Ịmarakayị 1:6 - IWE ỌNỊNỊ

⁶ Ẹnẹyịmavara Ochẹtẹẹngụ ộ kà a yị ohirẹsụ irehi Ohomorihi nịnị ka, ozi vị anaā sịị ụbanyị yị ada anị, di ozi ahụ ọnị rẹ sị ịrẹsụ nẹtẹ yị ọga anị. Ọnị ọ̀ọ vị ada ẹnịnị, dị ọnị vị ọga ẹnịnị nị, sị ẹ vị ụbanyị ada ọnịrị angwahi ọga ẹnị ẹ nyị yị ọnị? Dị ọ rẹ ka ẹ raa si eyi oweyi re ọnị nị. Ama dị ẹ yaa họ̀ ọ use ka, ẹnị mẹmẹ sị eyi oweyi re e nị?

Ịmarakayị 1:6 Referans Kwoze

Iruuku 6:46

“Sị ẹ vẹ dị waa hị́ mị ‘Ananyị yị, Ananyị yị’, ama dị ụ wẹ yị mẹ̀ ịsa ọnị mị kà?

Ayịsaya 1:2

Ẹnẹyịmavara kà ihinẹba ọnịrị ẹtẹ ẹ wụ́ ịrẹyị ọnị ọnị aa vaa kà aanị. Ọ kà ezi ọnị ọnị pá, ẹ sị vịra, di e nyima dị ẹ yaa kụ̀ụ hịrẹ ọnị nị.

Ọyịkụra 20:12

Sị ụbanyị yị ọnyị awụ ọnịrị ada awụ agụvị di we zụ kú orubo ịnị ẹtẹ ẹnị ẹmị Ẹnẹyịmavara ana vi Ohomorihi awụ aa sịị yị wụ.

1Ipita 1:17

Wàa mẹ̀ aduwa nịnị, ụụ̄ hị́ Ohomorihi: Nda, nịnị. Ohomorihi àaa mẹ̀ ọkarẹyị aza anka ịsị ẹ mẹ, ọ mā mẹ irikichi; agụvị avọọ, nyị angwahi Ohomorihi ịnị avaba ịsa ọnị ụ waa mẹ nịnị, ụ mẹ̀ vị ọzọga hi ẹhẹ nịnị booro aanị.

Ihoseya 12:8

Ẹnịnị aa kà a ka ẹnị ẹ nyị ẹkẹhị ama ẹ yị nyị ọza ana zụ za ẹnịnị ka ẹnị aa mẹ̀ ọza rị, dị ọ va vị ịvị yị ẹnị.

Ayịsaya 64:8

Ama Ẹnẹyịmavara, ẹwa yị vị Ada ayị nị. Vị́ ị sị mẹẹ ụmọpa avọọ, dị ẹwụ sị mẹẹ ọjụnọkọ avọọ nị. Ụkọrọ ụvọ awụ ị vị̀ nị.

Anẹhwẹsọsị 6:2

“Sị ụbanyị yị ada awụ ọnịrị ọnyị awụ!” Ọnọọ ọ vị ọda ịpaapa oni Ohomorihi kà a tụ́ ịnị anị ka ọnị vaa mẹ̀ ịsa ọyịzaa yị ọza nị. Ọ́ọ kà a ka:

Ụhịrẹyị 30:17

Ozi anaā sịị ada anị ọnịrị ọnyị anị mẹ̀ enyinyi, dị ẹ yị wụ́ ịrẹyị ọnyị anị vị ana vaa vị oku ụ̀ba.

Imatiwu 7:21

“Ẹ yị vị avaba aza ana aa hị́ mị ka: ‘Ananyị yị!’ ẹ vaa ngụ ịzị Ada ayị ẹbẹẹba yà aa mẹ ịjọva; ẹ̀ yị vị aza ana aa mẹ̀ ịsa ana Ada amị ẹbẹẹba sì ka ẹ̀ mẹ.

