Ịmarakayị 2:10 - IWE ỌNỊNỊ

¹⁰ Dị Ịmarakayị ka, aanịka ẹ yị vị ada ọnya ọ ma ayị? Áa vị ẹ yị vị Ohomorihi ọnya ọ tụ yị vẹ ẹhẹ? Sị ẹ vaa vẹ di e yee vene ẹngụ? Sị ẹ vẹ dị ẹ yaa sị eyi kẹnẹ-kẹnẹ re ịsa ọnị Ohomorihi ka ọnị a mẹ yị ohiku ẹnịnị?

Ịmarakayị 2:10 Referans Kwoze

Ahẹ Ụgama 100:3

Yẹ nịnị ka Ẹnẹyịmavara ọ vị Ohomorihi nị. Ọnị ọ mẹ yị nị, ẹ yị vị ẹyị ụvọta ọ mẹ ẹngụ ayị. Aza anị ị vị nị, dị aa tẹsị ayị anka ọza ana nyị atẹmẹ mẹ̀ẹ tẹsị atẹmẹ anị avọọ nị.

Ịmarakayị 2:11

Ezi Anijuda nịnị ẹ yị mẹ ịzẹyịza ka Ẹnẹyịmavara na. Ụ̀nọ̀ ọnị ẹ yaa mẹ ọ sị charaga hi Ijerusarẹmị ọnịrị ẹtẹ Anisirẹrị ana vọ. E re du irehi Ẹnẹyịmavara. Irehi ọnọọ vị ọnị Ohomorihi sì ịrẹyị anị. Anọrụ ẹnịnị ẹ na raà nyị anẹẹ ana hẹkẹ ori.

1 Anịkọrịntị 8:6

Ohomorihi ọnya ẹyị yẹ nị. Ọnị ọ rẹ vị Ada ayị nị. Ọnị ọ mẹ avaba ịsa nị, ọnị ị yàra yị nị. Ananyị yị rẹ vị ikonya chọchọchọ. Ọnị ọ vị Ijeesu ohinọyị oni Ohomorihi nyị ka ọ̀ dọ yị há nị. Ini oze anị Óhomorihi yà mẹ avaba ịsa nị. Ịnị ụvọ anị ẹhẹ ayị rẹ yà nị.

Anẹhwẹsọsị 4:6

Ohomorihi ana vị Ada avaba aza rẹ vị ọnya. Ọnị ọ nyị avaba ịsa nị, dị ọ rẹẹ̄ sị avaba ịsaa mẹ̀ ụkọrọ nị. Ọ rẹ yà ịnị avaba ịsa.

Ayịsaya 63:16

Ẹwa vị ada ayị nị. Ohiku ayị Abụrahamị ọnịrị Ijekọvụ ẹ yị yẹ yị, ama ẹwụ Ẹnẹyịmavara ọ vị ada ayị. Ẹwa vị ọza anaa dọ yị ha pooro nị.

Ayịsaya 64:8

Ama Ẹnẹyịmavara, ẹwa yị vị Ada ayị nị. Vị́ ị sị mẹẹ ụmọpa avọọ, dị ẹwụ sị mẹẹ ọjụnọkọ avọọ nị. Ụkọrọ ụvọ awụ ị vị̀ nị.

Odeyi 7:26

Eyinẹhẹ anị, o re ne tù ka Anisirẹrị ẹẹva aa zyaazị. Dị ọ ka oni ee nee ji wa nị. Dị ọ ka: ‘Ẹwụ nịnị ẹyịnyara amị, ẹyịnyara ụ vị nịnị nị, sị ẹ vẹ dị ụ waa chamayịị yị ẹngụ nịnị?’

Imatiwu 3:9

Asị u ne roo, dị ụ waa kà a ịnị ayị awụ nịnị ka, ‘Ị yàaa nyị Abụrahamị ana vị ada ayị nị.’ Dị ma kà a yị wụ nịnị ka Ohomorihi ọ zụ sị ịrẹta ẹnẹnị dị ọ sị vara ezi yị Abụrahamị

Ịjọọnụ 8:41

Ịsị ada awụ nịnịị̄ mẹ, ụ waa mẹ nịnị nị.” Dị ẹnịnị rẹ ka, “Yẹ yị vị ozi ọta, Ohomorihi ọnịnya ọ vị Ada ọnị ị nyị nị.”

