Ịmarakayị 2:9 - IWE ỌNỊNỊ

⁹ Agụvị ka ẹnịnị ẹ yị saasa ịrẹyị anị, ọnị sị eyi wụ́ wa, dị ọnị mẹ̀ ụhị nyị wa eyi avaba aza nị. Òo si tù ka ẹ sị ọda Ohomorihi zụ aza, dị ẹ yaa nyị ọza remeyi.

Ịmarakayị 2:9 Referans Kwoze

1 Ịsamụwẹrị 2:30

Ebira ọnị ụ maanị mẹ nịnị aanị, Ẹnẹyịmavara ana vị Ohomorihi Anisirẹrị ka vị ọnị vịdị kà a ka obooro awụ nịnị ọ vaa mẹ ụkọrọọ yị ọnị ini eehi anị pooro nị. Ama Ẹnẹyịmavara kà ọnị ọ yị kụkụ vavọọ zẹẹ. Ọ kà ọza ana àa sị ụbanyị yị ọnị, dị ọnị rẹ sị ụbanyị yị ọza ọnọọ. Ama ọza ana àa sị eyi oweyi re ọnị vị ọnị ọnị rẹ vaa tẹ.

Iwe Ọhụhị Imosiisi ana aa hị́ Ọyịvatụrọda 1:17

Asị ẹ gụ ọza ẹnyị yị ọsa. Ẹ sị eyi ẹbẹẹbẹ re ọnyẹkẹhị ọnịrị ọnụzọngwa. Ẹ sị oze yị ọzọza ẹ kụ́ irenu ẹnịnị. Asị e hí angwa ọza ẹnyị-ẹnyị agụvị ka ịrẹyị Ohomorihi ẹ vaa sị mẹ̀ ọkarẹyị yị aza nị. Ịrẹyị anaaa da wa ụvọ dị ẹ kụ̀ ọ vee tu ọnị.

Anigaratiya 2:6

Àa vị aza ana a ka ẹ́ẹ vị ọdọvịdịị yọ, ẹ yị nyị ịsa ọwọọwa ẹnẹ ẹ kà mị. Àa vị ẹmịị yọ, ẹ yị nyị ịzị ịrẹyị ọdọvịdị ẹnẹẹ gẹ mị agụvị ka avaba ọza vị ẹbẹẹbẹ ini eyi Ohomorihi.

Iruuku 11:42

“Wa sị dà nịnị, ẹwụ nịnị Anihwarisi. Ụ hyakụ aa tụ́ agẹẹwụ avị ịsẹpẹ eweyi-eweyi irenyi-irenyi nịnị, ama wa raà sị eyi jịnẹ ịzẹyịza, we yi sì ịrẹyị Ohomorihi nịnị. Â vọrọ ka waa mẹ ẹsẹnị beri ọnị ụ vịdị aa mẹ nịnị.

Iruuku 10:29

Ama ọzwọzọda ọnọọ ee sì ka ọnị ọ̀ jị ịhị yị ẹngụ anị; dị ọ họ̀ Ijeesu ka, “Ẹnẹ vị ọnọhụva amị kẹ?”

Ịmarakayị 2:8

Ẹnẹyịmavara kà ẹnịnị ohirẹsụ irehi Ohomorihi ẹ sị ha hụrẹ oze ịrẹyị ịzẹyịza. Ẹ raà mẹ aza ọrụrụ-ọrụrụ ka e nyee eyi agụvị ka e yee cheeche tụ ịnị ịrẹyị Ohomorihi. E reè du ịsị Ohomorihi ka yị Anireevi ka ọnị vaa mẹ yị wa.

Ezikẹẹrị 13:21

Ọnị vaa na ịta ọnị ụ và kụ ịrẹsụ nịnị aanị, dị ọnị dị aza anị hụrẹ wụ nịnị ụvọ. Wẹ́ yị ma vana zụ mẹ wa o me zee wu nịnị eyi. Ọnọọ vaa mẹ ka wa yẹ nịnị ka ọnị ọ vị Ẹnẹyịmavara nị.

1 Ohinọyị 22:28

Di Imikaya ka, “Àa vị ka wa raà vavẹ ịnị ẹngwọọrọ, yẹ ka ẹ yị vị Ẹnẹyịmavara ọ kà ịrẹyị mị.” Dị ọ rẹ ka, “Avaba ẹwụ nịnị aza ẹnẹnị ẹ̀ wụ́ o!”

Ịmarakayị 2:3

Ọ kà ọnị vaa pa ịva yị ezi ẹnịnị, dị ọnị vaa ịhyẹrẹ ịsụpa ẹnị ẹ sị va mẹ̀ ịsọvọ kụ wa eyi, dị ọnị rẹ dụ wa hụrẹ ọvịdị anị.

Ụhịrẹyị 10:7

Ịrẹkụkụ ọza ọyịza ọ mē vu ama ọza odivi ẹ yị nyị ọyịza ana aa sị tamayị anị.

Ezikẹẹrị 7:26

Ẹngụkata odivi ẹnyị vị ana vaa saasa ọsa vee tù wu nịnị. Avọọ ụ mẹ vaa wụ̀ enube odivi-odivi nịnị pooro kẹnẹ nị. Ụ vanaa dá ịpẹẹ yị ọnịsẹ nịnị ka è re ẹtẹ wụ nịnị. Ẹnị ohirẹsụ irehi Ohomorihi nịnị é yi kuku vee re ịsaa zụ̀ wụ nịnị, dị azọkụ nịnị ẹ́ yị kụkụ zụ pe wu nini juwe.

Imika 3:11

Ohinọyị awụ nịnị vị anaā dọ ochirerenu àaa mẹ̀ ọkarẹyị. Ohirẹsụ irehi Ohomorihi vị ana aa mẹ̀ ụkọrọ ka ọnị ọ̀ dọ ẹkẹhị kẹnẹ. Ọnịsẹ ẹnị raa kà ịsẹ ka ẹnị ẹ̀ sị dọ ẹkẹhị. Ama ẹ yaa kịị kà a kà Ẹnẹyịmavara jẹẹ ẹnị ịrẹma. Ẹ ka Ẹnẹyịmavara jẹẹ ẹnị ịrẹma ẹ yị nyị ịrẹyị ene vee tù ẹnị.

Ịnahụmị 3:6

Ẹnẹyịmavara kà ọnị vaa mẹ̀ ka aa nyị ịhyẹrẹ Ininivẹ. Ọnị vaa va wa nẹtẹ, dị ọzọza kụkụ aa sị eyi kẹnẹ-kẹnẹ re wa.

Ijoovu 32:21

Mẹ yị vaa me eyida ịnị ịrẹyị ọnọnị; mẹ yị vaa mẹ apẹẹ gono ọzọnyị-ọzọnyị.

Ụhịrẹyị 12:8

Ọza ana nyị ịrẹyọyẹ vị ana aā sị ụbanyị yị ama ọnụra vị ana aā sị eyi wụ.