Ịmarakayị 1:4 - IWE ỌNỊNỊ

⁴ Ezi Iisọ ana vị anẹkụra Edomi ọnọọ ẹ̀ẹ kà ẹkụra ẹnịnị o si du, ẹnị aa varẹma tenyi ọ da. Ẹnẹyịmavara Ochẹtẹẹngụ kà a ẹnịnị èe tenyi ọ da, dị ọnị rẹ varẹma wu ọ za ẹtẹ nẹrẹ-nẹrẹ. Dị aza aa hị́ ịzọọ ẹkụra odivi, anẹkụra ọnị Ẹnẹyịmavara aa kụ ayị hi pooro.

Ịmarakayị 1:4 Referans Kwoze

Ezikẹẹrị 25:14

Ẹnẹyịmavara kà aza anị Anisirẹrị nịnị vaa họ̀ oponu ịrẹsụ Edomi, dị ẹ̀ mẹ ka Anedomi nịnị vaa yẹ aza mẹẹ rị ụya ọnị ọ̀ọ ka ọnị aa họ̀ oponu.

Ezikẹẹrị 35:9

Ọ kà ọnị vị ọnị vaa tụ wụ avosusu pooro zịna-zịna nị. Ọza ẹ́ yị ma vana ra ịnị ẹkụra awụ nịnị. Ịjọnọọ ụ vaa yẹ ka ọnị ọ vị Ẹnẹyịmavara nị.

Ijeremaya 31:17

Ọ kà waa nyị ọyịtureyi ụhwọọ, ezi ewu vaa vàa vẹ eehi.

Ayịsaya 34:10

Ịra ọnọọ vị ana vaa za pooro ọọdụ ọnịrị ịrahụ, dị areyi anị aa dàa vàa hịrẹ. O yi vee mi pooro. Ẹtẹ ọnọọ vị ana vanaa tụ́ osusu pooro zịna-zịna, ọza ọ mā vana zi oze avọọ para hu.

Ayịsaya 34:5

Ẹnẹyịmavara ọ sị ụhwọ anị ne rị ụvọ tụ́ ẹbẹẹba. Ọnị ọ vaa sị wụ̀ Anedomii vaa ha nị. Ộ vịdị raà mẹ̀ ọkarẹyị ẹnịnị ka à wụ̀ wa và ha.

Ayịsaya 11:14

Ẹnịnị kụkụ vaa vaa bẹ dị ẹ baku Anihwirisiti. Di e nyima hụrẹ eyi ọnị ọyịị̄ zị naa ngụ ẹtẹ, dị ẹ vavọọ chaka wa na ngụ eyi ọnị ọyịị̄ zịị hụrẹ. Ẹ rẹ vaa kụ́ ịrẹkụ naa rị Anedomi ọnịrị Animowabi. Dị Anamọnị kụkụ vị ọrịhị ẹnịnị.

Ịmarakayị 1:3

dị ọnị nyị ịhyẹrẹ Iisọ nị. Ọnị ọ raà mẹ̀ ka ẹkụra Iisọ ana ya ịrẹsụ ataba ọ tụ́ osusu. Dị ahịka ahaka nịnị kẹnẹ ẹ kụ́ ịzọọ ogu nị.

Emọsị 6:2

Ẹnẹyịmavara kà ẹnịnị e ne re ịsẹ tu ẹkụra ọzọza ịnị ẹtẹ Ikarine, ọnịrị Ihamati ẹkụra ọbanyị ne beri Anigati ịnị ẹtẹ Ihwirisiti. Ẹnịnị wáá nyị ụkata hụụnị Anẹkụra ẹnẹẹ nị?

Ezikẹẹrị 11:10

Ọ kà ọnị vaa mẹ ka à kụ́ ịrẹkụ ve tù wu nịnị, dị a wụ wụ nịnị hi ẹhwị ẹtẹ Isirẹrị. Ịjọnọọ aza vaa yẹ ka ọnị ọ̀ vị Ẹnẹyịmavara nị.

Arụwẹ 3:37

Ẹnẹ nyẹngụ ka ịrẹyị dị ọ sị gẹ ẹ̀ẹ yị vị Ananyị yị sị ụvọ tụ ọ?