Imatiwu 6:9

Agụvị avọọ, waa mẹ ẹngụ aduwa ọnọnị nịnị: Ada ayị ẹbẹẹba, ya sị ụbanyịị yị ịrẹha awụ;

Ụhịrẹyị 30:11

Aa nyị aza ẹnyị anaā kụ̀ ada ẹnịnị ụhụ. Avọọ ẹ mẹ rẹẹ̀ ka chire ọnyị ẹnịnị nị.

Iwe Ọhụhị Imosiisi ana aa hị́ Ọyịvatụrọda 5:16

Sị ụbanyị yị ọnyị awụ ọnịrị ada awụ anka Ẹnẹyịmavara ana vị Ohomorihi awụ agụvị dị we zụ kú orubo, dị o zee yị wụ ịnị ẹtẹ ọnị Ẹnẹyịmavara ana vị Ohomorihi sịị yị wụ.

Ireevi 19:3

Ọzọza ọ̀ sị ụbanyị yị ada anị ọnịrị ọnyị anị, dị ẹ̀ sị ụvọ za ịrẹyị ẹkụhị ụhwọtụ anka ọnị mẹ mẹẹ ọda yị wa, ọnị ọ vị Ẹnẹyịmavara, Ohomorihi ẹnịnị nị.

Ịmaakị 10:19

Wâ yẹ ọda oni Ohomorihi mẹ ka: Asị ụ wụ̀ ọza; Asị ụ sẹ̀ ịrẹka; Asị ụ yi oyi; Asị u dọ ivenu ireche; Asị ụ mẹ ọza rị. Sị ụbanyị yị ada awụ ọnịrị ọnyị awụ.”

Imatiwu 19:19

Sị ụbanyị yị ada awụ ọnịrị ọnyị awụ! Di u we sì ịrẹyị ọnọhụva anka ẹngụ awụ!”

Ihoseya 4:6

Ẹnẹyịmavara kà eyogu aa wụ́ aza anị. Ohirẹsụ irehi anị nịnị ẹ yaa mẹ̀ akamawụ hị́ ọnị. Ọnị o yi wa tịtẹ agụvị ka ẹnịnị e hi ayị ịrẹyị anị. Agụvị avọọ ọnị ẹ yị vaa tamayị ezi ẹnịnị.

Ezikẹẹrị 22:26

Ọdọvịdị irehi ẹnịnị ẹ́ yị saasa ọda anị. Ẹnịnị sị ụbanyị yị ịsị ọnịnị (ana vị Ohomorihi). Ẹnịnị ẹ́ yị zẹẹ ka à yẹ ịsị ana vị ọnịnị tụ irenyi yị ịsị ana vọ. Ẹnịnị ẹ́ yị kọ ọ yị aza ka ẹ̀ yẹ ịsị ana nị ọnịrị ẹnẹ ẹ̀ yị nị. Ẹnịnị ẹ̀ yị rẹ sị ụbanyị yị ẹkụhị ụhwọtụ anị nị.

Ijeremaya 23:11

Ẹnẹyịmavara kà, ọnịsẹ nịnị ẹnịrị ohirẹsụ ireehi Ohomorihi nịnị bẹẹ ẹ yị mẹ ịsị e zee Ohomorihi eyi. Aza edivi ẹ vị nị. Ọ kà ọnị ộ za wa ẹ́ maa mẹ̀ ịsị odivi ịnị irehi anị bẹẹ.

Imatiwu 15:6

ẹ yị nyị ka ọ̀ kụkụ tẹsị ada anị ọnịrị ọnyị anị. Aanị ụ mẹ̀ navọ ọda Ohomorihi tịtẹ, dị ụ sị ido oni ohiku awụ nịnị jị, dọ ọ ịrẹsụ nị.

