Ịmarakayị 2:7 - IWE ỌNỊNỊ

⁷ Ịsị a vọrọ ka ohirẹsụ irehi Ohomorihi ọ mẹ ọ vị ka ẹ sị ịrẹyị ịzẹyịza Ohomorihi zụ aza nị. Ẹ̀ẹ vavọọ a mẹ̀ ẹ, dị aza ee ne tu wa ka ẹnị ẹ wụ́ ịrẹyị irenu ẹnịnị agụvị ka ọnụtụ Ẹnẹyịmavara Ochẹtẹẹngụ ẹ vị nị.

Ịmarakayị 2:7 Referans Kwoze

Ireevi 10:11

Ọ kà, Eerọnị ọ̀ kọ avaba ọda ọnị sị yị ọ zị oze ịnị ụvọ Imosiisi yị avaba Anisirẹrị nịnị.

Iwe Ọhụhị Imosiisi ana aa hị́ Ọyịvatụrọda 21:5

Ohirẹsụ irehi Ohomorihi vaa nọ ịzị agụvị ka ẹnị Ẹnẹyịmavara sị ọkarẹyị ịrẹyị chire ụvọ. Ẹnẹyịmavara ọ̀ nyị wa ka ẹẹ hẹkẹ ọnị, dị ẹ mẹ̀ aduwa yị aza ka o zee yị wa.

2 Anịkọrịntị 5:20

Ẹya vị odeyi Ikirisiti tụ́ ịzẹnị nị. Vị ọ sị mẹẹ ka Ohomorihi ụvọta aa zị oze ịnị ụvọ ayịị dá ịpẹẹ wụ nịnị aanị nị: “Yâ sị Ikirisiti dá ịpẹẹ wụ nịnị ka wa navọ Ohomorihi ọ̀ vara wụ nịnị ọta anị.”

1 Anịtẹsaronika 4:8

Ọza ana àa sị eyi wụ́ ịrẹyị ọnọnị, ayị vị ọza, ọ sị eyi wụ; Ohomorihi ana sị Ụhwẹ Ọnịnị yị wụ nịnị, ọ́za ọnọọ sị eyi wụ nị.

Odeyi 16:17

Dị aa dụ ẹyịrị Ịpọọrụ zị, di ee nowu ka, “Aza ẹnẹnị vị ezi ahụ Ohomorihi ana nẹba hu kere-kere. Ẹ yaa kà a wụ nịnị, ụ mẹmẹ zụ há nịnị.”

Ẹzịra 7:10

Ẹzịra vị ana sị avaba ẹngụ anị yị ọyịkọsẹ ọda Ẹnẹyịmavara, dị a saasa a, dị ọ raa sị ọ zụ aza ana vọ nị.

2 Ịtọpa 30:22

Ihezekaya ộ ga Anireevi nịnị agụvị ẹ mẹmẹ ku aza mẹ̀ ahẹkẹ ẹtẹẹrẹ. Ịnị ẹkụhị ịhịmba ẹnẹẹ ệ mẹ̀ ịsọvọ ọrụrụ-ọrụrụ ẹnẹ ẹ sị ga Ẹnẹyịmavara ana vị Ohomorihi ohiku ẹnịnị.

Ịjọọnụ 20:21

Dị Ijeesu rẹ kụ́ wa ka, “Ẹngwọọrọ ọ̀ vị awụ nịnị!” Dị ọ ka, “Áda amị mẹ̀ tụ́ mị vẹ ẹhẹ, avọọ ẹ́mị mẹ̀ rẹ tụ́ ẹwụ nịnị aa nọ ẹhẹ nị.”

Ịjọọnụ 13:20

Ịzẹyịza m maa kà a wụ nịnị nị, ọza tụra ọza ana àa dọ ọza ọnị mị tụ́ ụtụ, ẹmị ọ rẹ dọ avọọ nị. Ọza ana àa dọ mị, ọ rẹ dọ Ọza ana tụ́ mị vẹ ẹhẹ.”

Ịmarakayị 3:1

Ẹnẹyịmavara Ochẹtẹẹngụ ka, ọnị vaa tụ ọnụtụ anị ka o ne tenyi ẹtẹ tịtẹ zi ọnị. Ẹtẹ ọ̀ọ ta a tenyi kẹnẹ, dị ọnị Ananyịwa ọnị ene e yee sì vana vaa hụrẹ hi wa ịnị irehi anị kẹnẹ nị. Ọ kà ọnụtụ ọnị e yee zi eyi vaa vẹ. Ọ vaa kà a ịsị ọnị wo oto anị yị wa.

Ịhagayị 1:13

Ụmẹ ọnọọ, Ịhagayị ộ kà ụtụ Ẹnẹyịmavara yị wa. Ọ kà Ẹnẹyịmavara kà a ọnị vaa ya pe wa.