Ayịsaya 10:4

Aza ẹnyị awụ nịnị vi ene vee sú ịnị ịrẹkụ à yị vi avọọ dị a za wa ọrịhị nọ ẹkụra ọsa. Wàa daka maanị rị rị ụya nịnị, Ẹnẹyịmavara ọ yị vị vaa vàa hụụnị ọyịkụ anị. Vị aa tịị tana ụvọ za wụ nịnị nị.

Ụhịrẹyị 21:30

Ẹ nyị ịsị ịrẹyọyẹ ọnịrị eyohweyi ọza vị ọvịdị Ẹnẹyịmavara.

Ahẹ Ụgama 137:7

Ẹnẹyịmavara, tamayị ebira anị Anedomi mẹ ịhị ịrẹkụ va rị Anijerusarẹmị. Ẹnịnị vi ene ee nowu dị ẹ ka à maanị chaka Ijerusarẹmị za ẹtẹ nẹrẹ-nẹrẹ.

Ahẹ Ụgama 127:1

Ẹ̀ yị vị Ẹnẹyịmavara ọ̀ dà irehi, aza ana aa vụrịị dà a vị ana aa mẹ akanya kẹnẹ. Ẹ̀ yị rẹ vị Ẹnẹyịmavara o sere ẹkụra, aza ana jị areyi dị ẹ ka vị ẹnị ee sere e nị vị ana aa jị areyi ọọhẹ kẹnẹ.

Ijoovu 34:29

Ohomorihi ọ̀ọ ka ẹ yị nyị ịsị ọnị a mẹ̀ vụrụ-vụrụ. Ẹnẹ hwọ jị ịvị yọ? Ọ̀ọ ka ọnị aa sị̀ eyi tẹ̀, ẹ yị nyị ịsị ị zụ mẹ

Ijoovu 12:14

Ohomorihi òo du ịsa ene zụ tenyi ọ da? Ẹnẹ hụrẹ ọza ọnị ọ jị ẹngwa?

Ijoovu 9:4

Ohomorihi ọ yẹ ịrẹyị dị ọ rẹ nyị ụkata ẹnẹmẹhị nị.

Imatiwu 12:30

Ọza ẹnẹ ẹ̀ yị yà beri emi, vị aa bàrà mị nị. Ọza ene è yi pe mi kụ́ ịsa gụ, vị aa garaa ha nị.

Ijeremaya 5:17

Ịsa ọnị ụ mẹ tụ ịnị aarẹ ọnịrị ịsọyịrị awụ nịnị vị ọnị ẹnịnị vee duu ha. Ezi ọnọrụ awụ nịnị ọnịrị ezi anẹẹ awụ nịnị vị ẹnẹ vaa wụ̀ vàa ha. Ịsụpa awụ nịnị vị ọnị e vee vú ẹtẹ beri ọchị ịvayịnị ọnịrị ọchị ihwigi awụ nịnị. Ẹkụra awụ nịnị ana jị ọvọ kara ọnị ụ vavọọ aa tụra eyi nịnị avọọ vị ọnị isoja ẹnịnị vee vú ẹtẹ.

Ijeremaya 49:8

Ẹnẹyịmavara kà, ẹwụ nịnị Anidedani, vareyi wee zwè, dị wa ne tẹ̀ nịnị, ka ụmẹ o si tu ka ọnị ọ̀ sị ụya rị evere Iisọ, ọnị vee vụ wa ẹtẹ.

Ijeremaya 49:20

Ọ kà, agụvị avọọ, wụ ịsị ọnị rò ka ọnị vaa mẹ Anedomi nịnị ọnịrị Anẹkụra ana aā hị́ Itemani nịnị. Ezweyi ẹnịnị vị ana vaa kụụ hara ẹtẹ nee hu, dị angwa ee hí avaba aza.

Ezikẹẹrị 25:13

Ọnị aa kà a booro aanị ka ọnị vaa sị ụyaa rị Edomi, dị ọnị wụ̀ aza ẹnịrị ịsụpa hụụ ịzọọ. Ọnị vaa tu ẹtẹ Edomi osusu, hụrị ịzị aā hị́ Itemani naa ngụ ịzị aā hị́ Idedanị, dị a wụ̀ aza ene hi ịzọọ eyirẹkụ.