Ịmarakayị 2:8

Ẹnẹyịmavara kà ẹnịnị ohirẹsụ irehi Ohomorihi ẹ sị ha hụrẹ oze ịrẹyị ịzẹyịza. Ẹ raà mẹ aza ọrụrụ-ọrụrụ ka e nyee eyi agụvị ka e yee cheeche tụ ịnị ịrẹyị Ohomorihi. E reè du ịsị Ohomorihi ka yị Anireevi ka ọnị vaa mẹ yị wa.

Iruuku 10:29

Ama ọzwọzọda ọnọọ ee sì ka ọnị ọ̀ jị ịhị yị ẹngụ anị; dị ọ họ̀ Ijeesu ka, “Ẹnẹ vị ọnọhụva amị kẹ?”

Iruuku 6:36

Waa vayị ọza, anka Áda awụ nịnị mẹ̀ẹ̄ vayị ọza.”

Ịmaakị 7:10

Imosiisi ộ vịdị kà a ka: ‘Sị ụbanyị yị ada awụ ọnịrị ọnyị awụ!’ Ọ rẹ ka ọza ana àa kà ịrẹyị odivi hi ada anị, ọ̀ọ vị ọnyị anị, à wụ ọọ!

Ijeremaya 31:9

Ọ kà, aza anị vaa vàa vẹ dị eyee sụ ùnè, ọnị ọọ kụ wa aa vàa vẹ dị ẹyaa mẹ̀ aduwa. Ọnị vaa zụ wa oze naa ngụ ịnị okuha ana nyị enyi, ọnị vaa kụ wa vaa tụra oze ana swa, ẹnịnị ẹ́ yị vaa vangga. Ọ kà, Ada ọnị vị yị Anisirẹrị nịnị nị, dị Ehwireemi vị ozi ịpaapa anị nị.

Iruuku 18:20

Wâ yẹ ọda oni Ohomorihi mẹ ka: Asị ụ sẹ̀ ịrẹka; Asị ụ wụ̀ ọza; Asị u yi oyi; Asị ụ dọ ivenu ireche; Sị ụbanyị yị ada awụ ọnịrị ọnyị awụ.”

Imatiwu 15:4

Ohomorihi ộ mẹ̀ ọda ka ‘Sị ụbanyị yị ada awụ ọnịrị ọnyị awụ!’ Ọ rẹ ka ọza ana àa kà ịrẹyị odivi hi ada anị, ọ̀ọ vị ọnyị anị, à wụ ọọ.

Ihoseya 5:1

Batọ, ẹwụ nịnị ohirẹsụ irehi Ohomorihi! Sị ụtọ pe ẹtẹ ẹwụ nịnị Anisirẹrị, batọ ẹwụ nịnị anovwoovu ohinọyị! A vọrọ ka wa sị ịzẹyịza mẹ̀ ọkarẹyị nịnị. Agụvị avọọ ọkarẹyị aa vẹ ịrẹsụ awụ nịnị! Ẹnịnị ê vene aza naa hẹkẹ ori ene hi ịnị ataba Imizipa ọnịrị Ịtabọ

Iwe Ọhụhị Imosiisi ana aa hị́ Ọyịvatụrọda 1:31

ọnịrị ịnị ụnọmị. Ẹnẹyịmavara Ohomorihi awụ nịnị vị ana sị wa anka ọnyị mẹẹ̄ sị ozi avọọ. Avọọ ọ mẹ sị wa ve tu ụmẹ ọnọọ nị.

Ahẹ Ụgama 123:2

Wâ yẹ ezi ahụ mẹ̀ẹ tụra ọga ẹnịnị eyi, avọọ ị maa tụra wụ eyi nọ, Ẹnẹyịmavara ana vị Ohomorihi ayị. Avọọ ị maa tụra wụ eyi pooro dị wa mẹ ayamva yị nị.

Ụhịrẹyị 17:6

Ọzọkụ nịnị vị anaa sị aazị mẹ ụbanyị, avọọ ezi nịnị mẹ rẹẹ sị aza ana ma wa mẹ ụbanyị nị.