Ijeremaya 18:18

Dị Anijuda nịnị ka, à vẹ dị ẹnị ẹ̀ mẹ Ijeremaya ọnyaa. Ẹnị ẹ̀ẹ mẹ ọnyaa, ohirẹsụ irehi Ohomorihi ị ve hi ẹtẹ ana vaa sị ịrẹyịị zụ ẹnị; aza ana yẹ ịrẹyị hi ẹtẹ ene vee pe ẹnịị jị uwe. Ọnịsẹ nịnị hi ẹtẹ ọnị Ohomorihi vaa yịị tụ́ hi ẹnị. Ẹ ka, à vẹ ẹnị ẹ̀ kwẹẹtẹ tu ọ, dị asị ẹnịnị kụkụ wụ́ ịrẹyị anị.

Ijeremaya 15:19

Ọsọnị Ẹnẹyịmavara ve tu ọnị ohi anị dị ọ ka, ọnị ọ̀ọ vavẹ, ọnị Ẹnẹyịmavara vaa sị ọnị varẹma dị ọnị rẹ vị ozi ahụ anị. Ọnị ọ̀ọ hụụnị ịrẹyị kẹnẹ-kẹnẹ ọ̀yị kà dị ọnị aa kà ịrẹyị obooro nị, ọnị vaa varẹma vị ọnịsẹ anị. Aza ẹ vaa vẹ vee tu ọnị nị, ẹ yị vị ẹwụ o ve nee tu wa.

Ayịsaya 44:26

Ama ozi ahụ amị ọ̀ọ kà ịrẹyị tịtẹ ka ọ vaa mẹ, ịjị màa tụ ọnụtụ amịị tụ ka ọ̀ na kà a ịsị mị vaa mẹ, Mịị̄ mẹ ka ịrẹyị ẹnẹẹ ẹ̀ mẹ ịzẹyịza. Mâ kà a yị Ijerusarẹmị ka aza vanaa ra ịzọọ, dị mị rẹ kà a yị ẹkụra ene hi Ijuda ka e venee tenyi wa dà nị. Mị ka ẹkụra ẹnẹẹ ana jị eburu aanị vanaa kwẹẹtẹ.

Iwe Ọhụhị Imosiisi ana aa hị́ Ọyịvatụrọda 24:8

Aza ana àa nyị ụkụ ịnị ọchẹngụ ana katẹngụ, e re ka ẹnị ẹ mẹ ịsị ohirẹsụ irehi Ohomorihi nịnị ẹẹ ka yị wa. Ẹ saasa ịrẹyị ọnị Ẹnẹyịmavara mẹ ọda anị yị wa.

Anigaratiya 4:14

Ẹngụ ana zị mị ọ̀ọ daka kata wụ nịnị ẹngụ, we yi yi mi nịnị, wẹ yị rẹ kụ́ mị hi ịyẹyẹ nịnị. Wâ sị avaba ayị dọ mị nịnị anka anggẹẹrị Ohomorihi avọọ. Wâ dọ mị, a àa na ngụ ka Ijeesu Ikirisiti ụvọtaa yọ nị.

Ayịsaya 42:19

Áá nyị ọza ene gu eyi anka ozi ahụ amị? Áá nyị ọza ene gu ụtọ anka ọnụtụ ọnị mịị̄ tụ́ ụtụ?

Ịrịka 27:21

Ama Ijosuwa vaa nọ ọvịdị Eriyaza ohirẹsụ irehi Ohomorihi, di Eriyaza sị urimi ne sì iruvo ịrẹyị ịnị ụvọ Ẹnẹyịmavara, dị ọ kà a yị wa ịsị a vọrọ ka ẹ̀ mẹ ẹ̀ẹ yaa jịnẹ ọnịrị ẹ̀ẹ yaa vẹ ini eehi.

1 Ịsamụwẹrị 2:17

Ebira odivi eni ezi Eri ẹnẹẹ vavọọ aa mẹ ộ nyị Ẹnẹyịmavara ịhyẹrẹ ẹtẹẹtẹrẹ. Ezi ẹnẹẹ ẹ raà sị eyi ịyẹyẹ re ịsọvọ ana aa mẹẹ yị Ẹnẹyịmavara.

2 Ịtọpa 31:4

Ihezekaya ộ kà yị ẹnyị ene hi Ijerusarẹmị ka ẹnịnị ẹ sị ịsa ana vị ohirẹsụ irehi Ohomorihi ọnịrị Anireevi nịnị yị wa agụvị ẹnịnị ẹ nyị ụmẹ sị ịrẹyị ọda Ẹnẹyịmavara zụ aza.