Imatiwu 22:16

Dị ẹ tụ́ ezirẹma ẹnịnị beri aza Ịhẹrọdị nịnị ne tù Ijeesu nị. Dị ẹ ka, “Ọga, yâ yẹ ka ọnịrẹyịzẹyịza ụ vị nị. Ịzẹyịza Ohomorihi kẹnẹ, ụ sịị̄ zụ̀ aza nị. Wẹ yị yẹ ọzọbanyị, agụvị ka we mē re eyi aza.”

Imatiwu 10:21

Ẹyịnyara ẹnyị vee sì iruvo ọsa, ka à wụ ọọ. Ada vee sì iruvo ezi anị. Dị ezi kwẹẹtẹ tù aza ana ma wa, dị ẹ mẹ ka à wụ̀ wa.

Ịmarakayị 2:8

Ẹnẹyịmavara kà ẹnịnị ohirẹsụ irehi Ohomorihi ẹ sị ha hụrẹ oze ịrẹyị ịzẹyịza. Ẹ raà mẹ aza ọrụrụ-ọrụrụ ka e nyee eyi agụvị ka e yee cheeche tụ ịnị ịrẹyị Ohomorihi. E reè du ịsị Ohomorihi ka yị Anireevi ka ọnị vaa mẹ yị wa.

Ịmarakayị 1:6

Ẹnẹyịmavara Ochẹtẹẹngụ ộ kà a yị ohirẹsụ irehi Ohomorihi nịnị ka, ozi vị anaā sịị ụbanyị yị ada anị, di ozi ahụ ọnị rẹ sị ịrẹsụ nẹtẹ yị ọga anị. Ọnị ọ̀ọ vị ada ẹnịnị, dị ọnị vị ọga ẹnịnị nị, sị ẹ vị ụbanyị ada ọnịrị angwahi ọga ẹnị ẹ nyị yị ọnị? Dị ọ rẹ ka ẹ raa si eyi oweyi re ọnị nị. Ama dị ẹ yaa họ̀ ọ use ka, ẹnị mẹmẹ sị eyi oweyi re e nị?

Ezikẹẹrị 33:24

Ozi-ọza, aza ana ra hi ẹkụra-ẹkụra ana jị eburu ịnị ẹtẹ Isirẹrị aanị, aa kà a ka, Abụrahamị vị ọnịnya, di a sị ẹtẹ ọnọnịị yị ọ. Ẹnị ẹ́ sị rụrụ booro aanị, ẹnị ẹ nyị ẹtẹ ọnọọ nị.

Ayịsaya 51:2

Ịzẹyịza, tamayị ka Abụrahamị ọnịrị Isera ẹ vị ohiku awụ nịnị. Ẹnẹyịmavara ộ mẹ̀ ka Abụrahamị ọ́ ma ozi ọrụrụ ịzị ụ chị hụrẹ vẹ nị.

Ayịsaya 44:2

Ẹmị a vị Ẹnẹyịmavara ana tụ́ wụ nịnị nị; hụrẹ ụmẹ ana a sị ma wụ, m maa gụ wụ ụvọ nị. Asị ụ hí angwa; ezi ahụ amị ụ vị nịnị nị, ẹma nyị wụ nịnị mẹ aza amị, dị mị sì ịrẹyị awụ nịnị nị.”

Ayịsaya 43:15

Ẹma vị Ẹnẹyịmavara, Ohomorihi awụ nịnị ana vị Ọnịnị nị. Anisirẹrị, Ẹma tụ́ wụ nịnị nị, dị mị rẹ vị ohinọyị awụ nịnị nị.”

Ayịsaya 43:7

Avaba aza ana aa sị ịrẹha amịị hị́, vị ọnị mị tụ́ ka ẹ̀ vaa sị ụbanyịị yị mị. Ẹ̀ ma tụ́ wa nị.”

