Ịmarakayị 1:9 - IWE ỌNỊNỊ

⁹ Ama Ẹnẹyịmavara Ochẹtẹẹngụ ka, ịrẹma ẹnị ẹnịnị ohirẹsụ irehi Ohomorihi maanị aa mẹ, dị ẹyaa yị da ịpẹ baaba ka ọnị ọ vayị ẹnịnị, éé ro ka ọnị ve tu wa ohi?

Ịmarakayị 1:9 Referans Kwoze

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.

Ijeremaya 27:18

Ẹnẹyịmavara kà àa vị ọnịsẹ ẹ vị nị, dị ẹ ka ọnị ộ tụ ẹnị ụtụ nị, ẹnịnị ẹ̀ dà ịpẹ yị ọnị ka, asị ọnị Ẹnẹyịmavara Ochẹtẹẹngụ kụkụ zẹẹ ka à kụ ẹnya ana vọ tụ ịnị irehi anị ọnịrị ịnị irehi Ohomorihi ana yà Ijerusarẹmị aanị na tụ Ịbabịrọnị kẹ.

Ọyịkụra 32:11

Ama di Imosiisi aa dá ịpẹẹ yị Ẹnẹyịmavara ana vị Ohomorihi anị nị. Dị ọ ka, “Te, Ẹnẹyịmavara, Wâ yẹ ka ụkata-ụkata ụ sị kụ́ aza ẹnẹnị hụrẹ Ijipiti nị. Navọ asị ụ kà ka waa kụ́ ayịị hi wa naa ngụ ịzị ayị kụ́ wụ ne tù.

Aniroomi 2:11

agụvị ka Ohomorihi ọ mā nyị ọza remeyi.

Ịjọọnụ 9:31

Yâ yẹ ka Ohomorihi ọ mā sị ụtọ pe ịrẹyị ọnịvị. Ọza ana àa hẹkẹ Ohomorihi, dị ọ raa mẹ̀ ịsa oni Ohomorihi sì nị, ọnị Óhomorihiī sị ụtọọ pe nị.

Ijeremaya 26:19

Ihezekaya ohinọyị Ijuda ọnịrị Anịjuda nịnị ẹ́ yị hụvị avọọ wụ ọ. Ama Ihezekaya ô hí angwa Ẹnẹyịmavara dị ọ dá ịpẹ yọ nị. Ịzẹyịza Ẹnẹyịmavara ộ và hụụnị avaba ụya ọnị ọ ka ọnị aa sịị rị wa. Ẹ ka, vị ẹnị aa vaa kụ ẹngụkata odivi tù ẹngụ ẹnịnị aanị nị ọ.

Ijowẹrị 2:17

Ohirẹsụ irehi Ohomorihi nịnị ana vi ezi ahụ anị, ẹ jẹẹ ịnị akakana ụta ịsọvọ ọnịrị oze irehi Ohomorihi, dị ẹẹ jị òrèrè, dị ẹẹ mẹ̀ aduwa: Dị ẹ da ịpẹ ka Ẹnẹyịmavara ọ vayị aza anị. Asị ọ zẹ ka anẹkụra ọsa nịnị ẹ sị eyi wụ̀ wa, dị ẹẹ nyi wa unyi, di e yee họ̀ use ka ịzị Ohomorihi ẹnịnị ya.

Arụwẹ 2:19

Ẹ̀ kwẹẹtẹ ịrahụ dị ẹẹ jị òrèrè boro-boro hi Ananyị yị ẹngụ. Ẹ̀ va ụvọ hịrẹ dị ẹẹ sị ayị ọnyara da ịpẹẹ yị ọ agụvị ezi ẹnịnị ọnị ụngwẹ aa wụ hi avaba aha aanị.

2 Ịtọpa 30:27

Dị ohirẹsụ irehi Ohomorihi ọnịrị Anireevi mẹ̀ aduwa ka Ẹnẹyịmavara ọ mẹ ka oze yị wa. Dị Ohomorihi ya ịneku dị wa aduwa ẹnịnị dị ịsọvọ ẹnịnị dọ̀ ọ rị nị.

Ijowẹrị 2:12

Ẹnẹyịmavara kà booro aanị, ẹ sị ayị ọnya ro ịnẹ hụụnị ebira odivi ẹnịnị, dị ẹ va ka ọnị vẹ. Ẹnịnị ẹ va ẹngụ hi, dị ẹẹ jị òrèrè, asị ẹẹ rị ịsa.

Emọsị 5:22

Ọ kà ọnị ẹ yị vaa dọ ịsọvọ ọnị ẹ yaa mẹ̀ ọnị ẹ yị va kana eyi si ịsọvọ ẹngwọọrọ ẹnịnị