Ịmarakayị 1:8 - IWE ỌNỊNỊ

⁸ Ẹ̀ẹ vị avọọ, áá vọrọ ka ẹẹ sị ịsụpa ene gu eyi ọnịrị ene che ahụ beri ẹnị ụkụ za va mẹ̀ ịsọvọ yị ọnị? Ẹ́ẹ́ zụ sị ẹngụ ịsa ẹnẹẹ na yị Ịgọvọnọ ẹnịnị? Ẹnẹyịmavara Ochẹtẹẹngụ kà, ẹnịnị éé ro ka ayị Ịgọvọnọ ẹnịnị ọnọọ vee hine tụ ẹnị?

Ịmarakayị 1:8 Referans Kwoze

Iwe Ọhụhị Imosiisi ana aa hị́ Ọyịvatụrọda 15:21

Ama àa nyị ịsụpa ene che ahụ, a vị dị o gu eyi nị, a vị dị a nyị ịsa ọsa ana mẹ̀ ẹ nị, asị ẹ sị ẹngụ ịsụpa ẹnẹẹ mẹ̀ ịsọvọ yị Ẹnẹyịmavara Ohomorihi

Ihoseya 8:13

Ẹnịnị ẹ̀ẹ daka sị ịsa ịsọvọ ana vọrọ mẹ̀ ịsọvọ, dị ẹ rị ọ nị, ọnị ẹ yị dọ ịsọvọ ẹnịnị. Ọ kà ọnị ẹ yị vaa sị eyi hụụnị ebira odivi ẹnịnị. Ọnị aa sị ụya ịvị ẹnịnị rị wa. Ẹnịnị vaa varẹma nọ Ijipiti.

Ijeremaya 14:10

Ẹnẹyịmavara ộ ka a ịnị ịpa aza ẹnẹnị ka, ẹnịnị ee sì ka ẹnị ee zwee hụrẹ ọnị ẹngụ, ẹnịnị ẹ́ ma sị ụvọ za ẹngụ ẹnịnị; avọ ayị anị e yi kuku hine tu wa. Ọnị vaa tamayị avaba ịrẹyị ọhịmị ọnị ẹ mẹ dị ọnị ọ̀ sị ụya anị rị wa ọ yaa nị.

Ahẹ Ụgama 20:3

Ohomorihi ọ̀ navọ avaba ịsọvọ ọnị waa mẹẹ yọ ọ̀ ngụ ọ eyi, dị ọ̀ dọ.

Ijoovu 42:8

Ịzịịzọọ, ẹnịnị ẹ na sị ụnọ ịhịmba, ọnịrị ịdẹba ịhịmba ne tu Ijoovu, dị aa sị mè ịsọvọ ana aā rị ịra. Ẹnẹyịmavara kà ọnị vaa wụ́ aduwa ọnị Ijoovu ọ̀ọ mẹ̀ yị wa. Ọnị ẹ yị va mẹ̀ ụhị nyị wa anka ebira ẹnịnị. Ẹnịnị ẹ yị ka ịzẹyịza anka Ijoovu.

Ịmarakayị 1:10

Dị ọ kà, ayị anị eyi hine tu ịsọvọ ẹnịnị. Aa yẹ a hyakụ kụkụ gu oze hi irehi anị ọnọọ. Dị asị ẹnịnị kụkụ hu ịra tụ ịzọọ agụvị ka ayị anị e yi hine tụ ịnị ịsọvọ kẹnẹ-kẹnẹ ọnị ẹyaa mẹ avọọ.

Ịhagayị 1:1

 nyị ọnọrụ ọnya aanị, ọnị ịrẹha anị rị Ịhagayị. Ọnịsẹ Ohomorihi ọ vị nị. Ịnị ẹkụhị ịpaapa ini ụhwẹ ịhịnọnyị ịrayị ọhụva ọnị Ịdarịyọsị sị rị ohinọyị, Ẹnẹyịmavara sị tu ọ ụtụ nị. Ẹnẹyịmavara ộ tu ọ hi Izerubabẹrị ana vi Ịgọvọnọ ẹtẹ Ijuda, ọnịrị Ijosuwa ana vi ohirẹsụ irehi Ohomorihi. Izerubabẹrị vi ozi Isiritiyẹrị, di Ijosuwa ọnị vi ozi Ijehozadaki nị.

Ịmarakayị 1:7

Dị Ẹnẹyịmavara kà, aanị ẹ mẹmẹ sị eyi oweyi re ọnị nị. Ọ kà a yaa sị ịsọyịrị enyisi vaa mẹ̀ ịsọvọ ịrẹsụ ụta anị. Dị ẹ yaa họ̀ ọ use ka ẹnị mẹmẹ du ụta anị ẹngụ? Dị Ẹnẹyịmavara kà e yee ro ka ẹ yị nyị ịsị aha ịsọvọ anị vị.