Ayịsaya 43:1

Isirẹrị, Ẹnẹyịmavara ana tụ́ wụ ka, “Asị ụ hí angwa ka mị vaa dọ wụ ha. Ma raà sị ịrẹha awụ hị́ wụ, áamị ụ vị nị.

Ijoovu 31:15

Aanị ka ẹ yị vị Ohomorihi ana tụ mị vẹ ẹhẹ ọ rẹ tụ ẹnị? Aanị ka ẹ yị vị Ohomorihi ọnya ọ mẹ ẹyị tụ ịnị ịnẹ ọnyị ayị?

Inehemaya 13:29

Ẹwụ Ohomorihi amị, tama ayị aza ẹnẹnị mẹmẹ jịnẹ ọda ụkọrọ ohirẹsụ irehi Ohomorihi beri oto oni u wo yi ohirẹsụ irehi Ohomorihi ọnịrị Anireevi nịnị.

Ijosuwa 24:3

Ama dị Ẹnẹyịmavara sị Abụrahamị hụrẹ akẹnẹ Okuha Iyuhwireti, dị ọ zụ ọ oze va ngụ ẹtẹ Ikanaani nị. Dị Ẹnẹyịmavara mẹ ize yị ọ nị. Dị ọ ma Ayiziiki ana vị ozi ịpaapa ịnị evere anị.

Ọyịkụra 19:5

Kà a ka ẹ̀ẹ wụ́ ịrẹyị amị, dị ẹ jẹẹ pè avaba ọda ọnị mị mẹ. Ẹnị mị vaa sịị mẹ ogu amị ịnị avaba anẹkụra ene hi ẹhẹ nị. Ịzẹyịza ẹma nyị avaba ẹhẹ nị,

Anihiburu 12:9

Ada ayị ịnị ẹhẹ ọnọnịị̄ sị ụyaa rị yị, dị ị ká ịrẹsụ hi yị wa. Wéé ro ka ayị vọrọ ka ya ká ịrẹsụ hi hu avọọ yị Ada ayị ẹbẹẹba, dị ya zụ yára?

1 Anịtẹsaronika 4:6

Asị a nyị ọza ana na mẹ ịvị, dị ọ̀ na rị ọdọwụ ọnọhụva anị ẹtẹ ahụ ịnị ịsọnyị-ịsọnyị! Ọza ana àa vavọọ mẹ, vị Ohomorihi Ananyị yị ee sí ọọ atọ nị. Yáa vịdị vavọọ sị ọọ kà wụ nịnị, dị ị kà wụ nịnị ọ̀nọ̀ nị.

Anẹhwẹsọsị 4:25

Agụvị avọọ, asị u rè kuku cheeche nịnị! Ọzọza ọ̀ọ kà ịzẹyịzaa yị ọnọhụva anị, agụvị ka avaba ayị vị ọnya.

Aniroomi 9:10

Ẹ yị vị ọnọọ kẹnẹ; Irebeka ộ ma ezi ẹẹva, ana ada ẹnịnị vị ọnya. Ada ẹnịnị ọnọọ ọ vị Ayiziiki, ohiku ayị nị.

Aniroomi 4:1

Sị ị nyẹngụ ka booro aanị ini oze ịrẹyị Abụrahamị ana vị ohiku ayị? À vẹ ya zama ịsị Abụrahamị re daa re!

Odeyi 17:25

Ẹ yị nyị ịsị ọ̀ yị nyị, agụvị avọọ ẹ yị nyị ka ọza ọ̀ na sị ụvọ anị mẹ̀ ụkọrọ dị ọ̀ sị ịsa va yọ. Ọnị ọ vanaā sị ụhwẹẹ yị aza ọnịrị avaba ịsa ana vọ nị.

Odeyi 7:2

Dị Isitivini ka, “Ẹwụ nịnị anda ayị ọnịrị ada ayị nịnị, batọ ịrẹyị amị nịnị! Ohomorihi onigirima ộ sị ẹngụ zụ̀ Abụrahamị ada ayị, ịnị ụmẹ ọnọọ sị yà Imesopotamiya, dị ọ va na ra Ị́haraanị.

