Ịmarakayị 1:5 - IWE ỌNỊNỊ

⁵ Anisirẹrị nịnị vaa sị eyi ẹnịnị re e, ẹ vaa kà a ka ụkata Ẹnẹyịmavara o chi avaba ẹtẹ ẹngụ.

Ịmarakayị 1:5 Referans Kwoze

Iwe Ọhụhị Imosiisi ana aa hị́ Ọyịvatụrọda 11:7

Eyi awụ nịnị Ẹnẹyịmavara mẹ̀ avaba ịsị ẹdẹngụ ẹnịnị nị.

Ezikẹẹrị 38:16

Ụ vaa kwẹẹtẹ tụ aza anị Anisirẹrị nịnị anka opomi mẹẹ tụ naa ngụ ẹkụra avọọ. Ịjị ụmẹ òo si tu, ọnị vaa mẹ ka wa kụ́ ịrẹkụ na ngụ ịnị ẹtẹ anị, agụvị ọnị ọ̀ sị zụ anẹkụra nịnị ọza ọnị ọnị vị; dị ọnị ọ̀ sị ịsị ọnị ọnị aa mẹ zị oze ịnị ụvọ awụ zụ ka ọza ọnịnị ọnị vị nị.

2 Ịtọpa 29:8

Ẹnẹyịmavara vị ana nyayịnẹ du ayị hí Anijuda ọnịrị Anijerusarẹmị nịnị. Ịsị ọnị ọ mẹ̀ wa vi ene hi ọzọza angwa, dị ahị za wa. Ẹnịnị ẹ yẹ ọsọnị ẹtẹẹtẹrẹ.

1 Ịsamụwẹrị 12:16

Booro aanị ọzọza ẹ̀ jẹẹ ịzị ọ yà, di we re ịsa ọbanyị ọnị Ẹnẹyịmavara vaa mẹ̀ éyi awụ nịnị.

Imika 5:4

Ẹnẹyịmavara vaa sị ụkataa yị aza ọnị ọ vaa sị vẹ. Ụkata ọnọọ o ve sii sere aza anị. Mị ka ụkata Ẹnẹyịmavara Ohomorihi ana nyị ụbanyị o ve sii sere wa nị. Angwa o yi kuku vee hi aza Ohomorihi agụvị ka avaba anẹhẹ vaa yẹ ka Ohomorihi ộ banyị.

Ezikẹẹrị 38:23

Aanị ọnị mẹ va sị́ ụbanyị anịị zụ̀ avaba anẹkụra nịnị, dị ẹ̀ yẹ ka ọnị ọ nị nị. Ẹnịnị vaa yẹ ka ọnị ọ vị Ẹnẹyịmavara nị.

Ijosuwa 24:7

Ịzọọ Anisirẹrị ya dị ẹ na owu na za Ẹnẹyịmavara, dị ọ sị etohozi jị ẹnịrị Anijipiti ịnẹ nị. Dị ọ ka enyi jẹẹ yị Anisirẹrị dị ẹ jịnẹ ịnị ẹtẹ ọyịwụ ama dị ẹnyị ọnọọ varẹma mụnẹ wa dị e su ẹyị awụ nịnị nị. Anisirẹrị nịnị ẹ̀ẹ ya ịnị ụnọmị ku pooro nị.

Iwe Ọhụhị Imosiisi ana aa hị́ Ọyịvatụrọda 4:3

Ẹwụnị ụvọta ò re ịsị ọnị Ẹnẹyịmavara mẹ̀ Ịbaarị-Ịpẹyọ. Avaba aza anaa mẹ̀ ori ịzọọ ô vú ẹtẹ nị.

Ezikẹẹrị 39:9

Aza ana ra hi ẹtẹ Isirẹrị vaa jịnẹẹ tụ ẹhẹ dị ẹ na kụ́ ẹnya ịrẹkụ ọnị ọnịvị ẹnịnị và hi ẹtẹ di ẹ sị ka ịra. Ẹnịnị vaa kụ́ ogonto, ọkịta, ọpa, ọha, ọnịrị arubebe ọnị ọnịvị ẹnịnị và hi ẹtẹ, dị ahịka ọnị ẹ kụkụ aa sịị kà ịra pooro dị ọ mẹ ịrayị ịhịmba nị.