Ezikẹẹrị 26:14

Ọ kà ọnị vaa vara ẹtẹ awụ nịnị ịda ịzị a vaa gara ọha ivovoo hịrẹ ọyị. Ẹnẹyịmavara Ananyị ụkata hu ka ọnị ọ sị ọ ka ka, ọza e yi me vene tenyi ẹkụra awụ nịnị dà paa.

Ezikẹẹrị 35:4

Ọnị vee vu ẹkụra-ẹkụra awụ nịnị ẹtẹ, dị ọnị tụ ẹtẹ awụ nịnị osusu. Ịjọnọọ ụ vaa yẹ nịnị ka ọnị ọ vị Ẹnẹyịmavara nị.

Emọsị 3:15

Ẹnẹyịmavara kà ọnị re vee wu irehi ẹbanyị-ẹbanyị ẹnẹ ẹ dà hi aha ụhwọtụ ịnị ụmẹ ahị ọnịrị ẹhị. Avaba ọpanyị ọdọba ẹnị ẹ sị mẹ̀ ọvị hị́ ịnị irehi ẹnịnị vị ọnị vaa chaka ha.

Emọsị 5:11

Ẹnịnị vị anaa sị ụvọ hi onosiye za ẹtẹ, dị ẹ yaa ba wa uchuvọta dọ ẹkẹhị irehi, dị ẹ ne ẹkẹhị irehi na hịrẹ. Agụvị avọọ ẹnịnị ẹ yị vaa ra ịnị irehi ẹnị ẹ da. Ẹnịnị ẹ yị rẹ vị hú eche hụụnị ụbazị ịvayịnị ẹnị ẹ kụ́ ụrụkụ anị.

Emọsị 6:11

Ịjị Ẹnẹyịmavara ọ́ mẹ ọda, di aa chaka irehi ọbanyị hi oweyi za ẹtẹ rugurugu.

Ọbadaya 1:1

 nyị ọnọrụ ọnyara aanị ọnị ịrẹha rị Ọbadaya. Ẹnẹyịmavara Ochẹtẹẹngụ ộ sị ịsa ene vee tu anẹkụra Edomi zụ ọ. Anedomi nịnị ẹ̀ raà wụ́ enube ọnọọ hụụnị ụvọ Ẹnẹyịmavara, dị ọnụtụ anị rẹ raà kà a yị anẹkụra nịnị ana vọ nị. Ẹnẹyịmavara kà anẹkụra ẹnẹẹ è tenyi ẹngụ, dị ẹ gẹ ịrẹkụ tù Anedomi nịnị.

Ọbadaya 1:10

Agụvị ka ệ dọ ezi Ijekọvụ ọnị ẹnịrị wa vị ezi ẹyịnyara ẹnya, dị ẹ wụ̀ wa, a vee vu wa ẹtẹ, dị ọ vị ụhị wa pooro zịna-zịna.

Ahẹ Ụgama 33:10

Anẹhẹ ẹ̀ẹ sị̀ gụ dị ẹya gẹ eyi, Ẹnẹyịmavara sị ọ gara. Ịsị anẹhẹ ro, ọ kụ́ ọ vazi, nyẹẹnyẹ

Ijeremaya 49:7

 nyị anẹkụra ana aā hị́ Edomi. Ịrẹyị ẹnịnị ọnị Ẹnẹyịmavara Ochẹtẹẹngụ ka yị. Ọ kà, Aanịka vị Anedomi nịnị ẹ̀ yị vị ana kụkụ nyị ịrẹyọyẹ vụrụ-vụrụ nị? Aanịka ẹ́ yị kụkụ nyị ọza ana zụ pe wa juwe ịsa vọrọ ka ẹ̀ mẹ da? Vị́ ịrẹyọyẹ wa vana tá hụụ ịzọọ nị?

Emọsị 1:11

Ẹnẹyịmavara kà ọnị aa pa ịva yị Anedomi nịnị agụvị ebira odivi odivi ọnị ệ mẹ̀. Ẹnịnị ẹ sị ụ̀hwọ̀ wụ̀ Anisirẹrị ẹnị ẹnịrị vị anda. Ọyịha odivi ẹnịnị, ẹ yị zẹ ka ẹ vayị ọza vụrụ-vụrụ. Ẹnịnị ẹ yị mẹ̀ ẹ sị rị.