Ịmarakayị 2:6 - IWE ỌNỊNỊ

⁶ Ẹnịnị ệ sị ịrẹyị ịzẹyịza zụ aza, ẹnịnị e yi cheeche vụrụ-vụrụ. Ẹnịnị ệ ra ẹhẹ ozoza, dị ẹ mẹ̀ ebira ana vọrọ. Dị ẹ mẹ ka aza ọrụrụ-ọrụrụ ẹ hụụnị ebira odivi ẹnị ẹ yaa mẹ nị.

Ịmarakayị 2:6 Referans Kwoze

Ịdanịyẹrị 12:3

Aza ana yẹ ịrẹyị ẹnịrị aza ana mẹ ka aza ọrụrụ-ọrụrụ ẹ̀ mẹ̀ ịsa ana vọrọ vaa za ẹtẹ anka ụzọmị ene hi ẹbẹẹba avọọ pooro zịna-zịna.

Ẹtore 14:5

Ẹnịnị ẹ̀ yị sị irenu ẹnịnị kà ịrẹyị ireche da, ẹnịnị ẹyị nyị ohuvọ vụrụ-vụrụ.

Ijeremaya 23:22

Ọ kà ẹnịnị ẹ̀ẹ yaanị va wụ́ ịrẹyị anị, ịrẹyị anị ọnọọ ẹ yaanị aa kà yị aza anị nị: dị ẹẹ mẹ ka ẹnịnị ẹ̀ và hụrị oze odivi ẹnịnị nị. Aza anị yaanị sị và hụụnị ịsị odivi ẹnẹ ẹyaa mẹ.

Odeyi 26:18

Ụ vaa há wa eyi, dụ wa vara wa hụụnị ịrahụ va ngụ ini ẹtohweyi. Dị ụ wa rẹ sị wa hụụnị ụvọ Echu vẹ ịda Ohomorihi, dị ma vagu wa ịnị ịvị ẹnịnị, ẹ̀ẹ sị ayị tụra mị. Dị ẹnị ẹ̀ rẹ zụ nyị aha ẹnịnị ịnị akakana aza ọnị mị sị nyị yị ẹngụ amị.”

Iruuku 1:6

Ẹnị ẹyịva vị ọnịzẹyịza ini eyi Ohomorihi, dị ẹ rẹ yaa saasa avaba ọda Ohomorihi nị. Ẹnịnị ẹ yị sị ahụ jị ọchị nyee vụrụ-vụrụ.

Iruuku 20:21

Dị aza ẹnẹẹ na họ̀ Ijeesu use ka, “Nda, yâ yẹ ka ịrẹyị ịzẹyịza ụ waa kà, dị ụ raa sịị zụ̀ aza nị. We mē re eyi ọza, ịzẹyịza oze Ohomorihi kẹnẹ, ụ sịị̄ zụ̀ aza nị.

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Ahẹ Ụgama 37:30

Aza ana aa mẹ ịzẹyịza vị ana aā kà ịrẹyị ịrẹyọyẹ, ịrẹyị ịzẹyịza ẹẹ̄ kà nị.

Oyinyima 17:1

Ẹkụhị ọnya Ẹnẹyịmavara o re ne tù Abụramị. Ịjọnọọọ, Abụramị ọ sị gụ ịrayị ẹnarẹwụ tụra ịhịịna. (909) Dị ọ kà a yị Abụramị dị ọ ka Ọnị ọ vị Ohomorihi Ochẹtẹẹngụ nị. Ọ kà Abụramị ọ̀ọ wụ́ ịrẹyị anị, asị ọ mẹ̀ ebira ene divi.

Oyinyima 6:9

Ịtọpa Inowa yị, Inowa ộ mẹ̀ ebira ana vọrọ ini eyi Ohomorihi. Ọnịnya kẹnẹ ọ rẹ ẹ̀ yị mẹ̀ ebira ohuvọ vụrụ-vụrụ ịnị avaba ụmẹ anị nị. Inowa ọnịrị Ohomorihi ệ rị vabẹ.

Ịmaakị 12:14

Dị ẹ vẹ nị, dị ẹ kà a yọ ka, “Nda, yâ yẹ ka ọnịrẹyịzẹyịza ụ vị nị. Wẹ yị yẹ ọzọbanyị, agụvị ka we mē re eyi aza. Ama ịzẹyịza oze Ohomorihi kẹnẹ, ụ sịị̄ zụ̀ aza nị. Ọ́ọ́ vọrọ ka yaa tụ́ ẹkẹhị irehi yị ohinọyị Aniroomi, à vị ọ yị vọrọ?

Iwe Ọhụhị Imosiisi ana aa hị́ Ọyịvatụrọda 33:10

Ẹnị ẹ vaa zụ aza awụ ka ẹ saasa ọda awụ nị. Ẹnị ẹ rẹ vaa mẹ̀ ịsọvọ ịrẹsụ ụta anị nị.

Iwe Ọhụhị Imosiisi ana aa hị́ Ọyịvatụrọda 33:8

Imosiisi mẹ̀ aduwa yị Anireevi ka; Ẹnẹyịmavara ọ navọ itumimi ọnịrị Urimi anị ẹ sị ịsị vị ọyịsị anị zụ wa ana vị aza anị. Wâ sị akanya zama wa re ẹtẹ Imasa ịnị enyi Imeriba agụvị dị wa yẹ ẹngụ aza ẹnị ẹ vị.

Iwe Ọhụhị Imosiisi ana aa hị́ Ọyịvatụrọda 33:9

Ẹnịnị ẹ sị zụ ka ẹnị ẹ nyị ịrẹsụ ọkahi yị wụ ẹtẹẹtẹrẹ huni aza ana ma wa ọnịrị ẹyịnyara ẹnịnị a vị ezi ẹnịnị. Ẹnịnị ẹ saasa ọda awụ dị ẹ sị ụvọ za ịrẹyị ana a ka tịtẹ.

Ahẹ Ụgama 37:37

Tangwa sị eyi pè aza ana aa mẹ̀ ebira ana vọrọ dị ẹ̀ yị mā mẹ akụvị ẹngụ aza ana vavọọ aa mẹ̀ ebira ozoza ệ nyị ẹhẹ tụ́ ịrẹma.

Ahẹ Ụgama 119:142

Ịzẹyịza ọnị ụụ̄ mẹ vị ana jẹẹ pooro zịna-zịna, ọda ọnị ụ mẹrẹ vị ịzẹyịza.

Ahẹ Ụgama 119:151

Ẹnẹyịmavara, ẹwụ vị ana rẹ gụrị ẹmị. Avaba ọda awụ vị ịzẹyịza.

1 Ịsamụwẹrị 2:12

Ezi Eri vị ana aa mẹ̀ ebira odivi. Ẹnịnị ẹ yị hị́ ịrẹyị Ẹnẹyịmavara ịrẹyị.

Ụhịrẹyị 5:2

agụvị wa yẹ ịsa a vọrọ ka wa mẹ̀, dị ịrẹyị irenu awụ ọọ sị zụ ka wa nyị ịrẹyọyẹ.