Ịjọọnụ 8:56

Abụrahamị ada awụ nịnị ọnị ộ jẹ ịrajẹ ka oni vee re ụmẹ amị. Ịzẹyịza ô re e, ịnẹ anị ô hine.”

Ịjọọnụ 8:53

Ewéé kuku ve huna Abụrahamị ada ayị, ene sú nị? Ọnịsẹ nịnị ẹnị e re wusu. Sị ụ vị ana sị ẹngụ awụ hị́ ka wáa vị?”

Ịjọọnụ 8:39

Dị ẹnịnị tụ́ ohi, dị ẹ ka, “Abụrahamị ọ vị ada ayị nị.” Dị Ijeesu kà a yị wa ka, “Àa vị ezi Abụrahamị ụ yaanị vị nịnị obooro nị, ụ yaanị aa mẹ̀ ịsa ana Abụrahamị mẹ nịnị.

Iruuku 3:8

Mẹ ịsa ana vọrọ nịnị kẹ, ana vaa sị zụ̀ ka we reè ro ịnẹ varẹma nịnị! Asị u ne ro o, dị ụ waa kà a ịnị ayị awụ nịnị ka: ‘Ị yàaa nyị Abụrahamị ana vị ada ayị nị,’ Dị ma kà a yị wụ nịnị ka Ohomorihi ọ zụ sị ịrẹta vara ezi, dị ọ sị yị Abụrahamị.

Iruuku 1:73

Ộ hị́ eku yị Abụrahamị ada ayị

Odeyi 17:24

Ohomorihi ana mẹ ẹhẹ ọnịrị avaba ịsa ene hi ịnị anị, ọnị ọ nyị ẹbẹẹba ọnịrị ẹhẹ nị. Ọ mā ra ini irehi ana aza dà.

Odeyi 17:26

Hụụnị oze ọza ịnya ọ zị mẹ avaba anẹhẹ nị, dị ọ mẹ ka ẹ̀ ra hi avaba ẹhẹ nị. Dị ọ sị eto mẹ tịtẹ ụmẹ ana aza vaa sị ra, ọnịrị ịzị ẹ vaa ra nee tù nị.

Ọyịkụra 19:4

Kà a ka ọnị ụvọta ê re ịsa ọnị mị mẹ Anijipiti nịnị, dị ahịka mị kụ́ ẹnị jịnẹ hụrẹ Ijipiti anka ukokoro mẹ̀ẹ kụ́ ezi anịị hi ịnị avaka di o hira avọọ nị. Dị mị vavọọ kụ́ wa va yị ẹngụ amị nị.

Ọyịkụra 24:3

Imosiisi ộ na dị ọ na kà a yị aza ẹnẹẹ avaba ịrẹyị ẹnị Ẹnẹyịmavara kà ọnịrị ọda ọnị ọ mẹ nị. Dị Anisirẹrị nịnị sị irenu tọ̀ ọnya dị ẹ ka avaba ịsa ẹnị Ẹnẹyịmavara ọ̀ọ ka ẹnị vaa mẹ nị.

Ọyịkụra 24:7

Dị ọ va sị iwe ana chẹrẹ ịzẹzẹ anị Anisirẹrị zẹẹ Ohomorihi tụ́ dị ọ kà a zụ̀ aza ẹnẹẹ nị. Di e tụ́ ohi dị ẹ ka ẹnị ệ dọ, ẹnị vaa mẹ avaba ịsị Ẹnẹyịmavara ọ̀ọ mẹ ọda anị.

Ijeremaya 31:9

Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Ayịsaya 64:7

Ẹ yị nyị ọza anaa hị́ ịrẹha awụ. Ẹ yị nyị ọza anaa vẹ ịdị awụ vee sì ọgụvọ. Wa raa sị ẹngụ awụ tẹ̀ yị, wa raa hụrẹ yị ụvọ, agụvị ebira odivi ayị.