Ayịsaya 43:23

Wẹ yị kụ atẹmẹ ẹnịrị ẹvụ awụ nịnị va mẹ̀ ịsọvọ ana aā rị ịra yị mị nịnị. Wẹ yị mẹ̀ ịsọvọ ka wa sị ụbanyị yị mị nịnị. Mẹ yị kụ́ kata wụ nịnị ẹngụ ka wa va mẹ̀ ịsọvọ yị mị nịnị. Mẹ yị kụ́ kata wụ nịnị ẹngụ ka wa sị eturare vẹ nịnị.

Ijeremaya 3:4

Ọ kà ẹwụ nịnị vaa hị́ ọnị booro aanị ka, ọnị ọ vị Ada awụ nịnị, dị ọnị sì ịrẹyị awụ nịnị hụụnị ozweyi nị.

Ijeremaya 35:16

Ẹnẹyịmavara kà, ezi Ijonadabị ệ saasa ọda ọnị ohiku ẹnịnị mẹ yị wa ama ẹwụ nịnị ẹ́ yị saasa ịrẹyị anị.

Ịzẹhwanaya 3:4

Ọnịsẹ ẹnịnị vị oyi ana dụ ẹngụ ẹnịnị kẹnẹ. Ẹnịnị ẹ yị wụra sị ayị tụra. Ohirẹsụ irehi Ohomorihi ẹnịnị vị ana aa sị akamawụ mẹ̀ ịsa enyisi ịnị irehi Ohomorihi. Ẹnịnị ẹ raà sị ọda Ohomorihi siisi ẹtẹ.

Ịmarakayị 2:1

Ẹnẹyịmavara Ochẹtẹẹngụ ộ hị́ ohirẹsụ irehi Ohomorihi nịnị, dị ọ mẹ ọda yị wa nị.

Ịmarakayị 2:10

Dị Ịmarakayị ka, aanịka ẹ yị vị ada ọnya ọ ma ayị? Áa vị ẹ yị vị Ohomorihi ọnya ọ tụ yị vẹ ẹhẹ? Sị ẹ vaa vẹ di e yee vene ẹngụ? Sị ẹ vẹ dị ẹ yaa sị eyi kẹnẹ-kẹnẹ re ịsa ọnị Ohomorihi ka ọnị a mẹ yị ohiku ẹnịnị?

Iwe Ọhụhị Imosiisi ana aa hị́ Ọyịvatụrọda 32:6

Ẹwụ nịnị ọnụra ẹnẹ ẹ yị yẹ ịrẹyị, Aanị ụ mẹ vee sị Ẹnẹyịmavara ụta nị? Aa vị ọnị ọ vị ada awụ nịnị, dị ọ tụ́ wụ nịnị vẹ ẹhẹ? Ọnị ọ vara awụ nịnị ẹkụra nị.

Ayịsaya 45:10

Ọ da divi kẹnẹ ka ozi ọ họ̀ aza ana ma a ka sị ẹ vị dị ẹ maanị ma ọnị?

Ayịsaya 64:7

Ẹ yị nyị ọza anaa hị́ ịrẹha awụ. Ẹ yị nyị ọza anaa vẹ ịdị awụ vee sì ọgụvọ. Wa raa sị ẹngụ awụ tẹ̀ yị, wa raa hụrẹ yị ụvọ, agụvị ebira odivi ayị.

Ịmarakayị 3:5

Ẹnẹyịmavara Ochẹtẹẹngụ ka, ọnị vaa ka pe wa dị ọnị ọ mẹ̀ ọkarẹyị yị wa. Dị ọnị ụsẹ jị ịvị yị aza ana aa mẹ ẹbẹ, ọnịrị ọsẹrẹka nịnị, ne beri aza ana aa hị́ eku iruku, ọnịrị aza ana aa mẹ anụkọrọ rị, aza ana aa mẹ ẹvaya yị osoku nịnị ọnịrị ozi oku nịnị ne beri azọga ọnịrị aza ẹnẹ ẹ yị nyị angwahi anị.