọnị vaa zụ orihi yị wa chụụchụ ụmẹ tụra ụmẹ ọnị ee yee sị ọ. Orihi ọnọọ vị ana vaa mẹ ka ò zé yị wa.

Ezikẹẹrị 44:30

Ọ kà ohirẹsụ irehi Ohomorihi nịnị ẹ vaa nyị ịsị e hu kere-kere ịnị ịsa ịpaapa ana àa kụ́ gụ hụụnị aarẹ nị ọnịrị avaba ịsa ana vọ ana a sị va yị ọnị. Ụmẹ tụra ụmẹ ọnị aza ẹ̀ẹ sị mẹ ịbụrẹdị, ẹnịnị ẹ̀ sị ị́ịpaapa anị yị ohirẹsụ irehi Ohomorihi nịnị agụvị dị ọnị ọọ mẹ ka oo zé yị wa ịnị eehi ẹnịnị.

Ihoseya 2:21

Ộ kà ọnị vaa mẹ̀ ọda yị eguhi dị ọ zụ orihi yị ẹtẹ,

Ijowẹrị 2:19

Dị ọ tu wa ohi ka ọnị vaa mẹ ka ịsa ịnị aarẹ ẹnịnị o zoza, dị ẹ nyị akụ ọnịrị eche ọwọọwa ne beri angwẹ ana hụ́ wa, dị ọ vọ ẹtẹ hi ẹtẹ. Agụvị avọọ Anẹkụra ana vọ ẹ yị kụkụ vaa sị wa ẹtẹ.

Ijowẹrị 2:24

Akụ vaa gụ́ nyaanya ịzị e yee tụ́ ọ, dị ụkọ ẹnịnị ee hi kà a ha yị angwẹ ọnịrị eche ịvayịnị.

Oyinyima 28:22

Ịrẹta oni oni hì jẹẹ aanị ọ vị ịzị a vaa dà irehi Ohomorihii tụ́ nị. Avaba ịsị ọ̀ọ sị yị, ọnị vaa sị agẹẹwụ anịị yọ.