Ịmarakayị 2:3 - IWE ỌNỊNỊ

³ Ọ kà ọnị vaa pa ịva yị ezi ẹnịnị, dị ọnị vaa ịhyẹrẹ ịsụpa ẹnị ẹ sị va mẹ̀ ịsọvọ kụ wa eyi, dị ọnị rẹ dụ wa hụrẹ ọvịdị anị.

Ịmarakayị 2:3 Referans Kwoze

Ịnahụmị 3:6

Ẹnẹyịmavara kà ọnị vaa mẹ̀ ka aa nyị ịhyẹrẹ Ininivẹ. Ọnị vaa va wa nẹtẹ, dị ọzọza kụkụ aa sị eyi kẹnẹ-kẹnẹ re wa.

Ịmarakayị 2:9

Agụvị ka ẹnịnị ẹ yị saasa ịrẹyị anị, ọnị sị eyi wụ́ wa, dị ọnị mẹ̀ ụhị nyị wa eyi avaba aza nị. Òo si tù ka ẹ sị ọda Ohomorihi zụ aza, dị ẹ yaa nyị ọza remeyi.

Ijowẹrị 1:17

Dị avaba Ihu ịsa ọyịna ene ee chire wara ịnị ẹtẹ ọyịwụ̀. Agụvị ka ẹ yị nyị akụ ana vọrọ ka aa sị tụ ịnị ụ́hwọ́ di ụ́hwọ́ osusu ẹnẹẹ ee wu hi ẹtẹ nị.

1 Ohinọyị 14:10

Ẹnẹyịmavara kà agụvị avọọ ọ̀ yẹ o, ka ọnị aa kụ́ ịrẹyị odivi vee tù irehi Ijerobowami. Ọ kà avaba ezi ọnọrụ Ijerobowami ene hi ịnị ẹtẹ Isirẹrị vị ẹnị ọnị vaa wụ̀ vaa ha, hụụnị ozi na ngụ ịnị ọrịhị. Ọ kà ovwoovu Ijerobowami vị ọnị vaa rị ịra vaa ha anka a mẹẹ rị itutu ịra avọọ.

Ọyịkụra 29:14

Ama uye imaaru ọnọọ ọnịrị ịtụmpaha anị ne beri iruvu anị vị ọnị ụ vaa kụ́ ụ jịnẹ hụrẹ ịzị ụ jị udi tụ́ nịnị dị ụ na rị ọ ịra. Ịsị a sị mẹ̀ ịsọvọ ka ọ̀ kụ́ ịvị ohirẹsụ irehi Ohomorihi kwooze ọ vị nị.

1 Anịkọrịntị 4:13

Aza èee du yi ịrẹsụ, dị ẹyị aa kà ịrẹyị ọyịzaa hi wa. Anẹhẹ vị ana aa mẹ yị anka ịsa ini itutu avọọ. Vi ve tù ajịnị, vị aza ee yii re yi anka ịhyẹrẹ kẹnẹ avọọ nị.

Iruuku 14:35

Ọ yị nyị ịsị ọ kụkụ wụra mẹ ini eteesu, ọza ọ yị rẹ zụ sị mẹ ịsị ẹẹ̄ sị ẹtẹẹ zoza, vi e kuku ee ne e ta nị. Ọza ana àa nyị ụtọ ọyịsị wụ́ ịrẹyị, ọ̀ sị ụtọ pe ẹtẹ o!”

Ijeremaya 8:2

A vaa gara wa hi ịnị ọyị ọnịrị ụhwẹ beri ụzọmị ene hi ẹbẹẹba, ẹnị ẹnịnị maanị sì ịrẹyị anị dị ẹ yaa kụụ hẹkẹ. Ịsa ẹnẹnị Anijuda nịnị â saasa, dị a hi ka ẹnị ẹnịnị họ̀ use ịrẹyị, dị ẹ yaa hẹkẹ wa nị. Ọza ẹ ma vana kụ ẹchụkụ ẹnẹẹ gụ à vị ka è ne wa, ama a vaa kụ wa vàa hi ututu nị.

Ahẹ Ụgama 83:10

Wâ yẹ ka aza ẹnẹẹ vi ene vú ẹtẹ tụ́ ịzị aā hị́ Ẹndọ ịnị ụmẹ ọnọọ, dị ẹ vara itutu tụ́ ini eteesu ịzọọ nị.

Ijoovu 20:7

Vị ahị vaa kụ ọ anka edudu avọọ nị. Dị aza ana vịdị yẹ wa kụkụ aa họ̀ ka ịzị e hi.

Ireevi 26:16

Ụya ọnị vaa sị rị wa yị: Ọnị vaa kụ ẹngụkata odivii tù wa; ụkụ ẹnẹ ẹ̀ yị ma wụ́ ahọ̀nọ ọnịrị ọvanggoro ene vee gù wa eyi vaa za wa, dị ee du wa ẹhẹẹ ha. Ọ kà ịrụkụ ọọhẹ ẹ́ vaa kụ nị, agụvị ka, ọnịvị ẹnịnị ẹ vaa rị ịsa ịnị aarẹ ẹnịnị nị.

Iwe Ọhụhị Imosiisi ana aa hị́ Ọyịvatụrọda 28:38

U vee chire ịsa tatarata tụ ịnị aarẹ ama dị a hịka ịsa kiiki aanị u re hụụnị anị nị; agụvị ka akụvarịva vị ene vee du waa ha.

Ahẹ Ụgama 47:5

Ohomorihi o si hu aa vàa hịrẹ ọ màa na, dị aza ee nowu, di e yee hú ọpanyị, dị ẹ yaa jẹ ịrajẹ nị.

Ijowẹrị 1:10

Aarẹ vị osusu; dị ẹtẹ aa jị òrèrè agụvị ka e reè du akụ ẹnịnị ha, ọchị ịvayịnị ana aā sị mẹ̀ eche ẹ kụ̀ wụ̀, dị ọchị orivi ana aa sị mẹ̀ angwẹ sị wara nị.