Ẹzịra 7:25

Dị Atazazasisi rẹ ka, “Ẹzịra ọ sị ịrẹyọyẹ ọnị Ohomorihi sị yị ọ nyị ọdọvịdị ọnụkọrọ ana vaa mẹ ịjọva ẹtẹ ọnọọ nị. Dị aza ẹnẹẹ ẹ̀ vị aza ana yẹ ọda Ohomorihi dị ẹ zụ zụ ọ yị aza ana vọ.

Ụhịrẹyị 5:2

agụvị wa yẹ ịsa a vọrọ ka wa mẹ̀, dị ịrẹyị irenu awụ ọọ sị zụ ka wa nyị ịrẹyọyẹ.

Ijeremaya 2:8

Ẹnị ohirẹsụ irehi Ohomorihi ẹ yị kụkụ họ̀ use ka Ẹnẹyịmavara mẹ kà kẹ. Ẹnẹyịmavara kà ẹnị ohirẹsụ irehi anị ẹ yị kụkụ yẹ ọnị, Ẹnị ohinọyị ẹnịnị ệ kụ hịrẹ ọnị; ọnịsẹ nịnị kụkụ â sị ịrẹha ori anaā hị́ Ịbaarị kà ịrẹyị, dị ẹyaa hẹkẹ ori ịyẹyẹ-ịyẹyẹ nị.

Ezikẹẹrị 7:26

Ẹngụkata odivi ẹnyị vị ana vaa saasa ọsa vee tù wu nịnị. Avọọ ụ mẹ vaa wụ̀ enube odivi-odivi nịnị pooro kẹnẹ nị. Ụ vanaa dá ịpẹẹ yị ọnịsẹ nịnị ka è re ẹtẹ wụ nịnị. Ẹnị ohirẹsụ irehi Ohomorihi nịnị é yi kuku vee re ịsaa zụ̀ wụ nịnị, dị azọkụ nịnị ẹ́ yị kụkụ zụ pe wu nini juwe.

Ịdanịyẹrị 11:33

Ẹnị ọdọvịdị ẹnịnị ana yẹ ịrẹyị vaa mẹ ka aza ọrụrụ-ọrụrụ ẹ̀ yẹ́ ịsị aa na. Ịnị ịrẹkụ ọnọọ aza ẹnyị ẹnịnị vị ana vaa wụ̀, dị a rị aza ẹnyị ịra. Ẹnyị vị ana vaa sị ụkata dọ ịsị ẹ nyị, dị a zá aza ẹnyị ẹnịnị hi ịnị ẹngwa.

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Ịzẹhwanaya 3:4

Ọnịsẹ ẹnịnị vị oyi ana dụ ẹngụ ẹnịnị kẹnẹ. Ẹnịnị ẹ yị wụra sị ayị tụra. Ohirẹsụ irehi Ohomorihi ẹnịnị vị ana aa sị akamawụ mẹ̀ ịsa enyisi ịnị irehi Ohomorihi. Ẹnịnị ẹ raà sị ọda Ohomorihi siisi ẹtẹ.

2 Ohinọyị 16:11

Ịzẹyịza, Uriya ộ dà ẹngụ ụta ịsọvọ gẹdẹ-gẹdẹ, dị ọ za a ịrẹsụ dị Ahazi va vavẹ nị.

2 Ohinọyị 16:16

Uriya ộ mẹ̀ avaba ịsị Ahazi kà yọ aanị.

Ịrẹyị Ọzwọzịsa 5:5

Ọọ vana dahi ka asị ọza kà a ka aa nyị ịsị ọnị vaa mẹ huni ka ọ̀ kà a dị asị ọ mẹ̀ ẹ.

Ezikẹẹrị 22:26

Ọdọvịdị irehi ẹnịnị ẹ́ yị saasa ọda anị. Ẹnịnị sị ụbanyị yị ịsị ọnịnị (ana vị Ohomorihi). Ẹnịnị ẹ́ yị zẹẹ ka à yẹ ịsị ana vị ọnịnị tụ irenyi yị ịsị ana vọ. Ẹnịnị ẹ́ yị kọ ọ yị aza ka ẹ̀ yẹ ịsị ana nị ọnịrị ẹnẹ ẹ̀ yị nị. Ẹnịnị ẹ̀ yị rẹ sị ụbanyị yị ẹkụhị ụhwọtụ anị nị.

Ịzakaraya 7:3

Dị ẹ rẹ họ̀ ohirẹsụ irehi Ohomorihi ọnịrị ọnịsẹ nịnị use ka, “Áá vọrọ ka ẹnị ẹ́ẹ́ zị ẹngụ, dị asị ẹnị rị ịsa ịnị ụhwẹ ẹẹhị ịrayị anka a mẹẹ̄ vịdị mẹ̀ ẹ ịnị ịrayị ọrụrụ-ọrụrụ ana para hu?”